Assalamualaikum Wr.Wb
Dunsanak Yanto Jambak
Great............Luar biasa Gurindam Pusako nan dunsanak susun jo kato-kato
indah nan lamak dibaco.
Salut ambo untuak dunsanak.....Indak sado urang bisa mambuek karya seni sarupo
iko....:-)
Wassalam,
R.Pitopang
--- Pada Rab, 20/5/09, yanto jambak <yantojam...@gmail.com> menulis:
Dari: yanto jambak <yantojam...@gmail.com>
Topik: [...@ntau-net] Re: GURINDAM PUSAKO
Kepada: "RantauNet" <RantauNet@googlegroups.com>
Tanggal: Rabu, 20 Mei, 2009, 8:41 PM
Ass. Untuak panambah nambah carito di palanta manjalang libur karajo,
barikuikko ambo sampaikan sabuah carito palamak lamak an ota. semoga
mandapek tanggapan dari dunsanak tantunyo... trim.
TAGURAJAI
Pemilihan umum lah salasai
Pilihan lansuang nan bapakai
Hituangan suaro lah di mulai
Walau barakhir di bulan mai
Tapi ibarat misa jo andai
Sabuang abih galanggang usai
Rimah jo sarok lah ba sepai
Nan tingga lah jadi sarok balai
Manuruik hitungan urang pandai
Bara bana indang jo ragai
Santiang bana mangirai ngirai
Lah jaleh jaguang jo anjalai
Basisieh loyang jo ameh urai
Lah bapisah ajik jo kalamai
Lah jauah lamang jo tapai
Lah babedo bada jo palai
Kini juaro galak badarai
Bulang bakicuah nan nyo pakai
Taruah gadang nan nyo intai
Dek santiang bamain cincai
Bak manggaleh lipek takulai
Panuah uncang jo karapai
Urang lah panek manyamai
Awak tingga manuai
Kini ayam maratok i bangkai
Kapak patah sayoklah radai
Ranggah cabiak liyua ba petai
Tingga manunggu urang bantai
Dulu awak nyo jujai jujai
Dari jauah nyo intai intai
Kanyang badan nyo lambai lambai
Arok bana nak ma awai
Tanyato disiko badan kanai
Lah tandeh saku nyo garabai
Lah pueh rayu jo gemai
Dari balakang awaknyo sewai
Tanyato badan ndak tapakai
Lah banyak sajo nan batikai
Laweh salendang pado cindai
Kain rancak ragi baginjai
Dek kurang cadiak jo lihai
Ma uleh indak di gunjai
Di urang singkek tapi tajulai
Di awak panjang indak sampai
Litak rasonyo tungkai
Lamah rasonyo bangkai
Sandi taraso lunglai
Angok taraso bakayai
Tahanyak badan dilantai
Indak tantu nan ka di awai
Tanyato badan salah gagai
Manau baduri tasangko sigai
Lah jaleh galombang badai
Dek awak basangko rinai
Lah tau itu ngarai
Basangko juo anak sungai
Lah nyato api sigulambai
Manga juo badan basangai
Kini cakak lah marasai
Takana silek sungai patai
Takana pasan mandeh jo biyai
Bacarito di balai balai
Sambia mangalai ngalai
Maruntiah jaguang gerai
Kok ingin jadi urang pandai
Tau mamiliah jo manilai
Muaro dulu baru bapantai
Dikao dulu baru dirasai
Jan sumbarang awai
Bedakan sirangkak jo ambai ambai
Balain pinyangek ja anai anai
Ula ayie jo ula bidai
Kok bagincu itu si sabai
Kok basunguik itu mak unggai
Kok basaruang itu mak labai
Kok ba sorban mungkin kiyai
Babeda karo jo simpai
Asiang balam lain punai
Umpamo jariang jo patai
Babeda tampuak jo tangkai
Samo sajo bawang jo kucai
Indak basisieh salam jo sarai
Baalah ka raso gulai
Alamat salero ka bapetai
Kini baru den rasai
Balain cikarau jo kumpai
Babeda ombak jo badai
Lain kapunduang lain rambai
Hujan labek den sangko rinai
Baro barapi nan den tanai
Abu dingin den pasangai
Disiko baru taraso kanai
Harato den abih tagadai
Hutang di bank lah bamaterai
Oto den di ambiak si acay
Karajo den lah tabangkalai
Anak dirumah lah kurang abai
Bini marauang mintak carai
Lah bak cando si jablay
Kurang pacik kurang awai
Sabalun hutang den lansai
Indak ka talok duduak di kadai
Apo lai tagak di balai
Mungkin ka jadi urang rantai
Urang lawang tigo balai
Marantau ka tanjuang bonai
Lah barubah laku jo parangai
Kini bak cando kanai sijundai
Dari tarandam nak ka lapai
Singgah dulu di kampuang alai
Bak cando ayam tamakan kajai
Dek ulah bamain partai
Yanto Jambak nan mangisai
Dunsanak tingga ma urai
Kok lai ado nan tapakai
Kok indak buang ka ngarai……..
Y.J 25042009.
Cepat, Bebas Iklan, Kapasitas Tanpa Batas - Dengan Yahoo! Mail Anda bisa
mendapatkan semuanya. http://id.mail.yahoo.com
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain harap mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===========================================================
Berhenti, kirim email kosong ke: rantaunet-unsubscr...@googlegroups.com
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
