Assalamu'alaikum Wr. Wb. Sato lo ambo surang, mamak sekalian. Ambo kini bakarajo di Baliakpapan. Supplier ka industri tambang. Sapanjang pangamatan ambo, Baliakpapan ko aman. Jauah labiah aman dibandiangkan tingga di Duri, Riau. Kok panjahek sakali-sakali tantu ado. Namun nan sabananya nangko oto kantua ambo sambuah kasadoe baparkiran sei di jalan kantua indak ado masalah. Urangnyo lai ramah-ramahb dek sabab sabagian besar adalah urang jawa. Baitu carito ambo. Wass. Wr. Wb Eka M S
--- On Mon, 11/3/08, Muhammad Dafiq Saib <[EMAIL PROTECTED]> wrote: From: Muhammad Dafiq Saib <[EMAIL PROTECTED]> Subject: [EMAIL PROTECTED] Re: Pengalaman Naik Bis di Lintas Tengah Pulau Sumatera- Lahat jo Baliakpapan. To: [email protected] Date: Monday, November 3, 2008, 9:46 PM Assalaamu'alaikum wa rahmatullahi wa barakaatuhu Satolo lah ambo manambah-nambah. Pakaro jalan lintas Sumatera nan di tangah tu dulu. Partamo sakali ambo manampuah jalan tu mambao oto dari Jakarta di tahun 1990 akhir. Oto Renault 18 buatan Parancih, bakirim jo kapa dari Baliakpapan, mulo-mulo rancana ka batinggaan di kampuang. Kami barangkek dari Jakarta sasudah sumbayang subuah. Tibo di daerah Bukik Kamuniang (nan manuruik kaba nan kami danga cukuik manakuik-an) sakitar pukuah ampek patang ari. Niaik ati nak taruih sampai ka Batu Rajo dan dipakiroan ka sampai disinan sakitar pukuah tujuah malam. Kirono di Bukik Kamuning takicuah ambo dek agak-agak. Ado papan panunjuak kota tujuan tasurek Palembang jo ciek lai lupo ambo. Nan kecek ati dalam katidak tahuan, ambo indak ka pai ka Palembang doh, mako ambo kelok-anlah oto ka kida, manuju Liwa. Alun ado pangatahuan maso itu nan bahaso Liwa ko di tapi pantai di Bangkulu. Kami tampuah lah jalan ka Liwa tu alah sampai sakitar 70 kilo sajak dari Bukik Kamuniang. Jalanno rancak walau agak sampik saketek. Sabanano padusi ambo alah batanyo-tanyo, baa mangko batambah lamo batambah langang jalan ko nampak. Ambo basiyakin sajo. Iyo sarupoko jalan di Sumatera, kecek ambo. Tapi dek iyo alah samakin langang, padusi ambo batanyo kabatanyo juo (alah indak yakin no jo jalan tu lai), kasudahanno baranti kami. Batanyo ka ado urang di tapi jalan nan langang tu, nan kirono urang transmigran dari Jawa. Dikecek-anno bahaso jalan nan kami tampuah tu manuju ka Liwa di tapi lauik. Oi yay yay... Iyo alah salah mah kirono. Tapasolah kami baliak kanan. Indak takajaan 70 kilo baliak ka Bukik Kamuning do. Baranti kami makan di kampuang ketek, antah aa lah namo no garan. Panduduakno kabanyakan transmigrasi dari Sunda. Ari alah sakitar pukuah tujuah malam. Urang lapau tu batanyo ka kama kami. Kami jawek bahaso kami ka pai ka Padang, dan alah salah jalan. Kami dinasihatino untuak baistirahaik sajo di kampuang tu. Ado rumah pondok-pondok, mareka sabuik losmen, kabano tampek urang Unilever nan maantaan hasia pabirikno biaso manginap. Kami seolah 'losmen' tu. Indak balangik-langik bagai atok no. Anak-anak ambo (nan ketek maso itu baru baumua ampek taun) agak katakuik-an. Kami bujuak sajo, alhamdulillah lai amuah mangarati. Alhamdulillah lai aman-aman sajo kami lalok samalam tu disinan. Sasudah sumbayang subuah barangkek lo kami dari sinan. Kami lalui baliak Bukik Kamuniang malalui jalan nan manuju ka Palembang nan kapatang ambo indaan. Lai aman-aman sajo kami katiko itu di jalan sampai ka kampuang. Taun 91, baru ambo sadar bahaso oto Renault tu barang mangganjia di Bukik Tinggi jo Pakan Baru. Bauikno sin ilang ciek indak ado urang manjua ka pangganti. Ambo baolah oto tu baliak ka Jakarta. Katiko itulah kami baistirahaik di Lahat. Lalok di losmen / hotel ketek nan lai sandereh (ba AC) talatak badakek-an jo musajik. Sato ambo sumbayang subuah di musajik tu sabalun kami manaruihan jalan ka Jakarta. Lai aman-aman sajo pulo. Lai tigo kali lai pulang baliak ambo mambao oto ka kampuang sasudah itu. Nan tarakhir taun 2000. Sudah itu alun bacubo lai walau ati lai nak ingin juo. Kalau Baliakpapan, di anak-anak ambo sabana labiah bak kampuang mareka. Duo urang anak ambo laia disinan. Kadikecek-an aman bana, indak pulo do. Walau, relatif memang iyo labiah tanang. Taun 91 tajadi pambunuahan di komplek Pertamina di bawah komplek parumahan parusahaan tampek ambo tingga. Duo urang (ibu jo anak) dibunuah urang, di pagi hari. Rumah no di bawah lambah dari rumah ambo. Ado tukang mambarasiahan rumpuik nan bakarajo di tampek ambo tingga, manampak urang mamanjek tabiang malompek ka pakarangan ambo jo tangan badarah-darah. Nan tukang kabun ko indak tau sia urang tu dan baa mangko awakno mamanjek tabiang tu lalu. Baru patang ari sasudah urang eboh jo ota pambunuahan tu ano mangecek mancaliak urang tu. Namun nan pambunuah tu indak tatangkok do walau alah dicari jo anjiang palacak bagai. Kalau dinas di Baliakpapan sabalun pansiun, lalok di hotel, ambo lakik-an juo pai sumbayang subuah ka musajik. Kadang-kadang naiak ojek ambo ka musajik Istiqamah. Alhamdulillah iyo lai aman-aman sajo nagari tu no. Sakitulah ka panambah-nambah sajo. Wassalamu'alaikum Lembang Alam On Mon, Nov 3, 2008 at 9:05 AM, Rasyid, Taufiq (taufiqr) <[EMAIL PROTECTED]> wrote: Sasuai jo curito ayah MakNgah itu memang indak sumbarang urang nan barani singgah ka Lahat jo Baliakpapan itu. Apolai bisa pulo bakumpua jo adi-dunsanak nyo baliak sasudah manapak ka Baliakpapan tu. Kalau dikampuang ambo namonyo "panjadian". Inyo bajalan sambia ma-irik kain kapan.. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
