Sudah makan Pisang Panggang jo Cereal pagi cako MakNgah pai ka Gym untuak bootcamp, maangkek-angkek basi ketek, sarato malonjak-lonjak jo main tali (jump rope) sajam panuah. Dicaliak counter jump ropenyo tanyato Makngah lah mahambua-hambua main talii tu sabanyak 381 kali. Tacangang juo MakNgah bapacu-pacu bapaluah-paluah jo Rang Mudo-mudo nan sehat-sehat dan rancak-rancak badannyo.
Kini sudah sumbayang luhua, istirahat karajo, tampak lo Durian di pintu bulakang nan dibali barapo hari nan lalu. Dibukak saruang, dikaruak isino. Katu mahampai manggigikno, malayang lo pangana jauah ka Pantai Minang, ka suatu pulau di muko Taluak Aia Bangih. Pulau Panjang , terkenal dengan "Durian Kaambuik"nyo karano sagadang-gadang kambuik. Inceknyo ketek, dagiangnyo taba, kok digigik iyo tabanam sampai ka urek gigi ... :) Takana lo pantun Rang Pulau Panjang maso saisuak satangah abad nan lalu: Pulau Panjang tadorong panjang indak dapek barumah lai. Kasiah sayang tadorong sayang indak dapek barubah lai ... Dek tasabui kato "kambuik" ko takana lo pantun garah Uda Gadang ciek: Bukan doh kambuik daun pandan, mansiro buek ka kampia. Bukan doh kantuik hawo badan, ikua tu bana nan badikia ... :) Salam, --MakNgah Sjamsir Sjarif --- In [email protected], "sjamsir_sjarif" <hamboc...@...> wrote: > > Renny, > > Mungkin namo-namo pisang ado babeda-beda. Nan maa nan "pisang buai"? > > MakNgah baru breakfast jo Pisang Panggang. Pisang panggang ko lah manjadi tradisi lo dek Makangah sajak ketek. Ayah suko bana makan pisang panggang ko pagi-pagi. Pisangnyo Pisang Gadang namonyo di kami di Bukittinggi, pisang nan biaso dikatangahkan untuak minun kawa, ka ubek padeh, atau parabuang katu barelek. > > Pisang panggang MakNgah ko indak paralu diagieh madu doh. Karano aia pisang panggang tu sandiri lah manih bana dan unik rasonyo. > > Kalau saisuak ayah mamanggang pisang di tungku, Kini MakNgah pakai Toaster Oven. Duo buah pisang gadang tu dialeh jo foil. Foilnyo ditinggikan kuliliang supayo aia pisang tu indak tatumpah wakatu dipanggang (bake atau broil). Pisang tu dibake sampai iyo bana agak tapanggang kuliknyo, sahinggo aianyo mailia. Aia tu ditampuang elok-elok ka cambuang, ditambah jo santan karambia mudo. Sudah tu pisang baka tu dibukak jo sendok, dimasuakkan ka dalam cambuang tu. Ondeeh, cubolah, sabona lomak manih. Makngah tambah lo jo cereal, langkoklah breakfasnyo jo kopi pulo. > > Salam, > --MakNgah > Sjamsir Sjarif > > --- In [email protected], Reni Sisri Yanti resy_2000@ wrote: > > > > da jepe kato pepatah kalo ndak salah > > apo sajo makanan bisa dibali > > kalau selera? sia yg bisa bali > > kalo soal makanan, kesukaan,keinginan tak usahlah ragu2... > > walaupun lamak cuma sampai kerongkongan tp mandarah dagiang itu yg pasti heheheh > > > > pisang buai di paggang di tambah madu atau santan...sajou di parui... > > > > > > renny,ancol > > www.renisy.blogspot.com -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
