Uni Hanifah, Da Riri , Pak TR dan sanak sapalanta Onde...baru diminta samalam ka Uni Ifah..Kuliner Pusako awak dalam Puisi lansuang kandak balaku "Pangek Ikan" Komen Ambo...ndak ado lai..ranah minang awak yo kayo aneka masakan nan mengundang salero, khas, unik dengan sentuhan bumbu yang alami "heavy spice"..mambayangkan sajo carito kuliner awak ko lansuang direspon dek ubun-ubun mangaranyam, muluik dengan segala perangkat kunyah manitiak aia liua, paruik lansuang manggarumeh..apolai kok lah basuo jo pangek ikan nan talalu banyak variasinyo di Minang..antahlah kok ado idiom sadang makan lamak ko "Indak nampak mintuo dimuko iduang" iko manggambarkan betapa ueenaknya kuliner pusako minang nan turun-temurun dari jaman niniak kito saisuak...penuh dengan sentuhan tradisional nan dalam mambueknyo kalau ingin bana marasokan rasonyo nan "pusako"
Batua bana apo nan disampaikan Pak TR, jo balango nan paliang pas mambuek pangek ko, mande ambo bajago bana mah balango ko..jaan sampai dilendo kuciang didapua..badabuak jatuah balambim pacah, bukan masalah bisa dibali baliak, tapi samakin lamo..samakin tuo balango ko mako samakin khas pangek nan awak buek. Apolai ko dimasak jo kayu api balango ko..antahlah..yo rasonyo kecek acara wisata kuliner tipi..mmmm ..ajib (enak) bibeh. Dek pemikiran ambo yo agak "complicated" juo diseni kuliner pusako awak ko, pernah ambo dikampuang ambo baok balango nan lah tuo, ikuanyo lah hitam dek acok kanai panggang..lah padek..kareh badantiang balango ko dek tuonyo..etek ambo tacangang..sajo...tapi inyo kecek..baoklah ka Padang...dek lai ado balango-balango nan tuo lainnyo, tantu etek ambo ko diagiah snek pambali siriahnyo di pakan...bia agak rela steknyo malapeh balango tuo ko ambo baok ka Padang, tibo di Padang mande ambo...galak2 sajo..ambo kecek..samakin tuo balango ko Ma..samakin mantap pangek ikan atau dagiang mama mah..cubo lah buek pangek paweh tu...rancah jo Kacang Panjang..indak dipendekan do kacang pancang ko..di lipat duo sajo tu dilatakan..taraso stek yo Ma..asam kandihnyo...ladonyo yo digiliang sahaluih mungkin..agak kental manyalinok....onde..mande..makanlah lai..pagotok patai manih lubuak minturun jo timun kuriak....ampunnnnnn sanak Nah kalau ambo Pulang kampuang singgah di pasa batusangka...nan rami hari Kamis, ado pangek nan terkenal namonyo PANGEK SIMAWANG...dirancah jo apo tu..buah nan putiah tu...buah simawang yo ado juo bacubadak atau kantang balah duo..Ikannyo paweh Oh yo Pak TR dan sanak nan di Pekanbaru..dipasa payuang sekaki terminal oplet Jl. Nangka tiok hari Minggu ado dari Sangka dibaok urang pangek dalam balango ko..jo cubadak nan dipotong agak agak gadang2, buliah tu dicubo Pak TR..dibali baok pulang...nan khasnyo ado buah ketek2 bulek..agak asam..ciremai yo...atau apo ? Pak Taufik..kok palai..onde Pak..yo santiang bana rasonyo..dek ambo tingga daerah lauik di Padang, Palai rang Piaman atau nan masyarakatnyo tingga di pesisir pantai..palai karambia..diirih daun kunyik ...raso asamnyo yo agak kuek..mambangkikan salero nan sadang patah mah Pak..salero patah bisa diubek jo Palai Pak TR..kok hati nan sadang patah apo ubeknyo Pak TR..he..he..he....Palai Bada...yo hebat rasonyo..Palai Tandeman..hebat juo..Palai anak-anak ikan Pukek..ndak ado lai..bavariasi raso ikan di Palai..tu, ampiang samo ambo jo Pak Taufik..lah abih ikan tu misalnyo..siso bumbu nan bakarambia ko tatap ambo simpan untuak makan salanjuiknyo...kadang2..bakudok bagai mah...wawwww...mangaranyam kuduak ambo sadang manulih ko mambayangkan Pangek Ikan jo Palai ko Itulah carito Pangek Ikan ambo....luar biasa memang kuliner kito..Pangek sajo..ndak tangguang banyak variannyo tiok didaerah, mulai pasisia, darek, bukik, gunuang dan pedalaman ranah minang... Alah lu tu..jam 12 labiah samakin..manggarumeh paruik ambo jadinyo kok bacarito pusako kuliner kito Wass-Jepe ________________________________ Dari: "Rasyid, Taufiq (taufiqr)" <[email protected]> Kepada: [email protected] Terkirim: Minggu, 4 Januari, 2009 10:31:17 Topik: [...@ntau-net] Re: PANGEK IKAN Saketek kenangan ambo soal pangek ikan dinagari kami : - Kalau apak-apak acok ba pasambahan diperbagai forum, ibu-ibu kebersamaanyo nampak dalam masak basamo untuak baralek atau kegiatan basamo nan lain. Walau jam terbang induak-induak tu lah lumayan tinggi, tapi tiok ka mamasuak bumbu pasti ditanyoan ka nan basamo : Alah go kak santannyo ?? Baa go ladonyo lah taraso ?? bara langkuehnyo ko Tek. Ibu yang ditanyo pasti mam palegaan pulo ka ibu-ibu yang hadir... Cubo lah Roih alah taraso ko ?. - Balango itu dikampuang kami namonyo tarenang . Mulai dari nan ketek untuak mambuek apam, namonyo tarenang apam. - Ikan nan manih dipangek yang sekitar 4-5 jari gadangnyo. Supayo badannyo tetap utuh indak mudah cayia/rusak, badannyo di skor didalam jo lidi bambu. Kalau ikan nan gadang biasonyo dipotong mamasaknyo. - Nan lumayan juo rasonyo adolah aleh pangek, kacang baluik/Kc panjang, Kc paga atau cubadak dilatakkan didasar tarenang baru diatehnyo disusun ikan. Jadi selain bumbu raso kaldu ikan lah maresap pulo ka aleh pangek ko..Selain bumbu yang didominasi kunyik supayo pangek rancak kuniangnyo, acok juo dipakai dama/kemiri nan digiling untuak sumber lemak selain pati santan. - Kok ka gosong tantu aleh pangek nan gosong daulu. - Nan paliang dasar kadang ado aia saketek atau susunan daun pisang dan daun lain didalam tarenang itu . Sasudah itu biasonyo dibagian bawah tarenang itu disusun bilah-bambu agak jarang macam rangka besi beton. Jadi ado space antaro dasar tarenang jo bahan yang akan dipangek Barulah dilatakkan aleh pangek dan ikan diatehnyo. Kok masih gosong juo mungkin kompor gasnyo yang harus very low opennyo - Supayo tulangnyo empuk dan bisa langsung dimakan, dek nenek ambo dimasak hari Sinayan pulang dari pakan Baso. Baru buliah dimakan pulang ba Juma’at. Salamo ampek hari itu, tatap ado api sabuik karambia nan iduik diateh bawah tarenang. Supayo capek masaknyo pernah dicubo urang rumah pakai pariuak untuak mambuek sup....hasilnyo tulang memang empuk dek pangaruh steam itu, Tapi indak rancak kuniangnyo dan agak lambok dari pangek biaso. - Kalau rang Jawa ado pepes ikan , Untuak masakan Sulawesi malah labiah banyak ragamnyo lai. Antah dek karano dihidangkan panas-panas, dilidah ambo lai kaja-bakaja rasonyo jo pangek awak. Beda jo kito ado limau nan dimasak samo jo kuliknyo dalam WOKU itu. Selain itu mereka biaso menaburkan bawang goreng jo daun kemangi, potongan tomat sebelum gulai itu dihidangkan - Tapi Palai .....,dek ambo nan labiah sero apolai kok pantau nan balamang, selain raso asam sundai, karambia jo lado/bawang giliang. Yang paliang dominan adolah daun kunyik. Kadang ikannyo ambo agiahkan ka urang, bumbunyo sajo nan dihampai.... Wass St.RA 53+ ________________________________ From:[email protected] [mailto:[email protected]] On Behalf Of hanifah daman Sent: Sunday, January 04, 2009 10:19 AM To: [email protected] Subject: [...@ntau-net] PANGEK IKAN PANGEK IKAN Takana pangek ikan Tabayang suasana baralek dikampuang den Karano pengek ikan Menu wajib nan harus tasadio Asa ado alek ___________________________________________________________________________ Nama baru untuk Anda! Dapatkan nama yang selalu Anda inginkan di domain baru @ymail dan @rocketmail. Cepat sebelum diambil orang lain! http://mail.promotions.yahoo.com/newdomains/id/ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
