Assalamu'alaikum Ww Mamanda Kani di Semenanjung.... nan lah lamo ambo indak mandapek-i lai adolah Kailan Panjang jo Kailan Gadih tu...... wakatu maso ambo SD tahun 80-an , ambo masih ado mandapek-kan Kailan Gadih tu kalau sadang mamapeh .. duo tahun terakhir.... di Pakan Jumaaik Bayua pun ambo ndak mandapek-i lai urang manjua Kailan Gadih tu.... baitu juo Kailan Panjang....
Soal rinuak jo... ado carito antah iyo antah indak.....baraso rinuak-ko adolah ikan purba nan tidak ber evolusi sempurna.... agak lain jo Bada.... kalau bada banyak kawan-nyo satu Famili....Bada is Rasbora Sp.... di Vietnam Rasbora iko jadi ikan hias .... itu dulu Mamanda... wassalam Z Chaniago - Palai Rinuak - Sajak Japang mangakeh di Antokan... bada lah lapeh ka piaman..... Pada 16 Mei 2009 21:20, syaukani yusup <[email protected]> menulis: > > > Assalamualaikum WW > Kapado sanak kasadonyo khususnyo ka Rang salingka Danau Maninjau, khususnyo > kaangku Z Chaniago bako ambo. > > Palai Rinuak jo Bada Masiak adolah produk paling terkenal dari Danau > Maninjau, duo jenis ikan ketek nan mungkin ado juo didanau lain tapi mungkin > lainlo namonyo, rinuak adolah ikan terkecil didanau maninjau nan paliang > gadang saparati pangka lidih sapu panjangnyo sainci atau 2cm sajo. > Sasuai dimasak basah atau dikariangkan,nan kariang biasonyo bagureang > se, kalau nan basah bisa digulai asam padeh atau buliah juo > basantan campurannyo batang kamumu, kamumuko sajenis batang taleh juo, > ditampek lain ndak tau ambodoh kamumuko apolo namonyo, ado juo urang > mancampua jo pucuak ubi atau paku mudo (pakis) kok sanak nak mancubo > mancampuo jo nan lain2 indak bangih ambo doh. asalkan indak dicampua jo > pupuak urea selah. > Ado pulo nan bapaih atau bapalai, rinuak diaduak jo samba karambia > dibungkuih jo daun pisang agak tigo lampih bapanggang, angek2tu dilapuah jo > nasi angeklo biasonyo samba karambiatu indaklah banyak bana ladonyo kapado > nan garang lado dipagatoklo lado kutu barulah badanguang rasonyo disaksikan > salemo mailia kok nan indak basisunguik lah pasti batambah resep dek salemo > lah tabao rendong sakali, mungkin dek kancang bana suok indak sampaek salemo > lareh kalantai atau jatuah kanasi disinan juo rabab babunyi. > Kok sanak nak tau nan paliang istimewa jo rinuakko adolah indak ado induak2 > nan sudi mambuangkan isi paruiknyo doh antah kok indak taliso atau dek > karano alun ado alat untuak pambuangnyo sainggo kini alun dapek diambo > jawabannyo doh antah kok ado dek Nyiak Z. > Nan tau ambo balapia se 100% indak kalua limba alias babasuahse. > Nan kaduo Bada pulo mungkin banyak nantau bantuaknyo, ukurannyo sagadang > jari kalingkiang jo jari manih panjangnyo +-7cm nan basah bisa jou digulai > asam padeh atau basantan atau bagoreang, kaistimewaan bada masiak (bada > basalai) nan lah batuka warna pirau, baiak digulai atau digoreang, salapeh > makantu taraso angek2 diarakuangan. Badako mesti dibuang paruiknyo, > sakalipun lah dibuang tapi basuah indak barasiah mako badako akan jadi paik > mungkin dek ampadunyo. > Lah panjang bana caritoko, apolo nan kadicaritokan Nyiak Z atau rang > salingka danau nanti. > > Wassalam, > Kani50 > Kajang (manangih indak namuah antok) > > > > > > -- Z Chaniago - Palai Rinuak Alam Minangkabau semakin memukau oleh kemilau Danau Maninjau - Menjadikan Adat menjadi rasional . Sukseskan Kejuaraan Paralayang - Puncak Lawang to Danau Maninjau 17 Mei 2009 --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
