Rangkayo Rina, MakNgah lah cubo buek sandiri Peyek tu manuruik resep Rina. Nan kurang kencur atau cakua di awak. Tapi ado masalah manggorengnyo...
Wakatumanggoreng Peyek tu, inyo indak manjadi karuopuak atau picak-picak saroman karupuak. Indak bersatu inyo manjadi unit karuopuak. Taopi badarai, bakurayangannyo dalam minyak angek tu sarolman anak-anak bakacimopuangan basamo-samo dalam kolam ranang di musim paneh. Tapaso batangguaki maambiaknyo. Pangalaman ko maingekkan MakNgah katu maggoreng mambuek Paragede Jaguang sari. Indka jadi paragede nyo doh. Jaguangnyo bakurayangan malayang-layang baserakan basamo-samo. Baa kiyeknyo manggoreng Peyek atau Paragede Jaguang tu? Misti ado rasionyo. Kin adokannyo masih tingga saparoh lai basimnopan sajo dulu samoai dapek rasio kiyeknyo dari Rina. Salam, --MakNgah --- In [email protected], "sjamsir_sjarif" <hamboc...@...> wrote: > > > Assalamualaikum warahmatullahi wabrakatuhu, > > Rangkayo Rina sarato Rang Lapau nan Basamo, > > Tuhan Allah Subhanahuata'ala tu sungguah-sungguah pangasiah panyayang. Kecek > Amak MakNgah (almarhumah), Tuhan Allah Kayo Sungguah. > > Rina bacarito Peyek. Mambaco tu MakNgah iyo bana jadi taragak; rasonyo ingin > mambuek tapi alun ado wakatu lai. MakNgah suko bana jo Peyek tu, lah lamo > indak basuo. Di Rantau Makngah indak ado urang manjaua peyek dohk, kecuali > kalau ado Indonesian bazaar sakali-sakali kalua jagok-jagok masakan rumah. > > Cako, sudah Sumbayang Jumaat di Musajik, saurang kawan MakAngah nan duduak di > subalah MakNgah pai ka lua labiah dahulu. MakNgah masih mando'a. Sudah > MakNgah salasai, kawan cako duduak baliak di subalah MakNgah. Dionyokannyo > karuang plastik. Mancaliak inyo maonyokkan tu MakNgah babiisiak; Apo koh? Aa > dari Si Euis keceknyo babisiak; inyo Urang Sunda. Inyo barangkek baliak kalua > sambia basalaman. Kecek MakNgah sampaikan salam tarimo kasih ka Euis, > istrinyo. Inyo galak-galak senyum, karano pasti disangkonyuo Makngah lah tahu > isinyo, kesukaan MakNgah, Peyek masakan si Euis. > > Tibo di rumah MakAngah caliak bungkusan tu. Ado duo bungkusan plastik di > dalamnyo barisi duo macam Peyek, nan ciek pakai Kacang Goreng, nan ciek pakai > Maco Bulek. Alhamdulillah kecek MakAngah. Diambiak nasi, dimasukkan Gulai > Cubadak jo ikan tilapia nan dibabuek tadi malam, tambah jo dadiah (cottage > cheese). > > Sadang makan jo tangan suok, tangan kida mamaciak Peyek, digigik > badaruak-daruak, maangguaqk-angguak, ditinggakah jo Alhamdulllah Tuhan Allah > Kayo Sungguah kecek Makangah. Ondeh, makan lamak pulang dari Musajik. Sabana > lahap ... Takana lo Amak nan lah lamo maninggakan MakNgah sambia mandoakan > kesejahteraan arwah baliau di Alam Baqa... > > Tarimo kasih jo postiang Peyek Rina. > > Salam, > --MakNgah > --- In [email protected], "rinapermadi" <rinapermadi@> wrote: > > > > Waduh.. ado nan lupo bumbunyo ciek laih > > > > Untuang ado nan mangingekkan > > > > Ambo latakkan no. 11. Kencur (sarupo kunyik batangnyo) agiah saujuang jari > > giliang aluih > > > > Btw, mokasih nan alah mangingekkan > > > > Kalo di nagari awak tarutamo Pariaman, ambo suko mamakan rakik kacang. Rakik > > kacang ko dicetak bulek kacangnyo panuah sabulek an cetakannyo tu > > > > Ado lo rakik maco nan bacetak juo. Jadi kalo urang awak ko alah jaleh tukuak > > an nyo. Untuak sakian kilo dapek sakian rakik kacang. Sebuah perhitungan nan > > rancak. > > > > Wassalam > > > > Rina > > > > From: rinapermadi [mailto:rinaperm...@] > > Sent: Tuesday, July 07, 2009 4:47 PM > > To: '[email protected]' > > Subject: P E Y E K > > > > Assalamu'alaikum Warahmatullahi Wabarakaatuh, > > > > Untuak nan suko manggatu-gatu kacok, ko ado pakandak ciek laih untuk Ibuk > > nan di Bengkulu tan, > > > > Peyek > > > > Bahan2 : > > > > 1. Tapuang bareh ½ kg > > > > 2. Teri medan ukuran sadang saganggam > > > > 3. Kacang tanah potong duo ½ kg > > > > 4. Kapua siriah setek > > > > 5. Katumba 2 sdm giliang > > > > 6. Dama 3 incek giliang aluih > > > > 7. Bawang putiah 3 siuang giliang > > > > 8. Daun limau 5 halai riciah aluih > > > > 9. Santan dari ciek karambia > > > > 10. Garam > > > > Caronyo : > > > > 1. Campuan sadonyo bahan, aduak-aduak trus di goreang > > > > 2. Ambiak adonan sasendok nasi, siram di tapi kuali nan alah baminyak > > angek. > > > > 3. Sahinggo tabantuak peyek mode satangah lingkaran nan badarai-darai. > > > > 4. Simbua2 sampai lapeh dari kuali, trus dibaliak sampai masak lua > > dalam jo badaruak kacangnyo > > > > 5. Kalo alun masak kacangnyo bisa di goreang 2 kali > > > > 6. Test, test raso garam, dan lain-lain tarago angek jo tarago masih > > alun banyak nan digoreang. > > > > 7. Matikan kompor > > > > Salamaik manciboan bagi nan katuju, pakawan makan di hari pancontreangan. > > > > Semoga pilpres aman dan damai.. amin.. > > > > Sarupo palanta ko… > > > > Salam Kuliner > > > > Rina, 32, batam > > > > > --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
