Rina, Etongan pitih (pitih-pitih logam) Maso Bulando wakatu MakAngah ketek-ketek:
SaRimih = satangah sen. SaSen = satu sen. SaBenggo = duo saangah sen SaKilip = limo sen. Mato uangnyo sakilip tu namonyo Uwang Kilip. SaPiak = sapuluah sen. Pitihnyo namonyo Urang Piak. Di pasisia barangkali disabuik "saBilih". [Indak tahu MakNgah kalau ado hubuangannyo jo ikan bilih. Tarang indak ado jo ubilih doh :)]. Ciek Tali = duo puluah limo sen. Pitihnyo Uang Tali. SaSuku = limo puluah sen. Pitihnyo Uwang Suku. Ciek Piah = Saratuih Sen. Pitihnyo Rupiah. SaRinggik = duo satapah Rupiah. Saringgik tu lah banyak pitih wakatu itu. Wakatu MakNgah kelas satu Sikola Nagari sisuak (1940-41) pitih bulando tu masih laku. Pulang`sikola pitih sarimih lah dapek mambali sabalah Katupek Kapau bakuah gulai cubadak. Katupeknyo gadang-gadang. Sabalah katupek tu lah sanang hati anak ketek duh. Kok dimakan ciek katupek tu, baia sa Sen, iyo lah sabana kanyang paruik anak ketek pulang sikola duh. Lah sindawo tagak sudah mancangkuang makan katupek distoplat koretapi Biaro... Pitih Garih indak laku lai katu MakNgah tahu. Tapi banyak basuo, basimpoan-simpan juo dek urang gaek untuak kenangan. Sasudah masuak Japang, baru kenal jo Uwang Karateh. Panjang carito Uwang Karateh ko nan sampai haragonyo maleset sampai kini. Kok Bukik-bukik kamang tu iyo lai tabayang di MakAngah. Tarimno kasih. Memang jalan-jalan nan rina tgayangkan tu lah MakNgah tampuah, lah "jalan gadang" (bajalan kaki) MakNgah sisuak. Salam, --MakNgah --- In [email protected], "rinapermadi" <rinaperm...@...> wrote: > > Mak Ngah, > > Nenek saisuak kala bacarito baso bareh dibali sakian benggo.. > Nah, bara nan sabenggo ko goh Mak Ngah?? > > O,iyo Mak Ngah, patangko Mak Ngah mananyoan tentang Bukik Kaluang di > kampuang nenek ambo ko. > Kalo lai Mak Ngah lalu ka jalan antaro simpang Pincuran nan di Koto Tangah > sampai melewati Anduriang trus ka Kaluang trus ka Tapi trus ka Durian tampek > Ngalau Kamang. Nah nan bukik kaluang ko antaro Anduriang jo kampuang Kaluang > lataknyo antaro tu di tapi jalan. Nan spesifik dari Bukik Kaluang ko adolah > selalu ado bendera merah putiah di puncak bukik ko..Satau ambo nan latak an > bendera tu namo liau Mak Palijek, antahlah nan Mak Palijek ko kadang2 hilang > ingatan di kampuang kaluang tun ditabehi liau nan tanaman paga nan kalo di > situ namonyo bonsai, nan babantuak batang baringin mode nan di lambang > partai Golkar. > > Manuruik urang kampuang Liau ko anti pati bana jo "Baringin" ko... > Manuruik ambo mungkin liau talalu cinta jo ranah bundo ko..Mah buktinyo.. > tiok 17 agus dituka liau taruih bendera ko padohal bukik ko sangaiklah > terjalnyo..ndak lanteh angan rasonyo doh beda jo bukik kawin nan dakek > pakan kamih.. > Kini kabanyo liau lah maningga..mungkin ndak ado lain an manaruihan malatak > an bendera di bukik kaluang ko..ambopun ndak tau laih..dek ndak ado pulang2 > ka kampuang nenek tu laih...lah tingga tanah jo tapian..hiks..hiks.. > > Wassalam > Rina, 32, batam --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
