Assalamu’alaikum Uni Evy nan Maniesz..
Uni batanyo ka Rina satantangan Palasik? Farrel memang pernah di kecek an urang kanai palasik karano dulu waktu umua masih sataun Farel basaga di antaro matonyo..mungkin Uni tau basaga ko? Tapi Rina Alhamdulillah indak bisa untuak picayo itu.. walaupun Farrel memang acok sakik dulu tu..beda jauah jo Abangnyo nan gendut..tapi rina labiah namuah untuak barubek jo herbal atau ke dokter specialis anak.. sebab itu labiah masuak akal..Rina ndak picayo jo sambua ka sambua dukun do..bukankah banyak kumannyo hiiiiiiiiiiii….Wallahu’alam.. Alhamdulillah farrel kini lah lincah labiah lincah dari abangnyo..mah kapatang jadi ikuik daftar Pemilih Tetap mah heehehe…. Palasik bagi Rina cuma dongeng , carito katu ketek2 biasonyo rina pakai untuak manggalak2an kawan2 samo gadang.. eeeee.. palasik enggen…palasik enggen….sambia lari2 dikaja kawan tu.. mode itulah kiro2 Un.. Bagi rina InsyaAllah..Tuhan Allah SWT sudah cukup sebagai pelindung Yang Maha Tangguh Maha Kuat dari sadonyo nan banamo aneh2 tun.. So no worries..Un… Rina maungkik carito Rang BUnia tu..dek maso kaciak2 saisuak kala.. nenek ataupun kawan2 nenek di kampuang kami nan talatak antaro bukik barisan tu acok bacarito tentang kehidupan Rang BUnian nan iduik di rimbo di dakek kampuang kami… Trus ado lo suatu keluarga yang tingga di dakek rumah mamak rina di kaki bukik Anduriang dakek jo bukik kaluang (Mak Ngah kayaknyo tau).. suami dari etek tu ukatu mudo lamo hilang di rimbo di balakang kampuang tu..manuruik anaknyo..rina kenal jo anaknyo bahaso bapak mereka diambiak urang bunian sampai diambiak minantu trus lah punyo anak di kampuang rang bunian tu bagai..trus bbrp th sudah tu baliak baliak dr dalam rimbo ka rumah mereka..namun carito iko dipicayoi dek hampia sadonyo urang di kampuang tu… Nan jadi pemikiran Rina Un.. baa dek bisa carito Urang BUnian ko sampai turun tamurun jadi carito ka lalok bg urang di kampuang awak ko.. mode ado asok kalua dari batu2 nan nampak di puncak bukik atau di lerengnyo.. kato nenek dulu..urang bunian sdg mananak nasi untuak makan malam mereka… Aneh bukan? Dima mrk dapek bareh? Dima dapek pariuak? Trus lagi nan apak2 nan diambiak minantu dek urang bunian tadi, bukannyo liau tu bisa se mangarang carito kalo salamo mailang tu diambiak urang bunian? Untuak manutuik I nan sabananyo.. misalkan lari jo cewek lain…haaaa samakin liar pikiran rina hehehe… Rina jadi bapikiran mode tu dek ampia sadonyo urang di kampuang tu picayo jo carito tu..kalo ditanyoan maalialah carito nan ampia samo tentang apak nan mailang tu, heran? Baa dek mode iko bana kepercayaan urang kampuang awak ko.. jan2 beko batambah lo rukun iman mereka haaa.. lagi2 tambah liar.. Untuak Uni Dewi nan jauah… Rina lai ndak kenal do jo nan Uni sabuik an tu hehehe… Memang ado tante nan merid jo urang Makasar tapi rina lah lupo namo liau tu..lah lamo bana ndak pulang..kaduo2nyo jadi hakim di Makasar tu trus rina danga sampai kini ndak punyo anak do.. Talabiah takurang bari mauf manyak-manyak.. Wassalam Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
