MakNgah, kalau ambo baco buku M. Radjab itu rasonyo cukuik lengkap dan
obyektif, kironyo penulis alah mengolah dari pertimbangan awak juo, karono
saketek kisah di bagian awak ado pulo disabuikkan. Iko kalau ambo bandiangkan
dengan buku dan tulisan lain, indak saroman itu. Antahlah kalau Rusli Amran,
namun sajujurnyo baru ambo baco di bagian pertamo sajo alah panek raso
kamanaruihkan.
Ambo komentar sangenek Jeffrey Hadler, nan raso di ambo tulisan itu indak ado
strukturnyo, sado disabuikkan maluncek-luncek, antah sangan itu pamahaman ambo.
Nan nampak iyo usaho untuak menggali sabanyak mungkin data dan informasi, namun
tibo kamanauikkan raso indak sasuai. Jadi memang indak tarabo mukasuik dan
ideologinyo.
Iko saketek kritik untuak penulisan sejarah, walaupun ambo bukan ahlinyo : nan
nampak umumnyo penulis manyamokan situasi dalam kurun sejarah, apolai dalam
bentangan wilayah nan luas. Iko contoh untuak sejarah Paderi : seakan-akan
Tuanku Imam Bonjol hiduik sajak awal pergerakan hinggo mancapai puncak
penokohannyo di akhir pergerakan, dan bertanggung jawab atas sado peristiwa.
Kudian seakan-akan Tuanku Imam Bonjol juo jo Harimau Salapan mengontrol seluruh
pergerakan paderi di Minangkabau. Kudian seakan-akan nan dipertentangkan adolah
Wahabisme, dari awal sampai akhir paderi. Dst. Itu nan ambo tangkok dari
Hadler, Parlindungan, dll.
Padahal sabananyo ado kotak-kotak sejarah, atau pentahapan, manyangkuik tokoh
jo peristiwa. Kudian pergerakan itu balangsuang salingkah nagari, salingkah
luhak, saedaran kaum, dst. Kudian ado proses transformasi, baik dalam ideologi
pergerakan maupun transformasi adat. Contoh nan ambo liek adolah: pengaruh
Bonjol (dan Tuanku Imam) hinggo 1833 rasonyo indak sampai ka saluruah
Minangkabau. Kudian ideologi Wahabi sebagai gerakan hanyo di maso-maso awal
Paderi sekurangnyo sampai mulai terlibatnyo Balando; dan kasudahannyo adolah
gerakan amal ma’ruf nahi mungkar, hinggo membela kemerdekaan.
Kalau bahan-bahan nan lain alun ado dan alun tabaco lai Mak. Tapi ambo ingin
pulo memiliki kopi tulisan Tuanku Imam itu, untuak melengkapi bacaan.
Kembali ke M. Radjab, ambo raso buku iko rancak untuak diterbitkan ulang;
sebagai rujukan dan pembanding terhadap referensi nan ado, tamasuak untuak
menjawab buku ”Tuanku Rao” itu. Maliek tahun penerbitan 1954, ambo raso kini
buku itu alah menjadi buku umum nan (mungkin) alah bebas dari hak cipta (> 50
tahun?). Apo baitu? Tapi sungguahpun baitu batanyo ka sado sanak kiro-kiro ado
ahli waris beliau yang dikenal, supayo dapek dihubungi. Kalau dilengkapi dengan
peta, citra, foto, dan ulasan, ambo raso buku iko sangat menarik untuak
dilempar ulang ka nan ramih.
Wassalam,
-datuk endang
--- On Wed, 8/13/08, hambociek <[EMAIL PROTECTED]> wrote:
Memang buku M. Radjab Perang Paderi tu rancak dan paralu dipalajari
sabagai dasar bacaan, buku partamu tabik (1954?) nan agak mendetail
dalam Bahaso Indonesia. Tapi paralu diingek, sumber-sumbernyo
kabanyakan dari catatan-catatan pajalanan tantara Bulando; caro
pamikiran M. Radjab pun sangat tapangruahi oleh caro pikia Bulando
itu. Tema Utamanyo tampak di ambo manitiak barekkan dan manggadang-
gadangkan Parang Paderi itu sabagai parang antaro Kaum Adat jo Kaum
Agamo, bukan sabagai Parang Amar Makruf Nahi Munkar tema asli dan
inti, pengoreksian kebiasaan masyarakat nan balawanan jo Agamo.
Kalau bibliografinyo, buliah diambiak sebagai dasar, tapi
bukanlah "nan paling langkok". Bibliografi nan labiah padek dan luas
lai dapek dicaliek di Christine Dobbin, "Islamic Revival" 1983, dan
nan baru-baru ko nan samo kito caliak dan tarimo di Lapau ko,
Jeffrey Hadler, "A Historiography of Violence ...", 2008.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
