Assalamu'alaikum warrahmatullahi wa barrakatuh. Pak Sjaaf jo dunsanak sa palanta. Satantangan piliah mamiliahko ambo ikuik sato sakaki Pak Sjaaf. Ambo satuju jo Pak Sjaaf. Sabaiaknyo untuak samantaro Pak Sjaaf tagak di independent dulu. Tapi, kalau saandainyo alah salasai manimang-nimang, mungkin paralu tagak di tampek nan bana-bana bisa mambao Sumbar kaarah nan labiah baiak. Kami ka mangikuti para pandulu kami, sabab nan tau asam garam pamaianan tu tantu pamain, panonton hanyo bisa maariak, manjujai, atau batapuak tangan. Bilo urang-urang tuo awak nan punyo langkah di muko lah manapak, tantu kami paliang tidak ka manyusuri samak nan lah ditapaki dek pandulu kami. Mungkin indak paralu manunggu limo minggu lai, saminggu duo minggu lai mungkin lah tampak itam-putiah nan patuik awak turuik. Gawang maa nan ka dimasuki bola, tantu striker nan handal nan dapek mamasukinyo. Memang bisa tendangan jauah, tapi itu talalu spekulatif. Itu sajo harapan kami tantang Pamilu ko ka Pak Sjaaf. Manganai Seri Nan di Lua Tampuruang atau gagasan lain dari Pak Sjaaf tu, ambo punyo ide, baa kalau awak cubo mambahas suatu hal nan di-kelompok2kan nan nantinya menjadi suatu rumusan RN untuak diajukan sebagai sumbang-saran awak ka pajabat atau lembaga nan takaik untuak pembangunan Sumbar (bukan saingan anggota legislatif lho, hanyo untuak panambah-nambah lauak sabagai menu tambahan di ateh meja). Anggota RN kalau dicaliak sangat-sangat bapotensi gadang untuak kamajuan Sumatera Barat, sayang kalau indak ditangguak potensi nan ado. Apolai anggota RN lah batambah jo masuaknyo Urang pertamo Kabupaten Agam, mungkin ado nan paralu awak bantu baliautu dalam babagai hal. Iko hanyo saran sajo, tapi walaupun baitu kasadonyo awak pulangkan kaawak basamo. Sakali lai maaf kalau salah sorong.
Wassalam, Tan Lembang (L,52+) Lembang, Bandung ________________________________ From: Dr.Saafroedin BAHAR <[email protected]> To: [email protected] Sent: Saturday, May 30, 2009 11:54:01 AM Subject: [...@ntau-net] Re: Menghadapi Pemilihan Presiden kedepan (untuak pak Saaf) Waalaikumsalam w.w. Sanak Dewi Mutiara dan Sanak Nizhamul Latif dan para sanak sapalanta, Tarimo kasih ateh doa dan tanggapan, dan barikuik ko klarifikasi dan tanggapan baliak dari ambo. Partamo, ambo bukan jurkam JK-W. Ambo tetap mengambil posisi sebagai pemilih independen. Sampai kini ado duo pasangan capres-cawapres nan masih ambo timang-timang, yaitu SBY-Boediono dan JK-Wiranto. Pasangan capres/cawapres nan ciek lai alah ambo drop. Masih ado k.l limo minggu lai sabalun tanggal pilpres, cukuik wakatu untuak kito tungkuik tilantangkan. Kaduo, ambo basadio dipasangi pin kampanye JK-W karano pasangan ko masih tamasuak dalam daftar nominasi ambo. Katigo, memang ado rancaknyo RN ko mampalaweh cakupan paratian, jan sampai kito jadi bak katak di bawah tampuruang. Sacaro pribadi alah ambo cubo marintis, malalui Seri Nan Di Lua Tampuruang, nan alah sampai seri ka 75. Kaampek, kalau disatujui, dalam 'Subject' di ateh, tiok posting kito dahului jo tema gadangnyo, misalnyo: Nasional, Rantau, Ranah, dan lain-lain nan bisa kito kambangkan kudian. Sabaiaknyo ditampuang dalam Peraturan Tata Tertib RN. Kalimo, ambo satuju sakali RN mamfasilitasi penyiapan kader-kader mudo urang awak, hanyo tantu sampai bateh tatantu sajo.Persiapan kader tantu banyak bagantuang ka motivasi, dedikasi, dan kegigihan kader kito itu sendiri.. Kaanam, kader mudo kito paralu dilapeh ka galanggang rami, basuo jo jago-jago lain, Jan sampai jadi samacam 'jago kandang' sajo. Kan kito maajakan 'alam takambang jadi guru'. Katujuah, kito paralu manimbang dima kakuatan dan dima kalamahan kito. Kakuatan kito paliharo dan kito kambangkan, sadangkan kalamahan kito koreksi dan kito peloki. Talabiah takurang mohon maaf. Wassalam, Saafroedin Bahar (L, masuk 72 th, Jakarta) --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
