salam adi dunsanak sapalanta, lah lamo ndak ikuik diskusi, satolah ambo sakaliko. pengajaran BAM (budaya dan adat minangkabau) lai diadoan di sakolah-sakolah. saindaknyo babarapo SD di Padang nan ambo tau persis.
materinyo yo sasuai jo judul, tantang adat jo budaya, pepatah-petitih. bahkan, mancaliak buku BAM anak ambo nan kelas 3 SD, sebagian materi lah agak barek manuruik ambo. dek di dalam buku tu banyak mamakai bahaso Minang, dengan sendirinyo banyak pulo (mestinyo) kosa kata Minang anak-anak SD tu. hasilnyo lumayan, dari sataun baraja anak2 ambo lah mulai bisa babahaso Minang. aksen-nyo dalam babahaso Indonesia pun lah baganti, dulu beraksen bule, kini beraksen Padang. tapi pemakaian bahaso "Indonesia Raya" dalam pergaulan sehari-hari ko lah talampau meluas. nan paliang manyakik dek talingo ambo adolah panggilan "mas" jo "mbak" ko ha. ambo acok baliak batanyo ka urang kalau nyo panggia "mbak", "urang ma awak? ambo lai urang minang pulo nyo, awak lai pulo di nagari minang. babahaso awak se lah!" nan lawak, kadang percakapan tu lah sampai ke asal daerah, tapi nan bersangkutan masih sajo mamakai bahaso indonesia, sarupo tukang serpis ac di rumah ambo babarapo hari lalu. mandanga pembicaraan ambo jo papa (kami tatap mangecek baruah gunuang di rumah), langsuang inyo batanyo "oh, bapak dari payakumbuh ya, di mana payakumbuhnya? saya juga dari payakumbuh". tantu sajo ambo tegur inyo lai begitu manyapo "mbak" juo ka ambo. tantang ajakan MakNgah Sjamsir untuak babahaso daerah masiang2 di palanta ko, nampaknyo sero dan seru pulo mah. tapi apo iyo lai sadonyo ka mangarati? co wak cubo dialek baruah gunuang: - sojadie sakik ponjirek-en ren ge ha. baa la koaka re? - ee la kora korongkuangen re tu? rodok la minum nyak. - ndak obe prisoon samba nyak, lai la ko ado non ko makan iko ge bege. hehehe..... wassalam, eva, 38+, bacito-cito mambuek kafe banamo La Kora kini di Padang, bulan muko insyaAllah di cimahi --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
