Assalamu'alaikum Warrahmatullahi Wa Barrakatuh. Pak Saaf, Sanak Diah, sanak RA jo dunsanak-dunsanak sa palanta.
Ambo ucapkan tarimo kasih atas jawaban dari Pak Saaf manganai palataan gala.. Insya Allah lah cukuik paham tantang nan disabuik dek Pak Saaf tu. Sabananyo nan ingin dipajaleh hanyolah tantang: 1) GALA nan disingkek atau dibuek sahinggo tatulih agak KREN. Sarupo Caniago nan ditulih jo CHANIAGO atau di singkek jo CHAN, atau Suku Piliang nan ditulih jo PELLY. Bilo banyak variasinyo, bisa-bisa nyo urang lain suku di awak tu tapisah antaro Caniago jo Chan jo Chaniago. Baitu pulo Pelly jo Piliang. Di tanah Batak, ado marga Tambun ado marga Tambunan. Kaduo margako babeda satu samo lain. Lain halnyo Lumban Tobing jo Tobing, kaduonyo samo. 2) Malatakkan suku awak sasudah atau sabalun suku/ marga urang lain? Mungkin kalau nyo urang awak sarancaknyo balatakkan sabalun suku/marga lain. Apo baitu? Baa nan disabuik dek Pak Saaf untuak Bapak Presiden PKS Tifatul sarancaknyo Tifatul Koto Sembiring. 3) Untuak urang awak, rang padusi indak balatakkan gala. Lain jo urang Batak yo Pak? urang padusi disinan mamakai boru sabalun manulih marganyo, seperti Maria boru Pardede. Mungkin di nagara-nagara Islam hampia sarupo jo binti, tapi ikopun untuak ka urang gaek laki-lakinyo. Sarupo Fatimah binti Muhammad. 4) Oh iyo, baa pulo caro mambedakan suku nan ejaannyo samo jo suku awak? Misalnyo suku Tanjung diawak jo Tanjung dari Sibolga atau Asahan? Misalnyo Akbar Tanjung. Bisa-bisa sangko awak Akbar Tanjungko dari suku awak. Untuak dunsanak Diah Sembiring, ambo indah sapaham kalau dikatokan bahaso urang itu nan di caliak dari apo nan alah di karajokanyo, bukan dari nama apo nan di latakkannyo di belakang namonyo. Walau hal nan disabuiktu bana. Sabab, misal diri ambo, namo MOESLIM nan talatak dibalakang namo ambo, marupakan janji ambo ka urang gaek ambo, bahaso ambo akan tatap mampatahankan nasihaik-nasihaik baliau. Itu hanyo contoh. Tapi, sakali lai namo di balakang atau di muko sangaik bararti bagi awak, sangat khusus bagi urang MINANGKABAU. 5) Untuak dunsanak RA, nan alun tau bahaso ado nagari nan indak balatak gala sasudah "kawin", salah satu contohnyo adolah nagari kami di LINTAU. Baitu pulo di Payokumbuah, atau daerah-daerah nan lain. Itu sajo, tarimo kasih atas masukan Pak Saaf jo dunsanak-dunsanak. Mari kito patahankan ABS-SBK awak. Untuak rang dapua, dek karano ado keperluan antaro satu tulisan jo tulisan berikutnyo ambo minta maaf kalau tulisanko bajelo-jelo. Mohon untuak hal nan sarupoko dimaafkan. Wassalam, Tan Lembang (L, 52+) Lembang, Bandung --- On Tue, 3/10/09, Dr.Saafroedin BAHAR <[email protected]> wrote: From: Dr.Saafroedin BAHAR <[email protected]> Subject: [...@ntau-net] Re: Tentang Tifatul jo Suku Dibalakang Namo To: [email protected] Date: Tuesday, March 10, 2009, 3:40 AM Waalaikumsalam w.w. Sanak Tan Lembang dan para sanak sapalanta, Sakadar sumbangan ketek sajo, ambo ulangi baliak saran ambo tantang 'Namo ABS SBK' untuak urang awak nan laki-laki untuak maso datang, tadiri dari ampek unsur: 1) namo ketek; 2) namo Ayah sasuai jo ajaran Islam; 3) namo suku Ibu, sasuai jo sistem kekerabatan matrilineal; dan 4) gala adat bagi nan alah kawin. Saran ambo ko marujuak ka fatwa Buya Mas'oed Abidin, bahaso urang awak 'basuku ka Ibu, banasab ka Bapak, basako ka Mamak' nan salalu ambo cantumkan dalam 'signature' ambo di bawah ko. Sakadar catatan, dalam wacana di RN ko tanyato indak saluruh nagari di Ranah mambiasokan maagiah gala adat ka laki-laki, walau alah kawin sakalipun. Adat kan memang salingka nagari, jadi ado pabedaan antaro satu nagari jo nagari nan lain. Mako 'Namo ABS SBK' ambo -- sabagai contoh -- adolah Saafroedin (namo ketek) Bahar (namo Ayah) Tanjuang (namo suku Ibu) Soetan Madjolelo (gala adat, diwarisi dari Mamak). Karano alah talongsong salamo ko ambo indak pakai namo suku, mako 'Namo ABS SBK' ko indak ambo pakai tiok hari. Cukuik di 'signature' email ko sajo. Kalau untuak namo nan padusi, tantu indak pakai gala adat. Sasudah namo Ayah bisa juo ditambahkan namo suami bagi nan alah kawin. Tantang Sanak Tifatul Sembiring karano baliau sakaligus urang Minang dari fihak Ibu dan urang Batak Karo dari fihak Ayah, mungkin paralu diadokan pangkhususan. Baa kok disabuik sajo Sanak kito iko sacaro langkok: Tifatul Koto-Sembiring atau Tifatul Sembiring-Koto? Paliang indak bisa masuak di 'signature' email, sarupo ambo. Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo) "Basuku ka Ibu; banasab ka Bapak; basako ka Mamak". Alternate e-mail address: [email protected]; [email protected] From: Boediman Moeslim <[email protected]> To: [email protected] Sent: Tuesday, March 10, 2009 8:47:36 AM Subject: [...@ntau-net] Tentang Tifatul jo Suku Dibalakang Namo Assalamu'alaikum. W.W. Dek ulah banyak nan mamakai marga, banyak pulo urang awak di sinan nan bakreasi untuak mancirikan bahaso dirinyo urang MINANG jo malatakkan suku di balakang namonyo. Kalau awak caliak, ado nan mamasang KOTO nan manandokan bahaso inyo basuku KOTO. Ado nan malatakkan CHANIAGO atau manyingkek jo CHAN dibalakang namonyo, manandokan bahaso inyo barasa dari suku Caniago. Tanjuang untuak Suku Tanjuang, dll. Dan bilo awak caliak tulisan di balakang namonyo tatulih PELLY, nah ikopun urang awak juo, urang awak basuku PILIANG. Mungkin untuak manyaragamkan paralu dibuek aturan sasuai ABS-SBK. Dan baitu pulo baa pulo bilo dirinyo bamarga/ basuku duo sarupo Bang/Uda TIFATUL tu? Maa ka didulukan namo suku ayah atau ibu? Wassalam, Tan Lembang (L, 52+) Lembang, Bandung Kalau misalnya kenapa nama sukunya tidak disebutkan, bukankah biasanya nama suku untuk orang minang tidak selalu di letakkan di belakang nama kita bukan? Tapi pada akhirnya nanti urang itu nan di caliak dari apo nan alah di karajokanyo, bukan dari nama apo nan di latakkannyo di belakang namonyo. Salam Diah Sembiring Balikpapan --- --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
