Mak Ngah di Santa Kuruih,
KO nan lah talalah ambo cuboi manggoreng pisang rajo ko, mangko badaruak, iyo harus dimakan kutiko masih angek2 tun. Dek mamakai tapuang gandum. Tapi kok nak mamakai tapuang bareh, iyo badantang kareh no. Kalo maso kini ko alah ado tapuang khusus untuak manggoreang pisang ko. Tapi dek ambo masih ambo pakai juo caro lamo, yaitu pakai tapuang tarigu (gandum campua tapuang bareh 50 : 50 ) Sasudah tu baagiah aia kapua siriah, garam jo gulo saketek. Untuak labiah sapuak, sabalun dikalincoan jo aia, ambo agiah mentega saketek dikalincoan baru diagiah aia. Lamaknyo kalo Pisang rajonyo sadang elok pas masaknyo, indak takalek-kalek laih. Sadang elok rancak bantuaknyo jo kulik no nan agak taba kutiko digoreang. Mantun se noh Mak Ngah, tapi kok adoh nan lain manambahan, tantu batambah juo ilimu wak ko. Di Batam ko ado PIsang nan saroman pisang rajo ko, tapi labiah ketek trus indak adoh raso kalek2nyo doh. Ndak tantu namono doh, jarang adohnyo. Pas ambo tanyo ka toke pisang tampek ambo acok mambali, keceknyo diantakan urang kabun dari pulau. Dikecekkan pisang lilin indak pulo doh. Bantuaknyo antaro duo tun. Tapi di batam ko daerah Baloi namonyo, ado Goreng pisang baloi nan terkenal bana, jo alah lamo badiri, mereka ko pakai daun bawang campuran tapuang kulik goreangnyo, lamak pulo. Sayangnyo ado isu miriang nan dihambuihan urang kalo lakunyo galeh urang tun dek inyo mamintak ka GUnuang Kawi. Hadoh2 sen. Trus ado lo nan di taburi coklat atau keju paruik diatehnyo. Jadi lebih cantik tampilan pisang goreang no. Kalo untuak baa supayo gorengan kito indak baminyak bana, bisa jo caro penanganannyo. Kalo nak manggoreang indak taminyak bana, angeknyo minyak musti angek. Kecek Mama kalo dimasuakkan ikan, balase bunyi noh, indak hanok2 sen no doh.. hehe.. Kutiko mambaliakkan goreanganpun ukatunyo harus pas goreang nan sabalah ka bawah samparono masak no. Sudah tun baru dibaliak sakali. Indak buliah baulang2 mambaliak an no doh. Ciek laih, manggoreang ko minyak no harus taranang nan digoreang, kok indak inyo maisok minyak. Mungkin nan labiah rancak cando urang manggoreang ayam KFC nan sabana dirandaman ayam tun jo kawek. Pasca manggoreang, lansuang ditapihan minyak no, kalo bisa diagiah karateh nan bisa maisok minyak. Pas dihidangan bisa juo dialehan jo karateh nan baru. Ambo raso iko bisa maminimalkan minyak nan takanduang di goreangan awak. Baa du Uni2 ? tambahanlah atau pelok ilah kalo ado nan kurang. Kalo Rina biaso no rina lilik jo tisu trus diracik jo tangan, sampai indak babantuaknyo laih. Tapi minyaknyo pindah ka tisu, baru bamakan. Taraja mode tu dek sisuak sambuah jirawek hehe.. :-) Salamaik week end.................. Wassalam Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
