ambo sato lo ga sa-angin lai manambah kacio wak untuak bahaso awak ko, iko ambo ambiak dari malewa-lewa wakutu ketek dulu, istilah e pamainan wakatu ketek : - Cimancik : Baso lua e petak umpet, surang nan "jadi" nan lain manyuruak, nyo pakok mato, tu nyo etong sampai 10, alah hilang sadoe baru nyo cari, ba a mako cimancik, kalo nan ambo dapek versi dari kampuang, kalau manyuruak gak tasenggeang saketek tu pasti dapek, nan tasenggeang ko takah macik manyuruak tingga ikua e, a tu mako e dinamoan cimancik, antah iyo ntah indak, a ndak tau lo ambo do. - Patok lele : A iko main e agak tinggi setelan e stek, maetong main e, pola ituangannya pakai interval nan tambah lamo tambah maningkek untuak tiok sesi nyo, pakai 2 tim samo banyak, pakakeh e kayu panjang _+_ 80 senti samo panjang _+_ 10 cm, untuak aturan main e, a yo panjang cito e mah, kok ka di lomba an di PON lai masuak jo tu mah...he...he... - Kampa/Kampar/Genggong : A ko main e pakai batu, bisa tim, bisa lo individual, dicari batu nan tipih/pipih untuak dijadian "gundu", beko batu kawan nan lain disusun di garih, tu batu tu di kapik an di salo tulang kariang jo kaki, a tu di bae manengkak-nengkak manjalang batu kawan tu, sudah tu "PAKK!!!", kalau badaso kanai e a yo baraso....kalau ndak kanai bisa gai talayang kanai kaco nako rumah urang, lah batuka bunyi e jadi "PARR!!...OI SIA TU!!...BAPANGAAN KACO den!!...@#&A"....ha...ha.... - Semba Lakon : a nan maen ko biaso e wakatu bulan puaso bagi nan ndak sumbayang tarawiah (he..he..!!), iko main tim lo, paralu banyak urang disiko, tim dibagi paliang kurang 10-10 urang, kalo tambah rami tambah sero, nan ciri khasnyo kain saruang ndak lupo di salempangan, sanda japang (merek e dulu duo e swallow samo boling kalo ndak salah, ntah ba a lo namo e sanda japang...ha...ha...) lah batuka tampek e di tangan, nan ciek kalompok batahan ciek kalompok mangaja, sia nan tatangkok masuak ka kalompok nan manangkok, kalah e sampai abih ciek kalompok, kalau iko nan sero nyo, area batandiang e indak tabatas buliah sampai ka kampuang urang bagai, nan ndak sero e, dek lamo bana main dek lah malam bana nan karean ko nyo bae pulang lah lamak lalok bakaruah di rumah, nan urang lah paniang mancari e...a yo lah ampun...
a...iko sagetek dari ambo kok ado nan lain mungkin bisa lo sakalian banostalgia, mungkin salah satu nan manang urang minang ko yo caro pergaulannyo dari ketek-ketek, kan ado istilah e "kawan samo main wakatu ketek mah"...nan kini, lah mulai masuak nan taknologi mulai dari nan namoe Gimbot (Game Watch), Nintedo, PS, PS2, PS3 ntah sampai PS bara....nan kawan samo gadang subalah rumah kadang ndak bakatuan bagai do, lah sibuk sae jo PS masiang-masiang, kalau dulu sampai ka kampuang urang gai pai main ko...kadang sampai bacakak kampuang (porsi anak ketek) bagai gara-gara main ko....tapi siap tu lah acok sae bamain-main ka kampuang urang tu.....a baitu lah dulu mamak2 ambo nan di palanta ko.... mudah-mudahan bermanfaat. wassalam, HK */ /**//* -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe
