Hari rayo di kampuang.Sero deh..
Dek ado libur 3 hari jadi juolah pulang bahari rayo di kampuang. Barangkek hari
sabtu sore sampai di Padang alon magrib, naiak taxi tarif 250 ribu dianta
sampai muko rumah Gadang di Sungai Tanang. Senangnya...... di rumah gadang lah
hadir sebagian dari uni adiak jo kamanakan. Riuh rendahlah rumah gadang dek
kamanakan nan ketek ketek bagadencak lari kian kamari, nan induak induak riuh
rendah maota dari carito nostalgia sampai masalah politik jo celeberiti. Lokasi
carito bapindah pindah dari dapau nan lawek, pindah karumah dan labiah laweh
lanjut ka biliak kadang kadang. Suaro basauik sauitan jo bahasa gado gado, ado
medan ado jakarta ado minang ala padang jo totok sungai tanang no.
Pagi rami rami sumbayang ka musajik di Sungai Tanang Gadang, musajik satangah
jadi dek korban gampo dulu tu... agak heran baa manko dibangun musajik full
tembok (pasti rawan hancua kok gempa lagi) dengan rancang bangun gaya benteng
yunani. Gaya musajik musajik baru kini agaknyo samo saupo itu, di Sungai Tanang
Ketek juo sarupo musajik full tembok jo janjang jannjang akiabaiknyo nan gaek
gaek susah kok ka musajik den remautiknyo. Ambo caliak gayo samo juo ado di
Kampuang pak Agus Salim.
Sudah tu acara makan basamo katupek jo makanan kebangsaan turunan Pak Syahrudin
+ Dian yaitu sarikayo talua. Dianta senag hati tapaciak juo ai mato takana abak
amak nan alah lamo pai ka alam lain. Sudah tu karumah rumah sanak sudaro,
dengan persiapan paruik mesti muek jo jadwal makan indak siak. Bialah nan
paralu sanag dulu rencana makan seketek saketek se tapi batambuah taruih dek
lamak bana ... sampai malam. Malam bakumpuak jo kawan lamo samaso SMP dulu,
baota seru minus Ipah nan indak pulang hari rayo ko.
Hari kaduo tambah heboh dek jumlah 8 badunsanak plus anak anaknyo lah langkok
takumpua ( kami 12 bersaudara, 8 padusi, 4 laki-laki) dek nan 3 laki-laki indak
pulang baebeh.... Pagi makan basamo dek giliran maundang makan, siang ondoh
poroh ka cinkariang karumah bako jo induak bako, heboh samapai sore dek indak
ciek rumah nan dinaikkan plus acara cepak cepong. Iyo lamak makan di rumah bako
indak barubah sajak ketek samapi lah tuo kini ko. Nan manambah sanang hati
sempat mancaliak lingkungan Sungai Tanang nan porak poranda dek gampo 2 tahun
lalau, kini lah tagak rumah rumah baru nan tambah rancak, indak paralu manunggu
pamarentah doh.
Hari salasa, disempatkan bapoto poto 8 bersaudara ado nan lucu lucu ado pulo
nan serius ado jou jo sado alahnyo ramiiii banget. Sudah tu ondoh poroh ka
BukikTinggi makan pecal sikai, makan 25 urang kalau pitih hanya 236 ribu,
sudahlah lamak murah bangeeettt. Hari rabu siap siap ka SOLOK ka rumah uni
nanpaliang tua di jalan tantulah macet bana, untuang lewat dari koto baru ado
makanan lamak jaguang thailan buliah abuih jo panggang di tebar jo keju, susu
atau nan agak padeh manih.. hampia 3 jam baru sampai di solok paruik litak bana
cepang cepong jadi seru.....Lanjuik jalan ka Padang sampai lah malam sempat
singgak di es durian ganti nan lamo nan disubarang ado restoran sarupo namonyo
iko gantinyo ... makan ba limo baleh untuak es durian jo macam macam tambahan
ado sate padang, ado empek ado minta mitau ado pulo nan mamiliah gado-gado..
untuak makan sakanyang jo sarami tu kalua pitih hanyaaaa 363 ribu, mantap
bukan.....
Akhirnya kamis pagi baliak ka Jakarta jam sabaleh karajo baliak... dek sibuk
sampai lupo makan siang, jam 5 sore baru karajo salasai dan pulang jo litak
paruik jo latiah badan dek alun ado siapo siapo bukak lemari hanya ada noodle
cup , jadilah litak diumpan jo mie instan sajo.... alahmak.... tabayang nan di
kampuan pasti sadang lanjut bersenang senangnya... begini nasib PNS tuh.....
kapan liburan lagi yahhhhhhhhh, mo pulang ah.
wassalam
_________________________________________________________________
Join the Fantasy Football club and win cash prizes here!
http://fantasyfootball.id.msn.com
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, kirim email kosong ke: [email protected]
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
