Waalaikumsalam w.w. Sanak Boediman Moeslim dan para sanak sapalanta, Masalah dasar soal piliah mamiliah ko adolah: dari tigo pasangan capres/cawapres, hanyo satu pasangan nan akan manang. Kaadaannyo kini adolah saroman pacu boko, habis-habisan, sagalo sanjato alah dikaluakan dek katigo pasangan sarato jo tim suksesnyo, baiak sanjato haluih maupun sanjato kasa, sampai sanjato nan taraso paliang kasa. Pengalaman di nagari kito dan di nagari lain manunjukkan bahaso biasonyo para calon apopun lupo jo janji-janjinyo kalau alah manang. Apolagi kan indak ado aturan nan mamungkinkan maelo baliak [ 'ma-recall'] mandat nan alah diagiahkan kalau tanyato mantan calon tu ingkar janji. Untuak presiden apolagi, sabana tagok tagak baliau tu. Manuruik pandangan ambo, di ateh sagalo persyaratan formal nan alah ditantukan dek undang-undang, faktor nan paling penting adolah karakter pribadi atau bisa juo disabuik personal integrity dari pasangan capres/cawapres tu. Tantang faktor apo nan tamasuak 'karakter pribadi' atau 'personal integrity' bisa kito tanyo ka ahli psikologi politik. Dalam hal ko manuruik ambo -- sabagai misal -- adolah : lai bisa dipicayo baliau-baliau tu ka malaksanakan janji-janjinyo ? Lai samo kulikaiknyo di muko umum jo sawakatu di lingkuangannyo surang ? Atau papek di lua runciang di dalam? Lai amuah mandanga kecek urang atau inyo sajo nan batua ? Kok tanyato salah, lai amuah mangaku salah dan minta maaf, atau malah suko mailakkan tangguang jawab? Lai rajin inyo dalam malaksanakan tugas, atau labiah suko lalok daripado karajo ? Baa sikap baliau taradok kemajemukan masyarakat Indonesia: disapurantaunyo sajo atau lai amuah manghormati aneka ragam suku, ras, agamo, kebudayaan, aspirasi dan kepentingan ? Ringkasnyo, sabagai pribadi apokah pasangan calon-calon tu adolah bana-bana 'negarawan' ataukah hanyo sekedar 'politisi' sajo. Apo sababnyo mako baitu ? Manuruik ambo, antaro lain karano dalam maambiak kaputusan dalam bidang apopun, faktor nan paliang manantukan iyolah karakter pribadi atau 'personal integrity' itu. Soal alasan, kan bisa dicari-cari. Dalam hubungan ko, kito gali baa karakter pribadi atau 'personal integrity' dari para calon malalui kaputusan-kaputusan nan baliau-baliau ambiak salamo manjabat. Bahan kan indak kurang-kurang. Mungkin ado juo baiaknyo kalau RN maadokan samacam 'kopi darek' antaro sasamo netters, kito bandiang-bandiang karakter pribadi atau personal integrity dari tiok pasangan.Supayo adia, faktor nan akan dinilai, jo bobot tiok faktor harus samo untuak saluruah calon, Pasangan nan punyo 'skor' paliang tinggi, kito piliah tanpa ragu.
Wassalam, Saafroedin Bahar (L, masuk 72 th, Jakarta) --- On Sat, 5/30/09, Boediman Moeslim <[email protected]> wrote: From: Boediman Moeslim <[email protected]> Subject: [...@ntau-net] Re: Menghadapi Pemilihan Presiden kedepan (untuak pak Saaf) To: [email protected] Cc: "Dr.Saafroedin BAHAR" <[email protected]> Date: Saturday, May 30, 2009, 12:48 PM Assalamu'alaikum warrahmatullahi wa barrakatuh. Pak Sjaaf jo dunsanak sa palanta. Satantangan piliah mamiliahko ambo ikuik sato sakaki Pak Sjaaf. Ambo satuju jo Pak Sjaaf. Sabaiaknyo untuak samantaro Pak Sjaaf tagak di independent dulu. Tapi, kalau saandainyo alah salasai manimang-nimang, mungkin paralu tagak di tampek nan bana-bana bisa mambao Sumbar kaarah nan labiah baiak. Kami ka mangikuti para pandulu kami, sabab nan tau asam garam pamaianan tu tantu pamain, panonton hanyo bisa maariak, manjujai, atau batapuak tangan. Bilo urang-urang tuo awak nan punyo langkah di muko lah manapak, tantu kami paliang tidak ka manyusuri samak nan lah ditapaki dek pandulu kami. Mungkin indak paralu manunggu limo minggu lai, saminggu duo minggu lai mungkin lah tampak itam-putiah nan patuik awak turuik. Gawang maa nan ka dimasuki bola, tantu striker nan handal nan dapek mamasukinyo. Memang bisa tendangan jauah, tapi itu talalu spekulatif. Itu sajo harapan kami tantang Pamilu ko ka Pak Sjaaf. Manganai Seri Nan di Lua Tampuruang atau gagasan lain dari Pak Sjaaf tu, ambo punyo ide, baa kalau awak cubo mambahas suatu hal nan di-kelompok2kan nan nantinya menjadi suatu rumusan RN untuak diajukan sebagai sumbang-saran awak ka pajabat atau lembaga nan takaik untuak pembangunan Sumbar (bukan saingan anggota legislatif lho, hanyo untuak panambah-nambah lauak sabagai menu tambahan di ateh meja). Anggota RN kalau dicaliak sangat-sangat bapotensi gadang untuak kamajuan Sumatera Barat, sayang kalau indak ditangguak potensi nan ado. Apolai anggota RN lah batambah jo masuaknyo Urang pertamo Kabupaten Agam, mungkin ado nan paralu awak bantu baliautu dalam babagai hal. Iko hanyo saran sajo, tapi walaupun baitu kasadonyo awak pulangkan kaawak basamo. Sakali lai maaf kalau salah sorong. Wassalam, Tan Lembang (L,52+) Lembang, Bandung From: Dr.Saafroedin BAHAR <[email protected]> To: [email protected] Sent: Saturday, May 30, 2009 11:54:01 AM Subject: [...@ntau-net] Re: Menghadapi Pemilihan Presiden kedepan (untuak pak Saaf) Waalaikumsalam w.w. Sanak Dewi Mutiara dan Sanak Nizhamul Latif dan para sanak sapalanta, Tarimo kasih ateh doa dan tanggapan, dan barikuik ko klarifikasi dan tanggapan baliak dari ambo. Partamo, ambo bukan jurkam JK-W. Ambo tetap mengambil posisi sebagai pemilih independen. Sampai kini ado duo pasangan capres-cawapres nan masih ambo timang-timang, yaitu SBY-Boediono dan JK-Wiranto. Pasangan capres/cawapres nan ciek lai alah ambo drop. Masih ado k.l limo minggu lai sabalun tanggal pilpres, cukuik wakatu untuak kito tungkuik tilantangkan. Kaduo, ambo basadio dipasangi pin kampanye JK-W karano pasangan ko masih tamasuak dalam daftar nominasi ambo. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
