Sadang angek2 diskusi capress dari minang, kito simak pulo ciloteh WH satantang iko. Salam Is St Marajo, 39+ www.cimbuak.net Kampuang nan jauah dimato dakek dijari
PANTANGAN DATUK PARPATIH Minggu, 27 April 2008 Oleh : Wisran Hadi Si Atang jo si Jila raun paniang. Dek lah panek bakuliliang-kuliliang, kasudahannyo parewa nan baduo tu tatagak di tapi lapangan tampek urang main buayan kaliang. Inyo duduak mancangkuang di bawah batang dadok sambia mancaliak gadih-gadih main buaian kaliang tangah hari nanek. "Tang. Kalau inkumben mundur, apo waang lai siap menjadi panggantinyo atau jadi wakie?" tanyo si Jila ka si Atang. Tanyo si Jila tu cuma untuak mangaruah-ngaruah an aie liua sajo, dek karano nak ka kambali kokakola pitih indak cukuik. "Baa baitu," tanyo si Atang sambia matonyo taruih mamparatian buaian kaliang baputa-puta. "Kini banyak urang nak mundur banyak pulo nak manjadi wakie." "Manga wakie, jadi presiden aden siap! Waang caliak bantuak den, kan lai takah jadi presiden ndak. Cuman ratak tangan den alun. Bantuak alah, ratak tangan alun." "Apo? Waang nak jadi presiden? Sia bana waang? Apo bana partai waang? Lai manang pemilu partai waang? Jaan jadi si pungguk rindukan bulan pulo lai Tang." "Jadilah," jawek si Atang. Sudah tu inyo tagak. Dek karanokakinyo kapocoang duduak mancangkuang. "Kalau waang baa pulo Jila? Lai siap pulo waang jadi wakie presiden?" sambuang si Atang marameh paruik, dek karano lah taraso lapa. "Waden sajak lahie ka dunia ko lah jadi wakie, tahu waang ndak?" "Wakie apo, ha? Wakia siapo?" "Wakie Tuhan! Wakie Tuhan di bumi ko! Khalifatullah fil ardhi!" "Ondeh pantang! Lah jadi ustad pulo waang kini. Lah pakai bahaso arab, ayat-ayat Quran pulo bagai. Takana di den di ma waang baraja mangaji? Siapo bana guru agamo waang? Mangko salanca tu bana waang mangecek?" "Sadang jadi wakie Tuhan aden lai bisa, apo lai manjadi wakie presiden? Kecil tu kawan! Kecilnya itu, frend!" "E, hantu! Lagak waang lai Jila. Lah kalibuik urang mamikiekan sia nan tapek ka jadi presiden, jadi wakienyo, waang anggap se kecil. Baa nan sabananyo ko?" "Inyo baitu komah frend! Manuruik pituah urang-urang tuo, buaian anak baru buliah dibali kalau anak tu lah lahie. Kini, anak tu se alun lahie lai doh, buaian lah nak waang sadioan. Itu pantangan Datuak Parpatiah tu mah kawan. Dilarang dek Datuak Katumangguangan. Kok mati anak tu dalam anduangan beko." "Mukasuik waang baa?" "Takuik den, kok urang-urang nan lah siap maju tu tatilantang sajo di tangah jalan. Kanai tokok kapalonyo di nan kalam. Dek sari, saroman di daerah Sampit u ha, banyak urang mati indak bakapalo." "Jadi baa? Indak paralu den manyiapkan diri jadi? Bisa ilang kapalo den di nan kalam? Kok baitu, iyo takuik den tu mah kawan." "Kan? Waang sabana panggaca! Alun manga-manga lai lah takuik! Waang lah mancubo naiak buaian kaliang saroman paja-paja nan sadang main tu ha?" "Baa rasonyo tu? Baa? Sero?" "Naiak cameh turun tagamang! Kok baranti buaian kaliang kutiko waang sadang di ateh, baa ka turun? Nak tajun kapalo waang dari ateh tu?" http://www.padangekspres.co.id/content/view/4269/132/ --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
