http://www.hariansinggalang.co.id Selasa, 03 Juni 2008
Sabana lah kayo balabiah. Saratuih juta pitih dipaserak-an dari kapa tabang.
Baitu kiro-kiro carito barita surek kaba nan dipaot-kan dek komunitas lapau
Uwo Pulin.
Saumpamo mancaliak asam, aie liua urang-urang tu maleleh dibuekn-yo. Baa ka
indak? Dalam kondisi ekonomi sulik ulah naiaknyo harago kaparaluan
sahari-hari ado se urang kayo nan indak paguno pitih lai, sahinggo
mampaserak-an pitih tu dari udaro.
Kari Garejoh mambayangkan, saumpamo pitih tu dipaserak-an di muko lapau Uwo
Pulin, inyo namuah manampuangkan kain saruang, supayo dapek banyak. Baitu
juo Tacin, namuah mambaliak-an payuang dek nyo.
"Santano di siko kajadiannyo, ambo baliak-an payuang untuak manampuang,"
kecek Tacin.
"Kok itu, ambo picayo. Malah, sakironyo di siko kajadiannyo, barangkali bisa
tapijak-pijak awak dek Tacin. Maklum, salamo ko soal pitih-mamitih, Tacinlah
rajonyo. Cik kambiang, bisa dijuanyo jadi ubek," potong Udin Kuriak.
"Itu namonyo, dek pitih sagalo abih, dek ameh sagalo kameh. Kan lah
samo-samo awak katahui salamo ko, kini ko kan pitih nan paguno dan pitih
pulo nan bakuaso. Untuak mandapek-an pitih tu urang namuah baabih hari,
baabih maso jo baabih badan dibueknyo. Tu, mah carito di bawah barita urang
manyerak-an pitih tu ado pulo judulnyo: 'Saparinduan Menjual Diri'. Itu dek
ulah pitih juo mah. Payah bana mancari karajo, mako apo nan ado di badan
diri dijua," kato Angah Piyan pulo.
"Nan carito di surek kaba 'Singgalang' kini ko indak sajo karano masalah
pitih, tapi lah manjadi hobi, Ngah. Karano laki paja tu urang kayo, balanjo
cukuik. Nah, dek hobi manggaleh indak bapo-kok, mako dikarajokan taruih.
Prinsipnyo, galeh tajua, pitih dapek, urang tatolong, candu lapeh pulo,"
salo Kari Garejoh nan duduak di sabalah Tan Baro.
Samantaro, Tan Baro hanyo nampak galak sengeang sajo mandanga pandapek konco
palangkinnyo. Kadang-kadang ado juo batuanyo. Urang manjua diri di tangah
malam itu indak hanyo dek ulah tasa-sak masalah ekonomi atau masalah pitih,
tapi lah mandarah-dagiang. Karano, karajo tu memang sabana indak banyak
pokoknyo doh, kacuali minyak harum, gincu bibia dan indak pulo paralu
manyeyo kadai bantuak urang manggaleh di pasa. Malah, urang nan mambali
lansuang mambayia tampek bajua-balinyo.
"Rato-rato, masalah pitih memang rawan. Dek pitih dunsanak bisa jadi urang
lain. Dek pitih kawan jauah bisa jadi dunsanak dakek. Pitih memang lah jadi
panantu dalam iduik awak kini, sahinggo indaklah salah pantun Uncu kapatang
bahaso dulu rabab nan batang-kai, kini lagundi nan babungo. Daulu adaik nan
dipakai, kini ko pitih nan paguno. Karano itu, kalau bisa ado pulo urang di
nagari awak ko bantuak urang nan manyerak-an pitih di Jawa tu, baraa lah ka
rancaknyo. Pitih tu dimasuak-annyo ka ampolok, sudah tu diba-gi-bagi ka awak
nan indak punyo ko. Saumpamo saratuih juta, dibagi agak saratuih ribu
surang, mako saribu urang simiskin tatolong deknyo, daripado diserak-an dari
helikopter nan bisa maundang cilako pulo. Cubo bayangkan, santano pitih tu
jatuah di tangah jalan rami, tantu urang indak paduli untuak barabuik di
situ. Kasudahannyo, bisa digiliang oto," kato Tan Baro maagiah pandangan jo
pandapeknyo.
Agak tamanuang juo urang-urang nan ado di lapau tu dibueknyo. Karano, apo
nan dikamukokan Tan Baro tu bisa juo masuak aka.
Espe St.Soeleman
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
