BUNDO KANDUANG Sia lah ka pangganti Bundo Kanduang Pa unyi istano Pagaruyuang Panunggu rumah ba anjuang Nan pandai batanun jo batanuang
Di caliek si upiek jo si buyuang Banyak nan indak sadar jo untuang Indak tau suku jo kampuang Jambak,Sikumbang, guci jo tanjuang Lai batikuluak ba karuduang Pandai ba kodek kain saruang Tapi sadonyo serba tangguang Ka ateh tabukak kabawah tagantuang Kok lai batutuik di pungguang Tapi babukak an di lambuang Kok basaok bana nan tabusuang Tapi jaleh lakuak gunuang Babaju sampik ba kaos buntuang Pusek tabukak dado santuang Ka ateh ba jaik kabawah kuduang Mangaku tamat Tarbiyah Canduang Di tunjuak-I kareh hiduang Di katoi nyo tasingguang Pantang talantak jo talantuang Di hariek nyo manggaruang Antah cadiek antah binguang Antah andie antah lingluang Kadang lah bantuak kabau rampuang Babega-bega ndak ba ujuang Nan gadih lenjeh nan bujang caluang Cabe-cabe jo taruang-taruang Parangai bak miang rabuang Manggata kalau disingguang Geleang bak cando sipatuang Galese cando bingkaruang Lenggok sarupo sabuik tarapuang Onjak bak cando apuang-apuang Kok ba honda ka ilie ka ujuang Antah bapangku antah badukuang Duduak bak cando loncek kankuang Lah baserak-serak tu tumbuang Bunyi knalpot ma rauang-rauang Jalan luruih nyo manikuang Ndak nyo agak-I urang talantuang Bantuak nyo sajo nan punyo kampuang Ba pacaran ba kuruang-kuruang Di balakang rumah di bawah lumbuang Kadang di bawah rumpun batuang Bagaluang baguluang-guluang Kama pai ba unduang-unduang Kian kamari ba usuang-usuang Lah kanai jarek kanai daluang Disiko baru tagaruang Badarai kukuak rembayan taduang Lah nyato manang ba rambuang Susuah bataji dapek saruang Jo nan kuriek badan basabuang Dapek hati bakadak jantuang Cando alu dapek lasuang Antah padi antah jaguang Nan paralu jadi tapuang Tinggalah nan kuriek maratok untuang Muko pucek mato lah cakuang Dado lah cando lambuang-lambuang Kaki bangkak paruik gambuang Babuah ratok ka si junjuang Mancaliek jantan lah tabang ambuang Antah ka merak antah ka lampuang Sakarek hati nan nyo gungguang Aib sia lah ka manangguang Makan hati ba ulam jantuang Timbua takuik tabik lingluang Nak mancari tali ka bagatuang Jikok di agak di manuang-manuang Santano amuah kito maranuang Iko lah salah sajak di baduang Salah pangku salah jujuang Dari pangka sampai ka ujuang Di pandang di caliek guluang Ibarat listrik arus lansuang Lah banyak nan salah sambuang Cupak panuah gantang balanjuang Tanyato basuo saliter cakuang Usah salahkan sarueh batuang Nan manyukek salah hituang Dek ketek di sanjuang-sanjuang Lah nyato parangai baduang Ndak tau kupiah jo talakuang Tatap sajo ba aguang-aguang Di nan kalam lah hilang pusuang Dima indak ka tataruang Lah bak cando gulai kincuang Babaua sajo cipuik jo rabuang Nyampang diberangi mamak kanduang Apak nyo nan tasingguang Mandehnyo nan nyo asuang Babela pulo dek anduang Lah salah tampek ba nauang Kaliru tampek balinduang Hujan labek salah tuduang Hari paneh salah payuang Y.Jambak. <https://lh5.googleusercontent.com/-7KDXi-AR7lQ/VA6IfOCSRII/AAAAAAAAADI/s9h0qexGcjM/s1600/1359134515.jpg> -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lainnya, kunjungi https://groups.google.com/d/optout.
