Waalaikumsalam St Rumah Panjang dan dunsanak sapalanta nan ambo hormati, ambo cubo manjawab parmintaan Sutan sado nan dapek, kok kurang kito tunggu dari nan lain .
Mandirikan Rumah Gadang ( RG ) syaratnyo indak ado nan khusus, cuma kamampuan ekonomi dan jumlah warga dari Suku nan ka mambangun, sabab dilakukan sacaro bagotong royong. ( Zaman dahulu ) Badirino RG adolah sajalan dgn pengembangan pemukiman sajalan jo perkembangan ekonomi dan jumlah panduduak . Akibat bakambangnyo dan padatnyo panduduak disatu Nagari, secaro bertahap satu demi satu warga suku2 akan maninggakan kampuang pai manaruko mabukak lahan partanian di tanah Ulayat Nagari ateh izin dan pitunjuak Pangulu Suku ybs .Misano pai kakaki Gn Marapi , Gn Sago atau Singgalang . Daerah baru ko mulo2 disabuik Taratak, para patani itu terpencar tingga di gubuk2 nan disabuik Dangau Latak . Di Taratak ko alun tampak kahidupan baagamo, disiko ado galanggang silek dan Adu Ayam . Tahap barikuikno patani batambah banyak juo, dan sudah mambao kaluarga, mareka mulai mambuek tampat tingga manataok mambuek rumah ketek2 nan disabuik Rumah Tungkuih Nasi. Pamukiman ko disabuik DUSUN, alah ado Surau, sumue tampek mandi, jalan kampuang urang nan Sukuno samo lah badakek an ,di tiok2 Suku lah ado nan dituokan sabagai Tunganai . Dusun ko indak ciek sajo , ado pulo Dusun nan tumbuah ditampat lain dalam ukatu nan ampie basamaan . Tahap barikuilkno para panghuni dari babarapo Dusun dari Suku2 nan samo mulai hidup taratur saliang mambantu kok barek lah samo dipikua, kaba baiak lah baimbauan, kaba buruak samo bahambauan, partamuan2 lah acok diadokan. Sasuai jo kamampuan ekonomi masyarakat waktu itu, mako Suku2 tu mambangun RG Bagonjong Duo 3 ruang - 2 ritrik tampat barapek dan bakumpua-kumpua . Jalan nan golong lah dibangun , rumah2, sawah dan ladang alah tasusun . Wilayah pamukiman nan laweh dan kahidupan nan taratur sarupo iko dinamokan KOTO ( kota ) . Tahap barikuikno manyusun kahidupan moderen zaman itu di tiok Koto , pimpinan Suku dipiliah dgn musyawarah dan diadokan alek gadang, untuak itu, dibutuhkan RG nan bisa manampuang alek sanagari, itulah mulono urang mambangun RG bagonjong 4 atau 6 sasuai kampuan Suku nan mahuni Koto tu . Kahidupan masyarakat alah moderen bak kini, alah ado pasa nan rami, labuah nan golong, bagalanggang batapian tampek mandi, dibangun Balai dan Musajik. RG Bagonjong 4 harus mampunyoi Lumbuang padi dimukono, minimal ciek lumbuang . Iko manunjuak kan bashaso Suku pamiliak no alah sejahtera, mampu nyoi pusako tinggi . Itulah logikano, mako niniak muyang kito mansyaratkan kaum nan kamandirikan pangulu tu, alah punyo RG Bagonjong 4 atau labiah. Kaum ko mampu mambari makan dan manarimo alek satu Nagari, mamotong 1 ikuia kabau . Alek gadang madirikan Pangulu ko tajadi cuma sakali dalam 40 - 50 tahun untuak satu Suku . Tahap tarakhir mandirikan NAGARI, suatu Negara mini yang otonoom dengan persyaratan nan harus tapanuhi misano : Sudah ado 4 Suku nan mandiami babarapo Koto dengan struktur organisasi dan pimpinn yang lengkap. Kehidupan masyarakat dalam beberapa Koto tiap Suku dipimpin oleh Pangulu Pucuak mako badirilah satu NAGARI yang utuh dan sejahtera, Nagari bapaga Undang2, kampuang bapaga jo Pusako . Nagari baampek Suku, dalam Suku ba buah Paruik, dalam Paruik ado ba Jurai, dalam Juirai ba Pariuak , balabuah nan golong, ba pasa nan rami, babalai ba musajik, bagalanggang batapian tapek mandi . Itulah NAGARI nan diwarihkan untuak kito. Apakah ado nan harus kito rubah dan sasuaikan jo kaadan kini ? Pasti ado namun jan lupo ; kok nak bakisa duduak bakisa dilapiak nan sahalai, kok nak bakisa tagak bakisa di tanah nan sabingkah , Alqur'an dan Hadis , ABS-SBK dengan tolok ukur : Raso , Pareso , Alua dan Patuik . Hinggo iko lah daulu, kok lai panjang umua isuak kito sambuang pulo Kasimpulan badirino Nagari : Taratak , Dusun , Koto , Nagari . Wassalam dan maaf dari : Inyiak Lako , L - 74 , DEPOK. Sent from my BlackBerry® powered by Sinyal Kuat INDOSAT -----Original Message----- From: Adyan <[email protected]> Date: Sat, 6 Feb 2010 16:08:56 To: <[email protected]> Subject: Re: [...@ntau-net] Mandirikan Pangulu 2010/2/6 <[email protected]> > > 3. Badiri pangulu sakato kaum , badiri sako jo pusako, gadangno karano > diamba-tinggino karano dianjuang . Calon pangulu dipilih secara demokrasi > dari semua laki-laki dalam satu Jurai dengan 7 syarat yg sudah diuraikan > oleh dunsanak Zultan terdahulu . > Kaum itu ( Jurai itu ) sudah mempunyai rumah gadang bagonjong empat atau > lebih , punya harato pusako tinggi, basasok bajarami ' bapandam pakuburan ( > Ulayat Kaum ) . > Waalaikum salam, Inyiak Tarimokasih banyak ateh penjelasan dari inyiak.. Kalau buliah ambo minta toloh dijalehkan tentang syarat-syarat mendirikan rumah adat dari segi JUMLAH GONJONG rumah adat ko.. Di posting Inyiak di ateh dijalehkan bahwa kaum nan alah mampunyuo rumah gadang bagonjong empat atau labih nan dapek mandirikan pangulu. Lalu kaum nan baa nan buliah mandirikan rumah gadang bagonjong duo, bagonjong ampek, bagonjong anam. Ado pulo ambo maliek rumah gadang nan indak bagonjong. Mohon dijalehkan Nyiak. wassalam dan tarimokasih Adyan St. Rumah Panjang. (51) -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
