Tuh kan rin, batua kecek uni. Ndak manangih awak katiko di iciakan urang.
Ambiak ancang2 balari lo awak, bilo paralu kancang lo lari awak sahinggo urang
nan tatingga di awak. Caliaklah si jepe, sajak baumbuak jo lapek jaguang ndak
pandai manaruihkan carito rina doh, senek2 sen komentarno noh, mungkin sakik
paruk dek galak2 surang mambaco carito rina. Aratino, jepe alah tatinggaan dek
rina du he he he. Eh eh iyo dakek sopir tembak rina duduak ? Toke maajak rina
lo raun2 nampakno. Antilah duduak dakek toke dun kalau di ajak rina raun ka
sungai tanang. Makan sup ikan dun pasti lamak di sungai tanang. Anu baa mangko
uni tagahan. Beko dek asyik bakucindan, talantak oto beko. Jo jepe di balakang
ndak baa doh, bisalo latihan manari indang. Di kodak tampak agak kaku gaya
jepe. Mungkin dek paruk samaju karir he he he. Salam. Hanifah
andi jepe wrote:
> Assalamu’alaikum warahmatullahi wabarakaatuh,
> Waalaikumsallam warahmatullahi wabarakaatuh,
> Manolah Adidunsanak nan manyanda di Lapau Laweh ko,
> (Iko situasi nan paliang lamak bana kalau dilapau-lapau kampuang
> dihari pakan nan sakali saminggu, palanta atau bangku panjang kalau
> indak ado sandaran jaan diharok lapau ko rami sambia mangopi makan
> kue-kue kampuang nan lamak-lamak sarupo lapek bugi, pinukuik, katan
> pisang goreang, kue bolu kampuang, kue talam, mangkuak dll. Iyo paralu
> bana badan diri disandakan sambia kaki diangkek sabalah atau kaduo-duo
> nyo diangkek duduak baselo ala pandeka. Sambia maota “berlapir-lapir”
> jo dunsanak kampuang. Ota jo sanak kampuang ko kamari masuak politik,
> ekonomi, ugamo, sampai baa situasi dunia bagai diotakan dilapau ko, )
> Ambbo sambuang malah..episode nangko :
> Tipak di badan diri si Rina nan alah mambuek agreement jo sitokar Oto
> oplet nan tambangan sakuliliang Pulau Andaleh..
> (Baa penjelasan arati kato Tipak ko Rina nan tahu ambo pak ka tipak
> katipung suara gendang bertalu-talu..pura-pura bingung hati didalam
> siapa yang tahu)
> Janji nak ka pai manjapuik talua itiak di tampek dunsanak di ampek
> sakali angkek (?)
> Pagi2 lah tibo oplet antik ko..taruihlah ka rumah di dakek pacuan kudo
> bukik ambacang
> Kironyo hari tun tapek pulo urang sadiang bakuhampeh pacu kudo..eh..
> indak laih.. bukan pacu kudo ..disinun laih..ba motor koroih urang
> (Pacu kudo ko sadang seru bin bakalebuik mah..lo..lah motor ruponyo
> nan bakuhampeh..saking hebohnyo motor cross..jadi koroih..yo)
> Disinun kiro no mah..
> (Ndak bisa disinan..kok diganti vocal a jadi u..saking disinan bana yo.)
> Ndak nampak bakupiah beka laih..basirawa galembong , mahariak kudo..
> tapi paja2 babaju kakurangan kain sambuah manggarutuang ka bukik ambacang tun…
> (Baru danga kiro2 apo aratinyo Rina…manggarutuang)
> Jaleh ari paneh garang bagai..
> Nan oplet cako du.. babelok jalanlah mancari jalan mancik lalu ka
> gulai bancah..sakalian baranti di SPBU mandiangin manyampaian pasan
> Toke gadang kalau pom bensin dun dapek penghargaan “pasti pas”
> antahlah.. aa nan pas kini dulah?
> Pailah mancari jalan mancik sampai juo di simpang luak anyia… kalua
> urang di rumah dek manggaroroh buni oto oplet di laman.
> (Bunyi oto opelet ko yo mambuek talingo pakak dek lah geroh sempat
> lari oto ko sasuku tigo bilih masin tangga-tangga nan bodinyo
> rarak..)
> Turunlah si rina lansuang no ka dapua…dek ongkoih lah baagiahkan di
> dalam oto sambia maota2 resep nagari awak ko jo sitokar nan alah agak
> batuka baun badane.. hehe
> (Tibo di sitokar kok harus galak he..he..he..padohal panumpang opelet
> tu..lah batuka lo baun badannyo mah)
> Dek Pak Aji ( papa si rina) dibaoklah turun sitokar jo supir satu jo
> supir duo (haha cando mambaok bus lorena sen….)
> (Lumayanlah sitokar dibaok turun, sangko disuruah taruih sajo mancuci
> opelet nan geroh tu…..cuci kolong lo tu..yo sansai sitokar)
> Sambuah carito nan lalu di paotaan di laman rumah tun sambia mancaliak
> umaik nan rami balalu lalang nak kamancaliak motor koroihh di bukik
> ambacang nan dakek dari simpang tun..
> Pak Aji : Ndee Yuang… caliaklah.. dek Ang tuha… sudahlah
> kindorok no bauleh uleh.. indak lo sampai ka lutuik doh..
> (Kindorok….?..apo)
> Baju lah sambuah lo dek panumbok, tapi senteang ba
> spasi lo 45 mm, sudah tun indak lo ado langan doh..caliaklah nan
> bairiang2an tu ha..
> Sitokar : Itulah Pak, urang kini ko alah subana bansaik..
> ndak tabali kain cukuik untuak basapatagak laih..paniang tukang jaik e
> manjaik no.. mangko bauleh2 tu mah pak,
> Supir 1 : Sabana no memang iyolah mode tu nagari kini Pak Aji, sabana
> bansaik..kok taisuak malagu urang lagu no lagu no si baju
> kuruang……adolo lagu sisuak kala nan kiro2 mode ko ha:
> Anak urang si Kubang Putiah pai ka balai, hari sanjo
> Mamakai baju guntiang cino..guntiang cino…
> Ulah rayu si daun siriah bacarai pinang jo tampuak nyo
> Apo katenggang si carano si carano
> Urang kapau pai ka ladang sarupo kodek jo bajunyo
> Iyo buruak lakunyo alang ayam tapauik disembanyo..
> Urang sariak babaju ganiah pai manggaleh ka padang lua
> Iyo sarik baa yam putiah Kok indak sikok alang manyemba
> Jikok mandi denai dihulu aia nan usah adiak sauak
> Disauak usah dikaruahi…dikaruahi..
> Jikok mati denai daulu mati nan usah adiak janguak
> Dijanguak usah diratok I diratok i..
> Dek sajuak bana si pak supir 1 malaguan batapuak tangan sado alah nan
> hadir tun..sampai2 minantu Pak Aji kalua pulo dari dapua nak ka sato
> lo maota,
> Minantu pak Aji : wah.. Uda..rancak banar nyanyian Uda..menyantuah
> kiranya isinya ya Uda?
> Manyolo sitokar : Haaa kan dek mantun du.. samanda…isi lagu sabantar
> caka tu..padiah..isinyaa. bila2 lah kita privatkan badua ya?
> Babisiak Mando ko ka Pak Aji : Pa, what does it mean?
> Babisiak pulo Pak Aji ka Minantu liau : we discuss it later… ok?
> (Later..? I want discuss now)
> Angguak-angguak balam sin mando ko..
> (Kok balam lah mangguak-angguak yo putuih gaya dek nyo, takana ambo
> balam kawan ketek ambo dikampuang pantang dijujai..maangguak taruihhh)
> Pak Aji : Sabana padiah yiah…kok dicaliak2 urg saisuak tun baju
> ganiahlah guntiang cino, kodek jo baju samo rononyo..kan baju kuruang
> mukasuik no du ndak?
> Supir 2 : (Nan hanok miang dr td) Iyo bana Pak Aji, baju kuruang ko
> agak no lah langka kini..mungkin dek rang saisuak ko kan kayo2
> mah..nan kodek ado nan dr kain panjang bameter2 ragi kacang
> goreang..nan baju panjang sp ka lutuik langan no panjang pulo..nan
> tikuluak no dari kain aluih nan bameter2 lo dililik an ka
> kapalo..basulam pulo jo bungo roih merah jo ijau..haluih suji
> no..antah kama lah ka awak cari kini ko go laih.. iyo banal ah langka
> Pak Aji..
> (Takana jo mande ambo, bantuak iko bana dandanannyo kok pai maja
> bakodek-kodek, jampang kain stagen nan panjang warna hitam tu ilang
> atau lupo talatak dima kalimpasiang ambo mausai lamari, atau kok
> tasuruak/tacicia gai dibawah tampek lalok , iko bafungsi ganda juo
> wakatu ketek2 main-main jo adiak, ambo kabek kaki jo tangan adiak
> ambo jo stagen mande ko)
> Sabanta sudah tu kalua si rina mambaok lapek jaguang jo paragede
> jaguang nan kupi lah taidang dari tadi dek mamanyo..
> (Tolong Rina lewakan baa caro mambuek lapek jaguang…bayangan ambo ndak
> tangguang lamaknyo mah kok diminum jo kopi)
> Maikua lo anak no nan “kembung” dibulakang no malu2..lah diparsilahkan
> sadonyo manyuboan..pailah no kabalakang laih..
> (Lumayan “anak kembung” masih tabaok dicarito walau kasus lah
> ditutuik, tapi mudah2an kini kok anak kembung lah baagiah minyak kayu
> putiah paruik jo pungguangnyo)..indak jadi Kak Seto dating ka Batam do
> :)
> Agak sasak angok sitokar nan iyo baun2 no ireh no agak e ado nan sedap
> betul di dapua agak e mah.. iko malah nan ditunggu2 batin no.
> (Ireh…apa ?..iyo lo mah sopir ko acok bana baputa-puta di dapua)
> Silahkan Pak Aji..kecek e..sambiak maonyok an tangan ka arah sia
> tampek paragede ko..
> Supir 1 : Ondeh mandeh..wa Ang laih..iyo bana yiah..alun Tuan rumah
> maambiak laih.. lah daulu pulo waAng.. ditapuak no tangan sitokar
> ko.. capek2 lo nyo ambiak sia ko diagiah no pak aji, minantu no..duo
> incek lo untuak wak Ano.. lalu lansuang kaduo2 no.. tandeh
> (Nampaknyo kalau didapua sadang manggoreng perkedel jaguang ubeknyo
> sitokar ko bia indak baputa-puta se didapua..mangudok..dengan alasan
> kicok garam, kuruang sajo lah sitokar ko dalam kamar kabek kaki jo
> tangannyo jo Stagen mandenyo tadi..)
> Sitokar : Yooo cadiak waang yiah..nyo cikuih ciek..galak sadono..hehehe..
> Supir 2 : (Milu2) baambiak juo lapek ciek..
> Pak Aji : Anak ambo nan surang tun iyo bisalah dibaok katangah
> (hihihihi… muji diri sendiri?) kato ambo ndak kapandai no ka dapua
> do.. dek sangkek kaciak ambo manjoan sangaik.. dek bunsu ndak baradiak
> lai, tapi dari abang2 no labiah tageh lo no laih.. kadang cando laki2
> miang den caliak.
> Anak nan surang nan bungsu tu Rina yo..
> Supir 1 : Baa dek mantun kecek Apak?
> Pak Aji : Iyo.. ano tun mancandu lo mamapeh..talabiah mamapeh ka
> lauik. Agaklah..paruik no gadang lah ka ampia malatuih, masih dilakik
> an no juo mamapeh ka tangah lauik tan..ampun den maagak i….panek
> mangecek sen awak noh..nan dino dilaluan no juo..baa laih.. no lah
> awak sarahan ka minantu wak ko.
> Minantu : Yaa Papa..kan wajar mah pa? Kalo Si Kenek ni Wa bawa mah
> susah..ntar Wa lapar jo haus mah di tangah laut tan..antah mau antah
> tidak dio menyediakan makan minum..kalo Wa bawa si rina..dia tak
> nyusahin..ikat mata kail sampe makan minum beres semua..kadang dia
> pula yang dapat ikan paling banyak..yaa mending Wa bawa dialah
> Pa..dari pada bawa si kenek ini..hehe
> Pak Aji : Antahlah yuang yuang.. kalian samo sen..Ntu kini si Zaki
> cucu den babaok lo mamapeh kalauik yiah?
> Minantu : Ya iyalah Pa.. masak iya dong? Hahaha orang dia juga suka
> kok, adventure Pa? kalo ndak nurunin kakeknya ya siapa lagi Pak?
> Pak Aji : memanglah kalian..
> Sitokar : (sambia mangulek) Ndak baitu nan rancak doh..kok wak rancang
> mamapeh rami2 baa gak no ? suruah si rina mambuek baka awak..(dasar
> tukang paragade)..
> (Bato piak…bahariak sitokar mah (dalam kuruang..dasar tukang paragede)..ha..ha
> MInantu : Tidak baa do Da? Biarlah di cari hari nan rancaknya..
> Pak Aji : Pailah kalian..aden ndak sato doh..lah cukuik dek den katu
> sari2 taisuak..aden ka pai ka surau laih..
> Mako bubarlah coffe morning pagi tun nak ka pai ka tampek Uni Ipah di
> sungai tanang..rencanano nak ka mancaliak Sungai Tanang…
> Biaso no lagu tadanga :
> Babendi bendi.. ka sungai tanang.. aduhai.. sayang..babendi.. bendi..
> Kini batuka job a oplet oplet.. ka sungai tanang…aduhai.. sayang…ba
> oplet oplet.. hehe..
> “To be continued” bg nan suko hati..silahkan disambuang..
> (Sambuanglah Uni Iffah nan sadang babendi-bendi di Sungai Tanang)
> Talabiah takurang banyak maaf
> (Urusan maaf memaafkan ari rayo sajo yo Buk he…he..he
> Iyolah…kok sijago mamapeh talabiah takurang..kalau ambo
> Takurang talabiah..mooh juo yo)
> Wass-Jepe
> Wassalam
> Rina, 32, batam
>
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain harap mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===========================================================
Berhenti, kirim email kosong ke: rantaunet-unsubscr...@googlegroups.com
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
