Nyiak Sungut, Bana curito pangalaman inyiak tu. Partamo kali ka Malaka tahun 2004, ambo sato rombongan mambao mahasiswa ambo. Dek kunjuangan resmi, kami disambuik dek para pejabaik kantua pendidikan negara bagian Melaka tu dan dibao mangunjuangi babarapo buah sikola, musium dan jalan2 kuliliang. Nan mengesankan kota ko adolah kota sejarah. Ado 21 buah musium nan tauruih rancak sadonyo. Dari kunjuangan iko ambo dapek kawan nan sapangkek jo anak ambo nan tuo sakali, urang Melaka asli, tapi masih badarah Minang sakian katurunan nan lalu dan baliaulah nan manjapuik kami kapatang ko dari bandara KL dan pulangnyo baliau pulo nan maantakan kami baliak ka bandara KL. Sapanjang jalan baliau bacurito sarupo guide, dan kami dibaonyo malewati jalan sapanjang pantai nan badirik-dirik hotel2 rancak nan manunjuakkan bahwa daerah ko daerah wisata. Pai nan kaduo bulan Juli 2007, tapi samalam sajo dan nan kapatang ko indak pai kama2. Lai ka dibao dek kawan ambo tu tapi induak bareh manulak dek masih alun siaik bana.
Cuma nan indak katuju di awak, samo jo di Sumbar ko, taksinyo. Kok dari bandara KL malalui counter taksi resmi lah ado tarifnyo, KL -> Melaka RM 140,-, tapi di lua, sabagian ketek sajo nan pakai argometer. Salabiahnyo baago dan bisa2 awak kanai dabiah. Kabanyo, kecek kawan ambo tu, dari Melaka ka bandara KL, bisa2 awak dimintak RM 300,- sampai RM 400,-. Jadi kami batua2 dilarang dek kawan ambo tu naiak taksi di Melaka tu. mak Sati (L. 71+0+25) Tabiang ----- Original Message ----- From: "hambociek" <[EMAIL PROTECTED]> To: <[email protected]> Sent: Friday, March 28, 2008 6:39 AM Subject: [EMAIL PROTECTED] poros jakarta--padang---kandang singo, Hostel Rantaunet Kalau Hotel Mahkota nan di Tapi Lauik lah panah ambo inap sinan partamu kali ambo ka Malaka. Memang mewah dan agak maha tapi sabana aman dan damai rasonyo untuak istirahat mangatahui Kota Malaka secara garis umumnyo partamu kali. Ambo lah lamo manginginkan ka pai ka Malaka karano uniknyo Kota Malaka dalam Sejarah. Ado Kampuang --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
