Waalaikumsalam warahmatullahi wabarahatuah, Sanak Kani di Semenanjung
Kok Rinuak jo Bada Danau Maninjau, di buek apo sajo.......lamak bana Dek Induak bareh lai rang Maninjau Rumah Batu.........yo acok juo dapek kiriman dari Kampuang Apalagi sasudah tubo kalua, bada jo rinuak malimpah............. tatap ndak murah......turun saketek lah Sabana indak ikan ngkeneng sajo nan lamak, ikan asli danau nan gadang sero juo, apolai di gulai santan sabana manih Ado lapau dakek PLTA manjua gulai ikan nantun Antah kabilo pulo awak pulang ka Maninjau ko Lai ka ado juo lapau dakek sungai Antokan nantun ? Panutuik, Sanak Kani lain tangiang ngiang lirik barikuik: Maninjau padi lah masak Batang kapeh batimbo jalan Hati risau dibaok lah galak Jang cameh ndak ado ikan Baa nou Sanak Kani, bilo awak Pulkam Basamo Elok nou katiko rinuk jo bada sadang musim Wassalam, Masrur Siddik, L/67 di Bandung jo induak bareh rang Maninjau 2009/5/16 syaukani yusup <[email protected]> > > > Assalamualaikum WW > Kapado sanak kasadonyo khususnyo ka Rang salingka Danau Maninjau, khususnyo > kaangku Z Chaniago bako ambo. > > Palai Rinuak jo Bada Masiak adolah produk paling terkenal dari Danau > Maninjau, duo jenis ikan ketek nan mungkin ado juo didanau lain tapi mungkin > lainlo namonyo, rinuak adolah ikan terkecil didanau maninjau nan paliang > gadang saparati pangka lidih sapu panjangnyo sainci atau 2cm sajo. > Sasuai dimasak basah atau dikariangkan,nan kariang biasonyo bagureang > se, kalau nan basah bisa digulai asam padeh atau buliah juo > basantan campurannyo batang kamumu, kamumuko sajenis batang taleh juo, > ditampek lain ndak tau ambodoh kamumuko apolo namonyo, ado juo urang > mancampua jo pucuak ubi atau paku mudo (pakis) kok sanak nak mancubo > mancampuo jo nan lain2 indak bangih ambo doh. asalkan indak dicampua jo > pupuak urea selah. > Ado pulo nan bapaih atau bapalai, rinuak diaduak jo samba karambia > dibungkuih jo daun pisang agak tigo lampih bapanggang, angek2tu dilapuah jo > nasi angeklo biasonyo samba karambiatu indaklah banyak bana ladonyo kapado > nan garang lado dipagatoklo lado kutu barulah badanguang rasonyo disaksikan > salemo mailia kok nan indak basisunguik lah pasti batambah resep dek salemo > lah tabao rendong sakali, mungkin dek kancang bana suok indak sampaek salemo > lareh kalantai atau jatuah kanasi disinan juo rabab babunyi. > Kok sanak nak tau nan paliang istimewa jo rinuakko adolah indak ado induak2 > nan sudi mambuangkan isi paruiknyo doh antah kok indak taliso atau dek > karano alun ado alat untuak pambuangnyo sainggo kini alun dapek diambo > jawabannyo doh antah kok ado dek Nyiak Z. > Nan tau ambo balapia se 100% indak kalua limba alias babasuahse. > Nan kaduo Bada pulo mungkin banyak nantau bantuaknyo, ukurannyo sagadang > jari kalingkiang jo jari manih panjangnyo +-7cm nan basah bisa jou digulai > asam padeh atau basantan atau bagoreang, kaistimewaan bada masiak (bada > basalai) nan lah batuka warna pirau, baiak digulai atau digoreang, salapeh > makantu taraso angek2 diarakuangan. Badako mesti dibuang paruiknyo, > sakalipun lah dibuang tapi basuah indak barasiah mako badako akan jadi paik > mungkin dek ampadunyo. > Lah panjang bana caritoko, apolo nan kadicaritokan Nyiak Z atau rang > salingka danau nanti. > > Wassalam, > Kani50 > Kajang (manangih indak namuah antok) > > > > > > --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
