Assalamualaikum ww Maaf mamak & dunsanak sado lahno Eh, sapaguruan samo murik Kho Ping Ho juo kito tumah Sabananyo ambo mengenal cersil KPH wakatu kelas 6 SR tahun 1965 di Tanjuang Pinang, wakatu itu ambo mambarasiahkan ruang paviliun rumah rang gaek yang baru ditinggakan penyewa, disitu ambo dapek buku tanpa kulik dan beberapa halaman muka dan belakang sudah hilang Indak jalas dek ambo apo judulnyo bahkan jilid bara pun ambo kurang pasti tapi benar2 asyik hinggo acok ambo baco ba-ulang2 dan pengaruhnyo se-hari2 ambo lah bak pemeran utama Sie Chin Hai sang pendekar muda yang menguasai ilmu lwekang dan ginkang dan jurus2 silat Kong Pek Hoatsut dan Kon Ciak Si Na dan Ang Ie Niocu pemegang jurus silat tari bidadari Sianli Utaw Limo tahun kemudian 1970 lah SMA kutiko tu, ado famili usaho taman bacaan dipasa pusat Pakanbaru sajak itu ambo lah gilo Kho Ping Ho sajak dari serial Bhu Pun Su Lu Kwancu, Pendekar Bodoh, Pendekar Dara Baju Merah hingga Pendekar Remaja begitu pula sejak dari serial Bhu Kek Siansu, Istana Pulau Es, Suling Emas, Cinta Bernoda Darah, Sepasang Pedang Iblis, Mutiara Hitam, Pendekar Sakti, Sepasang Rajawali yang masing 30an jilid dan serial Jakalola, Rajawali Emas dan Sam Bok Kiam Pedang Kayu Harum masing2nya 30an jilid ambo lalap hinggo lupo makan, itulah karajo tiok hari pulang sikola, kalau hari libur namuah sa-harian ambo disitu sampai batuka langau jo rangik baru ambo pulang Baa ruponyo dek sanak tadi, lauik batapian panjang, banyak ikan indak namuah pulang, gunuang biaso ditampo angin, lah lupo di-raso dingin, kok alun basuruah cigin, tangadah juo fikia nan ingin, kan iyo ba-itu, dek ambo kini tu bak pipatah tuo juo kaja ba-kaja ikan bawa, antaro lauik jo muaro, lapeh rangah mako takalok, sabuiklah sado nan takana, kutiko mamak sadang disiko, asali ateh namo nan ka-elok Kabuah barinyo kito tambah kaji sa-dekak duo dekak lai dih Bismillahirrahmaanmirrahiim Nawaitu rafa’al adsi fardan lillahi ta’ala Sangajo aku mandi malenggangkan aia dalam sarugo Jannatunnaim Sabantaura namonyo aia Aia itulah nan di-izinkan Allah kadalam batang tubuah aku sandirinyo Untuak kapahaniangkan diri aku, lagi haniang lagi suci lagi janiah lagi putiah Putiahnyo tiado ba-kuran, aluihnyo tiado ba-sisiah dalam diri aku sandirinyo Aku bukan mandi aia, Aku mandi Nur Allah, Mandi aku dalam kulimah Laa illaha illallah Mandi Fardhu mandi Arsy mandilah kurisi sarato insan Insanku mandi dalam kurisi Allah Mandi aku dalam kulimah Laa illaha illallah Mandi Nur mandi Nur Allah mandinyo nyao mandilah tubuah sarato insan Tubuah aku mandi dangan cahayo Cahayo nan mancahayo kapado kulik jangek sandi salerang aku Cahayo Engkau Yaa Allah Cahayo Muhammad Cahayo Bagindo Rasulullah Barakaik Laa illaha illallah wasalam pab
--- On Fri, 17/4/09, avenzor...@yahoo.com <avenzor...@yahoo.com> wrote: From: avenzor...@yahoo.com <avenzor...@yahoo.com> Subject: [...@ntau-net] Re: Mantera Sastra Klasik Minangkabau To: RantauNet@googlegroups.com Date: Friday, 17 April, 2009, 12:02 PM Dear Bpk Arman Bahar Yang Mulia, 1. Kok adolah urang yang batanyo "sia yg baruntuang malam ko",....mako ambo pastilah tunjuak tangan nomor 1. Kok adolah yang batanyo "sia yg sadang sanang malam ko",...mako ambo pastilah juo tunjuak tangan nomor satu. Iyo sanang bana hati ambo mambaco tulisan Bpk malam ko. 2. Iyo Pak, Kho Ping Ho lai tabaco pulo rasonyo dulu. Kok Kisanak JePe mambaconyo sambia manggarutok karupuak-jariang di Padang, mako pinceng mambaconyo sambia makan karak bagulo karambia....dek pitih lah tandek untuak manyeo ba jilid-jilid Kho Ping Ho. Wakatu itu, Kho Ping Ho di mato sadangkan Like A Bridge Over Troubel Water di talingo. 3. Satantang pintak jo kahandak yang basilang sarato batuka tampek jo buliah sarato balaku, ..barangkali dek baru sampai disitu baru kincia-kincia ambo mambao aia. Wakatu inyo lai juo duduak ditampeknyo sorang-sorang, si pintak yang ambo kunyah dikida, manyipaknyo ka suok. Sadangkan si kahandak yg ambo kunyah di suok malantiang nyo ka kida. Wakatu lah panek mangunyah dan alah ka malulua,....antah manga pulonyo basusun sorang se baitu. Pintak nyo sujuik. kahandak nyo tagak. 4. Dek lauik tapian nyo panjang, banyak ikan indak namuah pulang. Dek gunuang biaso ditampo angin, lupo inyo rasonyo dingin. Kok alun lai doch Bpk suruah cigin, tangadah juo fikia yg ingin. Salam, r.a. Powered by Telkomsel BlackBerry® New Email names for you! Get the Email name you've always wanted on the new @ymail and @rocketmail. Hurry before someone else does! http://mail.promotions.yahoo.com/newdomains/aa/ --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---