Rasonyo Oto APD ko lah jalan sajak tahaun 50an. Bahkan do lo lagu pantunnyo, indak takana di ambo. Takana di ambo kapnajangannyo iyo Auto Pengangkutan Darat.
Kalau di Bukittinggi, dahulu, trayek oto-oto lokal kuliliang diagiah lo tambahan merek: "Bukittinggi Pekan-pekan". Oto-oto ko mambawo urang manggaleh ka Pakan-pakan (pasa-pasa) kuliliang di daerah sekiratnyo. Tapi ado juo nan agak jauah, ka Payokumbuah, Padangpanjang, Batusangka. Urang manggaleh dari pakan-ka-pakan tu, baiak pakan nan dakek-dakek atau nan agak jauah, disabuik juo jo istilah "manggaleh babelok". Apokoh kato "sapakan" (atau kini disabuik "saminggu" aratinyo tiok hati pasa di pasa-pasa tu nan biasonyo sakali sahari pakan. Banyak pakan-pakan tu banamoi jo namo hari, Pakan Akaik, Pakan Sinayan, Pakan Silasa, Pakan Robaa, Pakan Kami, Pakan Jumaat, Pakan Satu. "Manggaleh" Caro Awak, memang dipakai juo dalam Bahaso Malayu dan Indonesia "menggalas", bukan menggelas. "Galeh" Caro Awaknyo duo aratinyo, nan partamu samo jo "badagang" cako. Kato "dagang" di siko asanyo dari "dagangan" atau "kayu pandagang" (atau dari batuang) untuak pambawo barang dagangan saroman nan masih ado tampak kini sakali-sakali "pandagang" sate. Arati kaduo, istilah "baru", galeh untuak minum, nan diadaptasi dari Bahaso Malayu, Indonesia "gelas" nan diambiak pulo dari Bahaso Asiang "glaas". "Manggaleh" atau "badagang" dalam arati bajualan ado sinonim pulo "bajaga". Kadang-kadang ado tanyo "Aa galeh kini?" atau "Aa jaga kini"? Dalam hal ko tasambunyui pulo arati umum "karajo", Aa karajo kini, atau aa ulah kini? Nah, "jaga" ko ado sinonim juo jo "barang", tantu mukasuiknyo barang dagangan. Istilah "jaga" jo "barang" ko portable pulo aratinyo dapek pulo mampunyoi arati lain... Aaa jaga kini? Indak ado, itu ka itu juo nyo... Aratinyo indak bakarajo atau indak ado parubahan. "Itu" tu punyo arati tahandok pulo saroman jaga jo barang tu ... Sakitu pangana tassintak lalo parak siang. Salam, --MakNgah --- In [email protected], dasrielno...@... wrote: > > Satau ambo oto APD nan tiok hari baranti tahun 60-an di kadai nasi Dibawa > Untung Kandang Ampek, aratinyo memang Auto Pengangkutan Darat, kecek pak > supir Mak Tuan. > > Sekadar info > Sent from my BlackBerry® > powered by Sinyal Kuat INDOSAT > > -----Original Message----- > From: Abraham Ilyas <abrahamil...@...> > Date: Sun, 21 Feb 2010 18:36:50 > To: <[email protected]> > Subject: Re: [...@ntau-net] PENGGELAS........MANGGALEH....BAJOJO... > > Pak Ramadhanil PitopangYth. > > Satantangan oto APD iko riwayatnyo di kampuang awak, alah lamo, sajak > sabalum bagolak alah ado. > Kato urang (wakatu ambo ketek), APD itu singkatan dari Auto Pengangkutan > Darat. > Nan batue, antahlah! > > Jadi kok APD itu akronim dari *Angkutan Pasisia Dagang,* tantu > *"Pasisie"*di siko mukasuiknya bukan "pesisir/daerah" dan " > *Dagang*" bukan "pedagang/dagang" yang dimaksud dalam bahasa Indonesia. > > Salam > Abraham Ilyas > www.nagari.org -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
