Assalamu'alaikum Warahmatullahi Wabarakatuh, Nan layak tu kiro kiro bara ? 1.500.000 ? 3.000.000 ?
Sabana nyo agak menarik, kalau mambahas masalah iko. Kalau guru nyo demo, terlantar anak didik, kalau ndak demo, keinginan ndak di danga samo pemerintah. Ado nan paralu di tanyo : 1. Sabalun jadi guru honorer iko, apo ndak tau sabalunnyo bara honor nan di dapek, atau di kicuah samo pemerintah di janjian labiah di baia kurang ? 2. Bara jam ma aja nyo ? 2 jam sahari ? 4 jam ? atau sapanjang hari ma aja ? Dulu ambo pernah ma aja di Kampus. Ma aja S-1 sebagai Dosen Luar Biasa :) di baia 15.000 / sks ? 2 jam ma aja dapek 30.000 :) kalau ma aja cuman 2 jam sahari di kali 5 hari saminggu dapek 150.000, dalam sabulan dapek 600.000. Sabananyo ingin dapek banyak jam ma aja, tapi ndak bisa karano status nyo Luar Biasa :). Walaupun ma aja cuman 2 jam sahari, wakatu nan abih ditambah wakatu pai dan pulang ka kampus amuah juo satangah hari. satangah hari lai ndak efektif. Gadang pulo pendapatan tukang cindua di muko matahari pasa raya. Kebutuhan gadang daripado pendatapan, kesimpulannyo ? ambo Baranti ma aja. bajuang di lua, modal apo ado nyo. batanggang ba hari hari, ba bulan bulan, sampai kini lah 8 tahun , bakarajo sangaik kareh, kadang lupo makan, kadang lupo lalok. Alhamdulillah kini pendapatan lai bisa mangalahan pengeluaran. Mohon maaf kalau ado nan salah. Tanpa raso mangurangi hormat ambo kapado guru guru, nan alah ma aja ambo pantai baretong, manulih, mangecek. Ndak ka tabaleh jaso guru guru ko do. Guru ko adolah karajo urang nan mangarati arati iduik, karajo nan pahalo nyo baranak pinak, karajo nan labiah hebat dari pado manajer investasi di bursa. Kalau manajer investasi di bursa tu hanyo untuak samantaro, kalau guru ko manajer investasi untuak iduik nan sabananyo. Ado juo nan manggunoan ilimu nan pernah di ajaan, amal nyo akan taruih masuak ka rekening amalnyo. sapanjang umua dunia ko. Insya Allah Wassalam. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
