" Kok dipakai ungkapan lamo, alah sobok mah nasib nagari awak ko: "BATUKA BARUAK JO CIGAK, TAIMBUAH SIKUA KARO". Sanak JEPE, tolong aratian dek Sanak untuak urang lapau arati ungkapan urang tuo2 kito ko."
Sanak Suryadi He he ambo pulo nan dapek tugas manjalehkannyo, urang dilapau lah tahu tu mah apo aratinyo iko lah nbahaso sahari2 di ranah minang baa kecek sanak tamasual sosiolinguistik awak,tapi bia lah kok taragak juo versi ambo manjalehkan Partamo kali ambo tahu jo ungkapan "batuka baruak jo cigak" itu wakatu ambo masih ketek2 mandanga lagu seorang seniman pencipta lagu Minang nan kuek dari segi lirik dan juo dari segi harmoni lagi yaitu SATAYU Ambo pernah tulih dulu di RN dan ambo lewakan lagunyo bajudul "Kabau Padati" Intinyo dalam lagu tu bacarito tantang nasib seseorang nan lah bausaho bakarajo kareh dan ingin mangubah nasib karah nan labiah elok diibaraikan di lagu ko jo Kabau Dikampuang karajo maelo bajak, lah abih badan kanai palacuik, tapi tetap bajuang untuak hiduik nan hasilnyo hanyo lapeh makan sahari2, indak talok iduik dikampuang mambajak sawah dicubo pai marantau "kabau" ko Yo sadiah dan ibo hati dek lagu ko, ndak tahunyo tibo dirantau karajo barek juo yaitu maelo padati, lah malaleh pungguang dek pasangan nan dapek co itu juo hanyo untuak iduik sahari2 palapeh makan juo batanyo kabau ko dek lah sadiah bana iduik dirantau maelo padati "jauh lai parantian" yo kok dihayati bana "roh" lagu ko amuah jatuah aia mato kadalam ambo deknyo Dikampuang mambajak sawah pai marantau maelo padati, iduang ndak lapeh dari tali dan badan ndak lapeh kanai palacuik Iko diibaratkan di lirik lagu ko "BATUKA BARUAK CO CIGAK" Yo artinyo samo sajo disinan juo gandang babunyi Kok bahaso sundanyo nan ambo tahu "eta eta keneh" kalau bahasa jawanyo mungkin "podo wae" Nah kalau tambahan sanak Taimbuhi saikua Karo ha ha ha iko ndak do lai hanyo bonus ketek sajo, bisa juo dalam konteks negara awak kini nan sanak caritokan lah tagadai awak ko mah disangko ka balabo ndak tahunyo pulang pokok sajo (kalau di dagang atau itungan bisnis sesungguhnya pulang pokok ini adalah RUGI) kok lai panyanang hati kanai umbuak kito dek negara lain jo saikua Karo, ndak labiah ndak kurang itu itu juo, samo sajo, panukuaknyo masih kelas primata juo alias famili monyet juo, nan diharok baimbuahinyo nan lai ka baruntungan saikua jawi, kudo atau kabau nah tu baru badagok, lai barubah nasib negara awak mah Tapi nan tabedo sanak kok lai imbuah nyo saikua karo dek awak urang timur dalam barugi mangecek Untuang juo Jadi masih untuang ndak diimbuahi batuka baruak jo cigak ko jo sabuah pisang manih sagadang ampu jari :) O yai.yai yo lah pansan nagari awak ko sanak Itu dek ambonyo sanak Kok ado nan mampaleba atau mampasampik penjelasan ambo yo silahkan sajo Wass-Jepe Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe
