Hallo Mpuang, Sasuai tu Mpuang,......... Tampaknyo sanak sangaik apa jo Jawa Barat, baitu pulo nan lain. Tantang Martabak, indak martabak Mesir doh, tapi martabak manih buatan rang Kubang. Mungkin nan disabuik martabak Banduang tu bakambang dari Martabak rang Kubang juo tampaknyo, dari rang Kubang nan lamo di Banduang, satahu sanak juo bukankah rang Kubang "sabota" di Bandung ko? Wassalam, Tan Lembang (52) Lembang-Bandung Boediman Moeslim, rang Lintau, lahia di Tanjung Uban (Kep. Riau), gadang di rantau jo kampuang, sabuik se tanjung uban, pakan baru, lintau, dumai, medan, padang, jakarta, jambi, akhia tadampa di lembang. Balai Pengkajian Teknologi Pertanian Jawa Barat di Lembang , 022-2788894 (R), 022-2786238 ext 121 (K).
--- On Wed, 6/18/08, Andi - science <[EMAIL PROTECTED]> wrote: From: Andi - science <[EMAIL PROTECTED]> Subject: [EMAIL PROTECTED] Re: Padang atau Minang (OOT) To: [email protected] Date: Wednesday, June 18, 2008, 2:03 AM Mak Sutan Dahulu katiko marantau, katiko ditanyo urang, kama ka pai marantau? Ambo salalu manjawek ka tanah Jao, makasuik nyo ka Jkt. Tapi lah tibo dirantau, tanyato Jakarta tidak samo jo Jawa, dan yang Jawa tsb adalah Jawa Tengah dan Jawa Timur. Urang Sunda sendiri tak mau disabuik sebagai urang Jawa. Khan bai tu yo mak? Samo juo jo awak nan di rantau ko, disabui urang subagai rang Padang , padahal lah ambo jaleh an ambo ko rang Sangka, namun dalam kasaharian tetap se disabuik sbg rang Padang . Samo juo jo tetangga ambo, inyo mangaku rang Solo, walaupun kampuang inyo dari Wonogiri. Bai tu juo kalo awak basuo jo rang Sulawesi , kalimantan, slalu inyo sabuik ibukota prop.nyo. Bai tu pandapek ambo mak Tapi kalo dalam bausaho, iyo gak beda. Sarupo Warteg asli Tegal, Cukur rambut: Asgar: asli garut, tukang kredit kuliliang; rang tasik. Bai tu juo nan ambo caliak untuak rumah makan Padang . Nan lai tetap jo namo daerahnyo adalah Kapau (kabatulan rang rumah rang kapau), indak amuah nyo ditulihkan RM Padang, tetap RM Kapau, atau masakan Kapau, dan beberapa RM lainnyo napoknyo kini lah mulai mancubo juo ma ubahnyo sarupo: Masakan Piaman/Pariaman, dan ado juo nan manempelkan photo “Angku” disetiok RM tsb. Mudah2an kamuko ko lai ado nan mancubo ma ubah. Nan aneh nyo ado juo nan manulih an Masakan Padang, tapi nan punyo, nan mamasak jo nan mangaleh an nyo asali rang jawa. Keceknyo harago jua labiah maha (untuang lai gadang), paminaik lai rami taruih, dan inyo lai bisa dek barajo sabalunnyo di RM Padang juo. Ciek lai mak, satantang Martabak (Mesir nan mamak mukasuik an mungkin??), lah ambo cubo nan Bangka, tapi iyo kalo rasonyo jauuh bana jo nan di buek dek rang Kubang. Bai tu juo kalo awak di Padang dan Di Riau, ado namonyo martabak Banduang, namo se nyo mak, tapi nan mambuek rang awak juo, mode nyo samo jo Martabak manis Bangka, tapi kalo do raso tetap Martabak Banduang asali Padang/ Riau nan lamak. Jauuh tatingga nan lainnyo. Satatang namo baa Martabak Banduang, ambo juo ndak lo ngarati. Mungkin ado dunsanak lainnyo nan bisa manjawek. Sa itu se dahulu sebagai tanggapan ambo, sebagai ujuik kabaranian untuak manulih di milis awak ko. Banyak maaf bilo ado nan salah atau ndak pado tampek nyo. Wasssalam Jeje – Aryandi, rang V Kaum Bt Sangka, lahia/gadang di Duri Riau The British International School Jakarta , 021-7451670 ext 256 Tingkatkan Integ ritas Diri, Jalin Silahturrahmi, Mari Bersinergi, Ayo Jemput Rezeki, Bantu Anak Negeri From: [email protected] [mailto: [email protected] ] On Behalf Of Boediman Moeslim Sent: Tuesday, June 17, 2008 5:25 PM To: [email protected] Cc: Herman Jambak; ASLIM NURHASAN Subject: [EMAIL PROTECTED] Re: Padang atau Minang (OOT) Tabayang wakatu ambo mulai mandarekkan kaki ka tanah jawa ko, manga kok lain nan tadanga wakatu tu. Banyak nan mampagunoan bahaso urang minang identik jo urang padang . Awak ko indak lain adolah urang Padang . Padahal wakatu di kampuang indak parnah urang manyabuik awakko urang Padang . Tapi, setelah di tanah Jawa ko, lah batuka jadinyo. dari kampuang ka Padang . Baitulah, carito ko. Sampai-sampai katiko mancaliak katepe uda ipar tatulih inyopun lahia di Padang . Padahal inyotu indak parnah tingga di Padang do. Mungkin iko nan namonyo pakambangan bahasa di rantau. Antah sia nan mamulai awakpun indak tau. Lah bantuak sabongkah kayu nan taseret ombak, coitu bahasako. Kini, kalau awak ka manukanyo SIM SALABIM mungkin agak susah. Lah manjadi bahasa pasa di Jawa, mungkin pulo lah manjadi bahasa di nusantarako.. Ambo maibaratkan sarupo bareh, apokah ado dipasa namonyo ciherang ....sulik mancarinyo, tapi Rajo Lele, bareh Cianjur, bareh Kapalo banyak bataburan di pasa. Baitu pulo bareh-bareh varietas lain, apokah ado jenis varietas-varietas tu? Indak ado sanak. Itulah pasa. Pasa indak bisa diaja, tapi awak nan harus manggiriang supayo pasa maikuti awak. Nah, kalau sanak punyo Rumah Makan, cubo tulih di Rumah Makantu jo RUMAH MAKAN MINANGKABAU, indak Rumah Makan Padang doh, atau sosialisasikan MINANGKABAU dima awak barado. Mungkin saketek-saketek akan baansua Padang barubah manjadi Minangkabau. Tapi awas, jaan sampai tajadi Kota Padang tabao manjadi Kota Minangkabau........he...he... Taingek ambo jo Martabak, padahal martabaktu buatan urang Kubang Limo Puluah Kota, tapi a nan tatulih di MERKnyo? MARTABAK BANGKA . Nan paliang ancua adolah ...... MARTABAK KUBANG BANGKA atau kabalikannyo MARTABAK BANGKA KUBANG. Apokah Kubang tu di Bangka atau Bangka tu di Kubang? Nah, untuak para pamain bahasa, maaf.....bagi nan bawenang di bahasa, cubo dicaliak baliak paralu ndak jawaban ko digutiak baliak, mudah-mudahan ado manfaatnyo. Wassalam, Tan Lembang (52) Lembang-Bandung --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
