Nyiak Sungut, Ambo pajaleh snek lai. Nan dinamokan "hostel" di RS Mahkota tu cuma khusus untuak pasien dan pendampingnyo, bisa dibuking jauah2 hari malalui perwakilan RS ko di Padang, Jakarta, Pekanbaru dll, supayo ado kepastian. Kamar2 hostel ko adolah kamar nan dipersiapkan untuak kamar pasien, kalau ndak salah cuma di lantai 5. Sagalo instalasi listrik lah tapasang persis co kamar perawatan nan ditempati induak bareh ambo di lantai 8, malah tampek tiduanyo juo persis tampek tidua pasien nan bisa dinaiakturunan kasuanyo. Jadi sabananyo manajamen ko indak sangajo mambuek penginapan di dalam RS, cuma dek pasiennyo alun sabanyak nan dipakirokan mereka dalam perencanaan awal, jadi, daripado indak produktif, dipaseokannyo dulu malakik jumlah pasien maningkek. Walau sementara, caro iko sangaik mambantu kaluarga pasien, apo lai sangaik banyak basuo dek ambo pasien dari Indonesia, khususnya dari Sumatera nan dakek jo Melaka dan bebas fiskal. Mungkin manajemen manyadari faktor ko, dan untuak daya tarik nan sangaik mamikek.
Di subarang jalan ado Hotel Mahkota sakian tingkek, malah jauah labiah tinggi dari RS Mancaliak bantuaknyo dari lua, agak hati ambo indak kurang dari babintang 3. Barangkali hotel iko sabananyo nan dirancang untuak kaluarga pasien lua Malaka. Memang sambuah hotel2 sederhana, co level melati di awak, di sakuliliang RS ko nan juo sangaik manolong kok ado pasien dari jauah nan ndak kebagian hostel tu. Kok nak mareformasi kondisi RS di nagari awak, indak bisa maawai RS nan lah ado, swasta atau pamarentah dek sistemnyo lah bakarek taba. Mudah2an nan baru dibukak bisa maniru manajemen RS luanagari ko. Kok ado wacana warga RN ka mambukak usao di bidang ko, di mano sajo, cubolah baraja ka nagari urang, dan laksanakan manajemen jo konsep "PASIEN ADOLAH RAJO" dengan ketat dan tegas. Sia lo urang nan amuah maabihan pitih kalua nagari, apo lai dari bandara di lua Sumatera, baia fiskal lo lai. Kok ka samo dicaliak dan dirasokan urang, pasti laku tu mah. Ndak ka bagaduru bagai urang barubek ka lua lai. mak Sati (L. 71+0+26) Tabiang --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
