Assalamualaikum ww Niniak Mamak nan gadang basa batuah, Tuanku nan kiramat, cadiak pandai sarato rang mudo nan budiman, bundo kanduang nan panyayang , kok auih tapek mintak aie, kok litak tapek mintak nasi, sarato sakalian dunsanak nan duduak di palanta nan ambo hormati .
Lah labiah sapakan awak manyimak babagai ucapan salamat ateh alek gadang pengangkatan dunsanak kito Tifatul Sembiring manjadi TS. Dt Tumang guang Pangulu Kaum dalam suku Koto di Nagari Guguak Bukuktinggi . Alhamdulillah terlaksana dengan meriah tertib dan lancar, dihadiri banyak pejabat negara dari Jakarta, pasti manjadi kabanggaan bagi kito urang Minangkabau . Berbagai pandapek dan tiori alah dikaluakan pulo dek dunsanak kito nan tahu dan bapanglaman tantang Adat Minangkabau . Mungkin ado karaguan atau tando tanyo dihati kito di palanta ko tarutamo bagi rang mudo nan gadang dirantau, manganai adonyo parbedaan dikampung kito masing2 tantang ; Tujuan maangkek pangulu, persaratan mandirikan pangulu, tatacara baralek gadang, kepanitiaan pelaksana alek gadang, hidangan atau jamba dan mungkin ado nan lain-lain . Sadono nan diuraikan diatehtu, bisa samo dan bisa babedo badasarkan adono Adat Nan Taradat di nagari masiang2 ; Adat salingka nagari , cupak salingka batuang , lain lubuak lain ikanno , lain padang lain bilalang , diasak layua - dicbuik mati . Ditambah pulo dek kamajuan ilpengtek sarato masuakno budaya asing karanah Minang . Sabagai anggota di palanta Rantaunet, ambo ingin manyumbangkan saketek pangatahuan ambo manganai baralek gadangko nan lah ambo jalankan salamoko ! Badasarkan suwarih dan palajaran nan ditarimo, ado persaratan dan aturan nan balaku samo dalam Alam Minangkabau dan harus dipenuhi, yaitu nan tagolong dalam Adat Nan Sabana Adat dan Adat Nan Diadatkan di Minangkabau Antaro lain sbb . 1. Tajadino pangangkatan pangulu karano alasan ; mati batungkek buidi, iduik bakarilahan atau mambang kik batang tarandam . 2. Panglu harus laki-laki ( tdk perempuan ) karano Minangkabau menganut falsafah ABS SBK ( Islam ) . 3. Badiri pangulu sakato kaum , badiri sako jo pusako, gadangno karano diamba-tinggino karano dianjuang . Calon pangulu dipilih secara demokrasi dari semua laki-laki dalam satu Jurai dengan 7 syarat yg sudah diuraikan oleh dunsanak Zultan terdahulu . Kaum itu ( Jurai itu ) sudah mempunyai rumah gadang bagonjong empat atau lebih , punya harato pusako tinggi, basasok bajarami ' bapandam pakuburan ( Ulayat Kaum ) . 4. Ayam Gadang saikua salasuang , artinya dalam satu Jurai hanya boleh satu orang Pangulu . Karena struktur Suku itu : Suku ba buah Paruik, dalam Paruik ado ba Jurai, dalam Jurai ba Pariuak . Jadi Jurai itu adalah unit terkecil yg dipimpin oleh seorang pangulu berpangkat Datuk . 5. Cupak diisi, Adat dipakai, Limbago dituang , aratino sadono aturan dijalankan, utang kanagari dibaie, nan alun ado aturanno dibuek dikukuhkan dilimbagokan . Rang padang mangumpa banang , dikumpa kumpa dilipek, dilipek dalam carano. Dirantang namuah panjang, dikumpa naknyo singkek, diambiak sakiro kapaguno. Nah sahinggo iko daulu , kok khilaf ambo minta dimaafkan, kok singkek tolong diuleh, kok kurang tolonglah tukuak . Wassalam dari : Inyiak Lako . L - 74 , Suku Malayu dari Baso/Agam , tingga di DEPOK . Sent from my BlackBerry® powered by Sinyal Kuat INDOSAT -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
