Ondeh mak Ngah Baurak puro kenangan, jo pulau panjang pulau cangkeh, bahampia jo gosong sati, gosong Tuanku Rao urang imbauan. Jikok lalu kapa siantaronyo, alamaik indak ka babaliak pulang. Disinan Tuanku Rao bakubua, mati ditembak mariam ulando. Kok pulau panjang ka di baco, panah urang kayo se pauninyo, mamijak biji cangkeh jalannyo. Kok bagurau urang ko di pasa Aia Bangih, nan taloncek tanyo "Bara ikua baruak ang nan naiak hari nangko", jiko di kadai nasi, jo limun inyo cuci tangan (bir haram). Baitu bana kayo urang. Tapi tuhan datang ma agiah peringatan, mati gadih cangkeh-cangkeh ko, ma nan siso nyo kirim Tomi jo BPPCnyo, jatuah tahampeh kasadonyo.
Sa hampia jo Pulau Panjang, manyalek si Kabau, datuak pancang panguasonyo. Dari lawik baliau datang, tasakek kapa di ateh bukik. Jikok mak ngah pai kasinan babarapo tahun nan lalu, bakapa kito dari pasa Aia Bangih. Ndak lamo riak dititi, datang manyambuik muaronyo, baserak cemara udang, salo manyalo jo karambia gadiang. Jikok malam alah tibo, ramilah urang di jalan kampuang, ramilah lapau dek gurau, rami subana rami. Aia bangih Kapa balayia, balayia taruih ka katiagan, sarek muatan buah palo, adiak nan manih cubolah pikia, sudah baiyo baindakkan….dehhh, tanggauanglah doso, salamonyo…. Ujuang gadiang jambatan gantuang, kawek tarantang ka subarang, tukanglah anak paninggahan, raso kaputuih hati nan jo jantuang, di dalam tangan diambiak urang, baitu bana parasaian, sansaiiiiiiiiiiiiiii Sakitu dulu Mak Ngah, bilo mak ngah terakhir ka Aia Bangih -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
