Sanak RA, supir batangan nan santiang, kalau ambo inok-inok-i yo gadang filosofi email sanak ko, Kalau week end ko, bakolaborasi awak baa nyoh, supir nan marangkap toke, supir tembak jo supir batangan, kito adokan out bond jo stokar sarato penumpang tadi, mudah-mudahan team work awak salamo ko bisa labiah kuek lai. Sanak RA, sssttt stt tapi jaan hari akaik ndak, Chief supir jo stokar kamanari indang di RS PMC, tagaduah lo latihan baliau beko. Salam, Elthaf
________________________________ From: RantauNet@googlegroups.com [mailto:rantau...@googlegroups.com] On Behalf Of avenzor...@yahoo.com Sent: Friday, May 01, 2009 12:05 AM To: RantauNet@googlegroups.com Subject: [...@ntau-net] Re: PANAWA TANGAH PANEH PART 2 JO GARAH Wakatu Pak Elthaf sabagai sopir tembak alah pulang raun jo JePe, singkek carito oplet tuo alah ta latak baliak di halaman balakang rumah Toke. Walaupun halaman rumah ko yo sabana lapang, tapi latak oplet tuo ko yo di suduik buruak nyo, ba ilalang dan ba batang2 batuang. Di suduik buruak tu Oplet tuo tagak tacanuang manunggu apolah kiro2 tugehnyo di hari nan alah malam ko. RA yang manjadi sopir batangan tacanuang pulo mancaliak sopir tembak ba bisiak-bisiak jo JePe yg manjadi stokar. Indak lamo sa sudah itu sopir tembak jo stokar datang dan ma ota ka sopir batangan. Sopir tembak : Onde, sansai kami hari ko, indak ado piti yg ta baok pulang doch. Sopir batangan : Ha, ba a pulo baitu? Alah pulang ta lambek, piti indak pulo doch ta bao. Stokar : tapi benzin lai panuah kami isi, cukuik utk sa hari panuah bisuak. Sopir tembak : Ndak tantu dek den tu doch, lapor lah bisuak ka toke. Pendek cairto, sopir tembak pulang malenggang, dan tinggalah oplet, sopir dan stokar. Sopir : barasiahkan lah oto dulu, den tunggu ah. Stokar : Onde, yo bana panek ambo ah,...bisuak pagi se lah. Sopir : Ma lo bisa baitu, ...oto alah sa bana anyia baun no tacium dek den ha,....apolah yg tajadi di ateh oto tu tadi. Stokar : kan ado urang yg malahiakan tadi,...alah samo awak liek nyo ndak. Sopir : Iyo tahu den mah, tapi den ndak mancaliak bagai doch eh,....aden tagak di muko oto mah tadi. Waang nyo yang gata mancaliak anak urang kalua dari paruik induaknyo. Stokar : Gata baa pulo den dek sopir ko ah? Kan den dek Toke disurah manolongnyo tadi. Sopir: iyo tahu den nyo,....tapi manga indak waang tulak? Stokar : ma lo talok dek den manulak apo yg disuruah Toke. Sopir : alah, kok indak dek gata mako 1001 alasan bisa waang buek mah,.....kok indak basuruah gai lah ka den untuak manolong toke tu. Stokar : ha...:hahaha....yo indak takana dek ambo tadi doch bahasonyo yo paralu pulo awak caliak baduo. Sopir : Jaan galak pulo lo waang, den agiah jalan saketek untuak mambaliak alah waang galetangkan pulo den,....jaan banyak na carito lai kini,.....bara piti tadi yang lai waang adok-an untuk den? Stokar : kok itu, ...lai adonyo saruman biaso. Sopir : Maa nyo, agiahkan lah ka den lai. Stokar : Iko ah. Sopir : Nan dek waang bara? Stokar : saruman biaso juo nyo. Sopir : Jaan cubo2 ma alua den pulo waang ndak, den ganti stokar beko. Oih,....baa lah cek urang rumah sopir tembak beko tuh kok tahu nyo laki nyo ndak mambao piti pulang. Ibo loh hati den dibueknyo a. Stokar: Lai ado nyo untuaknyo, malah labiah gadang pulo dari awak baduo. Sopir: kok baitu, sajak bilo pulo waang ba kong-kaling-kong jo inyo? Stokar : den ndak ba kalingkong bagai doch jo inyo,....tadi wakatu ma isi benzin inyo minta piti bensin ka den, ....tapi wakatu inyo mambayia nan nampak dek den inyo ma agiahkan bon ketek se nyo ka urang tu,....piti nan dari den dimasuakan nyo ka saku. Sopir : ondeeee......lah lain pulo modenyo sopir tembak tu. Bisuak jaan padiakannyo ma isi benzin sorang yo. Urus lah dek ang bisuak jo Toke manga kok indak ta bao piti malam ko. Stokar : Iyo,....tapi.... Sopir : apo lai nan tapi., tapi dek ang? Stokar : bantulah den dulu mam barasiahkan oto ah,....latiah na badan den ah. Sopir : Jadi, ...ambiak lah aia dek ang, den bantu ma lap belo. Jaan lupo ambiak lilin yo, kalam bana hari ah,.... Singkat carito sopir dan stokar menyuci oplet baduo, .....jo penerangan lilin yang hiduik ba tuka tampek taruih se sasuai jo cahayo yg mereka paralukan untuak mambarasiahkan oplet tuo tu. Dek oto iyo bana lah ba baun ranuak dan ndak ba ka tantuan, anyia, asam yo sagalo baun nan busuak sabuikanlah ba tambah jo baun stokar yg pahik dek paluahnyo,....sopir jo stokar tu sampai ampek kali mancuci oplet tuo tuh. Wakatu ka ampek kali alah salasai, dan oplet tuo tu alah sa bana barasiah dan alah batuka baun nyo jo baun sabun B-29,....mako nampaknyo iyo indak ado kantuak yg bisa di tahan lai doch dek sopir jo stokar baduo. Sopir : lalok di siko se lah awak, indak talok dek den lai doch pulang, bisuak pagi harus lah ba rangkek pulo. Stokar : iyo tuh, alah ndak ado tulang den lai doch rasonyo. Tapi bisuak yo bana sa sudah subuah harus lo awak barangkek mah. Sopir jo stokar naik ka oplet baduo, dan ma rabahkan badan di kursi balakang, sambia bacarito ka lalok. Sopir : ba a kok baitu? Stokar : tadi Rangkayo Rina minta dijapuik baliak di rumah bako nyo. Sopir : ha,....jauh tu di ampek angkek? Manga nyo sinan? Stokar : ndak tahu den doch,...kok yang ta danga tadi inyo bacarito,...inyo ka ma ambiak talua itiak utk Mas nyo...... Sopir : Alah tu, ndak udah bataruihkan carito tu,....lai mangarati den tu mah. Iyo bana sayang bako nyo ka inyo yo. Stokar : ba kok baitu? Sopir : indak usah lo ang tanyo. Jawek se lah tanyo den ko ah,....apo anak urang yg lahia di ateh oplet tadi, laki-laki atau padusi? Stokar : onde ndak pulo ta paratikan dek den tadi doch. Kok induaknyo yo lai tahu den pasti, padusi. Sopir : kan iyo cek den tadi tuch ndak, gata ang mah. Tibo2 hari jadi galok dek lilin lah habih dan padam. Oto barasiah, tampek duduak balakang alah kumuah loe baliak dek blsopir jo stokar yg takalok, sadangkan lilin yg mangawani dan manarangi nyo tadi mambarasiahkan oto dan ma ota tadi ALAH TANDEH habih ta baka. Dalam laloknyo, stokar yg sadang baniaik mambarasiahkan hati, ba mimpi mancaliak lilin tu yang taruih tabaka sampai tandeh untuak manarangi urang di sakaliliangnyo. Sampai di situ, apolah yg ta jadi bisuak pagi ko lah. Salam, r.a Powered by Telkomsel BlackBerry(r) ________________________________ --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
