Mak Ngah sarato sanak di lapau sadonyo, Soal Tapak Paderi ko, memang kurang jaleh ko. Tapi kalau ambo ndak salah ingek memang Bengkulu adolah pangkalah Padre (pengembang agamo Kristen) labiah dulu. Dalam babarapo sumber disabuik'an bahaso dari situlah dulu dicubo dikambangkan agamo Kristen. Reaksi penolakan nan partamo malah kabanyo datang dari Kurinci. Kajadian ko jauah sabalun Gerakan Paderi dimulai di Minangkabau. Mungkin Mak Ngah dapek mancari babarapo tulisan J. Khatiritamby-Wells mengenai Bengkulu dan sekitarnya, misalnya dalam artikelnya: "A survey of the effects of British influence on indigeneous authority in Southwest Sumatra (1685-1824)", Bijdragen tot de Taal-, Land- en Volkenkunde 129.2&3 (1973): 239-68; (lihat www.kitlv.nl) "The origin of the term Padri: some historical evindence", Indonesia Circle 41 (1986): 3-9. Soal SI Lena, ambo ralat saketek: tanyato nan kawin jo inyo bukan William Marsden, tapi adiaknyo John Marsden. Duo kakak baradiak tu memang pernah tingga di Bengkulu. Artikel Kratz ambo kiro ado online. Cubo Mak Ngah ketik INDONESIA AND THE MALAY WORLD di Mak Google. Ambo yakin ado. Kratz indak tampaknyo indak dapek menelusuri duo urang anak Si Lena nan pai jo ayahnyo ko ka nugarinyo (Inggirih). Kok dapek ditelusuri baa ka rancaknyo. Nan jaleh iyo lah lamo urang awak mambako ka urang Inggirih, sajak abaik ka-18 lai. Sakitu dulu kaba dari ambo, Mak Ngah sarato dunsanak di lapau. Wassalam, Suryadi
--- Pada Sel, 21/7/09, sjamsir_sjarif <[email protected]> menulis: Dari: sjamsir_sjarif <[email protected]> Judul: Bls: [...@ntau-net] Re: PULANG POKOK -- Kisah Rangkayo Lena Kepada: [email protected] Tanggal: Selasa, 21 Juli, 2009, 3:10 AM Maa Angku Dt. Marah Bangso jo Angku Suryadi, Wakatu ambo naiak Koan Maru dari Taluak Bayua ka Tanjuang Pariuak tahun 1956 kapa tu memang baranti di lua Bangkahulu dan di lua Krue. Takana di ambo wakatu itu mancaliak gerhana bulan partamu kali duduak di dek di malam-malam mandakeki Bangkahulu. Ado duo tnyo ambo: 1. "Tapak Paderi" ko baa lo asanyo? Apokoh ado hubuangnnyo jo Parang Paderi nan di awak (di utara) ataukah itu jajak, tapak, atau rekaman batu tapak saurang paderi (Pandeta) lokal nan mungkin dianggap kiramat atau punyo carito ganjia di Bangkahulu? 2. Satantangan kisah Rangkayo Lena jo Bagindo William Marsden Datuak Putiah iyo agak baru di ambo. Apokoh sumber lain atau tulisan angku Kratz, E. Ulrich. 2006. "Like a fish grasping for water: the letters of a temporary spouse from Bengkulu", Indonesia and The Malay World Vol. 34, No. 100 (November 2006): 247-80. lah ado online nan dapek kito talusua? Kok ado tolong barikan linknyo. Apokoh katurunan kaduo anak padusi nan dibawo ka Anggarai tu lai dapek ditalusua anak-pinaknyo dek Angku Ulrich? Anak-aqnak mareka kalau manuruik adaik Awak kan anak Urang Minang juo tu kan? Baa pulo anak nan saurang lai nan laki-laki tu, lai koh silsilahnyo dek Rangkayo Lena di Bangkahulu? Awak tahu Marseden sabagai panulih Sejarah sajo, tapi dengan carito ko tabukak carito roman budaya nan pasti jadi bahan sejarah sandiri dan mungkin manjadi novel nan jauah akan labiah populer dari buku Sejarah Marsden itu sandiri. Sadangkan surek-surek gadih Kartini sajo lah manjadi bahan bacoan crito santiang, apolai roman sejarah nan batua-batua tajadi ko... Kalau dalam tahun 1780an, saurang Padusi Minang lah pandai manullih baco mambuek Surek ka suaminyo di Aggarai (Nagari Inggirih) tu, Rangkayo Lena ko dapek kito junjuang saqbagai tokoh sejarah wanita labiah tinggi dari Kartini lai, dicaliak dari maso wakatunyo nan jauah labih dulu duo abad dari Kartini nan baru pandai manulih kareseh peseh... Kok diagak-agaki, Rangkayo Lena nan baranak ketek batigo ko, mungkin masih di bawah umua 25-30 tahun, padusi mudo rancak bintang Bangkahulu asa Minang.. Sayang ditinggakan suaminyo baitu sajo, jatuah badarai aia mato... Alangkah indahnyo Bangkahuolu wakatu itu. Salam, --MakNgah Sjamsir Sjarif Bersenang-senang di Yahoo! Messenger dengan semua teman. Tambahkan mereka dari email atau jaringan sosial Anda sekarang! http://id.messenger.yahoo.com/invite/ --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
