Pak Saaf yang saya hormati
Tarimo kasih..pencerahan ko..lai ambo inok2an..kok nio santiang (pintar) awak yo banyak batanyo ka nan tahu..ka nan tuo bapangalaman..sarupo tulisan ambo tadahulu..Mau Pintar..Minum Tolak angina..iko karajo batele-tele mah..................mau pintar ya banyak bertanya.. Nan dek ambo..sarupo tulisan nan lalu, yo ambo masuak kajejaring partai bana..tapi indak ka dunia politik nan gonjang ganjing dugem tu ndak talok dek ambo do Jadi..ambo mandukuang kawan ambo nan lai saprinsip.jo kami, Insya Allah indak ka macam2 itu dulu janjinyo ka kami kok duduak bisuak..inyo lai tahu apo akibatnyo baik di dunia dan diakhirat nan katibo ka inyo..jiko babuek nan indak2..tantu..tahunyo bisuak setelah beliau ko duduak..positif sajo dulu bapikia... Jadi..iyo rancak awak nan masih mampagunokan hak politik awak...bukak kulik tampak isi sajo Bajaleh2 ..kasanyo "Waang..den piliah..janji bana Waden..nan jaleh pemilu bisuak..namo waang den conteng.." Deal Minimal awak agak kuek posisi saketek maingekan kawan ko kok duduak "Eittsss..angku duduak dek ado suaro ambo tu (tamasuak keluarga ambo nan ambo suruah) Jadi..ambo sebagai wakil angku..punyo..hak..manyampaikan aspirasi" Nah Pak..kok ndak bajaleh2..awak..kok mengkritik awak bisuak..urang nan duduak ko bisa sajo mangecek "Oiiii..angku tu mamiliah Waden ndak..manconteng namo Waden..ndak..kok indak duduak..mangopi manis-manis sajo..aman tu waden mambayia kopi waang beko" Terakhir..kok nio Pintar bertanya..satu lagi jika Mau Pintar..Lihatlah yang diluar tempurung..cocok tu mah Pak..baru seri 34..ambo tunggu seri2 selanjuiknyo dari Pak Saaf Maaf jiko ado kecek nan talonsong Wass-Jepe ________________________________ From: [email protected] [mailto:[EMAIL PROTECTED] On Behalf Of Dr.Saafroedin BAHAR Sent: Friday, December 05, 2008 11:13 AM To: [email protected] Subject: [EMAIL PROTECTED] Re: SERI NAN DI LUA TAMPURUANG 34 : GILANYA APBD JAKARTA Sanak Jupardi, Manuruik pandapek ambo, kok kito urang Minang nak survive dalam dunia nan gilo ko, ado duo hal nan paralu dikarajokan: 1) konsolidasi kadalam, mampaarek hubungan antaro awak samo awak badasar ABS SBK -- kalau bisa didukuang jo Ranji ABS SBK -- supayo jan ado juo nan jadi 'incek jambu monyet' dalam masyarakat Minang kito; dan 2) untuak mamajukan Ranah dan nasib kito para parantau, sato sacaro aktif dalam kancah parjuangan nasional, mangikuti pakambangan kaadaan di sakuliliang kito sambia mampabanyak kawan dan mangurangi lawan. Kan banyak urang awak dalam limbago-limbago negara, tapi baliau-baliau umumnya bakarajo surang-surang sajo, Namun alun kito hubungi dan kito manfaatkan sacaro baiyo bana, sarupo nan alah rutin dilakukan dek urang Batak dalam pola 'dalihan na tolu'. Karano kito alun baitu lai, mako nan dapek dikarajokan sampai kini, iyolah : 1) banostalgia bakapanjangan tantang kabasaran tokoh-tokoh Minang maso saisuak, dan 2) bamain-main 'di bawah tampuruang' sajo, saakan-akan memang itulah dunia kito kasaluruahannyo, lupo ka masyarakat dan daerah lain, lupo ka Indonesia, lupo ka dunia laweh. Sakadar manjago-jagokan dan maingek-ingekkan itulah ambo posting seri 'Nan Di Lua Tampuruang' ko, nan kini alah sampai seri 34. Ambo satuju jo panilaian Sanak tantang politisi kito. Nampaknyo paralu dipakuaik barisan kito-kito nan bukan politisi, supayo jan taruih manaruih kito kanai kicuah dek baliau-baliau tu. Kamungkinannyo gadang, antaro lain maadokan jejaring -- network -- antaro sagalo LSM dan bamacam-macam 'watch' nan alah ado, jan bajuang nafsi-nafsi juo lai. Kok iko disatujui, ado syaratnyo ciek : ado babarapo urang di antaro kito nan basadio baiyo bana, indak 'angguak anggak geleang amuah, dalam duo tangah tigo, unjuak nan tidak babarikan.' Nan iyo tu iyo, nan indak tu indak. Wassalam, Saafroedin Bahar (L, masuk 72 th, Jakarta) Alternate e-mail address: [EMAIL PROTECTED]; [EMAIL PROTECTED] ________________________________ From: Jupardi <[EMAIL PROTECTED]> To: [email protected] Sent: Friday, December 5, 2008 9:21:58 AM Subject: [EMAIL PROTECTED] Re: SERI NAN DI LUA TAMPURUANG 34 : GILANYA APBD JAKARTA --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
