Assalaamu'alaikum wa rahmatullaahi wa barakaatuhu Pak Saaf sarato dunsanak di sabalik bumi Allah nan adang - adok.....
Taragak sato pulo ambo saketek, sasudah manyimak carito tukang parkir pamalak, urang manggaleh tukang pakuak di nagari awak.... Sabanano bana nagari awak tu buliah dikecek-an alah baitu juo kaadaanno sajak saisuak. Paliang tidak nan panah nampak di mato kapalo ambo. Ado dan banyak sajo dunsanak-dunsanak awak di kampuang tu nan suko manembak di ateh kudo. Bajariah saketek tapi capek dapek pitih. Kalau kecek urang tuo saisuak, indak baluluak, ba cikarau. Dan lingkuangan awak mampabiyaan sajo kondisi nan sarupo itu. Contoh; Di parantian oto Pasa Banto di pasa bawah, katiko parantian oto antar kota (terminal kecek awak kini) di sinan, di pintu ka masuak parantian oto ko ado babarapo urang nan nyinyia mananyoi satiok urang nan mandakek ; 'Padang, ngku, Padang, ni,' dan sabagaino, Kalau ado cando-cando urang tu iyo ka pai ka Padang, kadang-kadang dipasarigiyanno, diirik-irikno no urang. Sabab nan batanyo ko ado nan agen oto NPM, ado nan agen oto Atom, ado nan agen ANS. Kalau alah duduak urang di ateh oto nan maa sajo, si agen jo modal mairik-irik urang ko dapek kumisi 10% dari arago kuricih. Kan iyo murah bana di no mandapek-an pitih. Itu di parantian oto. Sakali wakatu ambo ka pai ka Padang, manyetop oto POZSLA di Biaro, oto tambangan Payokumbuah - Padang. Nan manyetop oto ambo. Alah naiak awak ka ateh oto, ado urang Biaro nan mamintak ongkos oto ka awak, padohal awakno antah sia-sia. 10% dari pitih seo oto ko lah untuak no lo. Awakno maagen lo namono di sinan. Di supir oto indak masalah bagai do. Konon pulo, pitih seo oto urang naiak di jalan ko indak masuak paretongan nan musti disetor ka induak samang do. Masih di parantian oto juo, kok kabatulan awak mambao barang balatak-an di ateh tenda (di atok oto), diturunanno dek sitokar oto. Disambuik di awak. Lah tibo sajo pulo urang nan indak awak minta tolongan sato manyambuik. Barang tu indak barek bagai do, dan awak surang pun indak sulik manyambuikno. Sudah itu nan manolong paso ko mintak pitih no ka awak. Kok kurang pitih diagiahan, dipacaruiki no awak. Dalam pajalanan dari padang ka Bukit Tinggi, baranti oto di Lubuak Aluang. Bagarudu urang bajojo datang, ado nan manjojoan talua asin, manggih mudo dan antah aa bagai lai. Batanyo urang disampiang awak bara arago talua asin. Dijawekno di urang manggaleh, urang laki-laki mudo. Kecek nan batanyo, anto maha bana. 'Maha baa? Ka mambali go ka indak?!' jo mato mambulancik. Nan batanyo tanang sin lai. Urang manggalehko manyasak sambia baturo-turo. 'Ka mambali ka indak?' Untuang oto capek barangkek sudah itu. Tinggalah urang panggaleh nan kasa ko bacaruik-caruik. Alah agak kudian-kudianko, babarapo taun nan lapeh, ambo seo taksi dari Kiktinggi ka Bandara (masih di Tabiang). Mintak tolong ka adiak ipa mancarian taksi. Katiko ka barangkek, di adok-an supir taksi ko dikecek-an adiak ambo nan bahaso ongkos taksi tu Rp 85,000 untuak sampai ka Bandara. 'Kan lah jaleh tu yo diak, ongkos Rp 85,000,' kecek adiak ambo. 'Iyo, iyo,' jawekno. Baranti di sate mak Syukur diajak supir ko makan sate, lai amuah lo no sato. Tibo di Tabiang diagiahan pitih uang karateh Rp 100,000. Lalu kecekno, 'alah pas se sakiko mah pak, awak maleh batangka se tadi jo adiak apak...' Pabilo lo adiak ambo maajak batangka? Apokoh urang nan maagen, nan jadi tukang sambuik barang dari oto, urang nan manggaleh di Lubuak Aluang, supir taksi ko bukan urang awak? Urang awak bana. Tapi memang sarupo itulah kaadaanno. Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi -------------------------------------------- On Mon, 7/27/15, Saafroedin Bahar <[email protected]> wrote: Subject: Re: [R@ntau-Net] Caruik Maruik di Ranah Minang To: "Rantau Net Rantau Net" <[email protected]> Date: Monday, July 27, 2015, 8:25 PM Pak Maturidi, bung Zuhrizul, ambo sabana heran baa mako sampai samarosot tu bana kaadaan urang awak di Ranah. Herannyo, nan marasoannyo malah kito urang Rantau. Sanak di Ranah malah nyaman-nyaman sajo. Takalok gadang. SB. On Jul 25, 2015 3:01 PM, "'Zuhrizul' via RantauNet" <[email protected]> wrote: Satuju ambo Mak Maturidi , Pak saaf, tapi Kalau itu di sabuik nyo kecek an pulo Awak bapolitik , yo lah Kamari bedo, ambo Setuju bana Kalau Calon kapalo Daerah ado komitment yo organisasi parantau dan beko perantau nan perintahkan Anak kamanakan / keluarga Besar mamiliah nan paliang kuek komitment nyo Wassalam / Zuhrizul Chaniago / 43 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lainnya, kunjungi https://groups.google.com/d/optout.
