Iyo, sajak Rina maotaan Peyek, MakNgah baeksperimen macam-macam mangarajoan peyek tu. Tampaknyo rasionyo bukan sakadar resep sajo doh, tapi baa caro manggorengno. Salah satu tip Rina mamgarajoan kulek ketek-ketek ko iyo saba.
Istimewa manggoreng peyek memang ado teknikno nan memang mintak paratian, misti mancaliak urang manggorengno lebiah dahulu. MakNgah lah panah manolong kawan di Madison, Wisconsin, tahun1978,lah tigopuluahtahun nan lalu. Jadi itu nan takana. Namun kasabaran paralu, karano kadang-kadang angiuhno, baserak-serakno, atau taba amek. Dan nan indak suko awak kalau hasiano banyakmanganduangminyak. Jadi salain resep, campuran bara banyak aiano, cairanno tu jalang atau pakek paralu juo pangalaman. Lah bara kali ko Makngah mambuek peyek tu saketek-saketek. Kalau adonanno alun habih, simpan baliak, ulang lo nanti bilo takana. Du hari nan lalu MakNgah pai ka San Jose, jarakno dari Santa Cruz jalan tunggang balik saroman dari Maninjau ka Padangpanjang 40 mil, 60km. Nan MakNgha bali cuma duo item, Kincua (kencur, tapuang lah dalam boto) dan pati pandan (lah dalam boto ketek). Tibo di rumah dibuek peyek pakai kencur. Tadi malam karano kencurno masih kurang taraso, ditambah saketek lai. Tapi apo akibatno ...? Pagi cako, katu ka katu maantaan barang ka bulakang, kantuik MakNgah babaun kincua.... :) Salam, --MakNgah --- In [email protected], "rinapermadi" <rinaperm...@...> wrote: > > > Mak Ngah jano ambo, > > Kok mantun kecek Mak Ngah duah.. yooo tabasuik galak ambo jek no du > Kan mantun du iah Da Rangkayo Arif > Kadang2 kalut juo ambo mancaliak kacobeh Mak Ngah koeh.. > Tangah malam mambuek peyek...iyo bana ngamuah ati Mak Ngah iah.. Lai ndak > kanai babab Mak Ngah dek urang sabalik du? Babaun-baun goreang peyek tangah > malam? Mambuek litak paruik urang sadang lalok, nyampang lo kok barasian > sambia bajalan lo urang2 tun manokok pintu rumah Mak Ngah minta dibagi peyek > lo. Hahahaha.... > > Syarat lain untuak mambuek kulek2 nan kaciak2 ko adolah : SABA > Kalo nak nio peyek lamak tantu banyak caro > Bisa dipasan sin ka urang panggaleh pical urang jawa, bisa lo di bali sin di > toko kue. > Tapi mandapekkan peyek nan rapuah tipih badaruak sempurna tantu harus > malewati step2 experiment. Jadi modal utamonyo yoo SABA ko nyoh. Ndak mantun > du Uni2 sakuliliang? > > Salamaik baexperiment Mak Ngah... Good Luck > > Wassalam > Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
