Wakatu pulang bahari rayo kapatangko, dek ambo marupokan hari nan agak lua
biaso dari rayo nan sudah-sudah. Hampia satiok hari rayo ambo pulang ka
kampuang nan harinyo selalu cerah sarupo awak nan sadang bagambira manyambuk
hari nan fitrah. Tapi ari rayo patangko baitu katik naiak mimbar turun hujan
ranyai nan cukuik manggangu konsentrasi jamaah untuak mandanga katubah. Isi
katubahnya indak padek bana do, tapi cukuk maluluahkan hati awak nan
mandanganyo, topiknyo yaitu tantang nasib anak yatim dan du'afa wakatu hari
rayo nan kiniko. Dek lamak katik mambaokan katubahnyo, indak taraso hujan rinai
nan manitiak diateh kapalo, karano para jamaah banyak nan manangih dek mandanga
isi katubah sang katik, ambo sendiri antah bara kali ma apuh aie mato dek
terharu, baa dek baitu, ambo sendiri marasokan baa rasonyo indak punyo rang
gaek dari ketek, si katik juo mancaritokan "cobo jamaah bayangkan baa ratok
anak yatim, samantaro awak pulang dari siko siko lai
dinanti dek katupek jo lomang tapai, tapi baa anak-anak kouto nan iduik di
panti asuhan nan hanyo di urus dek ibu asuh" dek lomak katik mambaokan, hujan
ranyai nan batambah labek indak taraso lah manjadi hujan, sainggo lah banyak
jamaah nan basah kuyuk, nan ambo sendiri baunduang-unduang jo lapiak
sumbayang. Baitu katik salasai bakatubah hujan juo sato baranti, seolah-olah
ikuk pulo terharu dek mandanga katubah katik nan maluluahkan hati para jamaah.
Salam
Edi Has Dt Basa N.H
asa Aie Tobik, Payokumbuah
l, 57 th
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, kirim email kosong ke: [email protected]
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
