Ondeeh sanang ati ambo manyimak pajaalanan panjang Jo Duta babega-bega dengan variasi acara pangalaman partamauannyo jo sanak sudaro dari Pusek ka Daerah. Sasudah makan di Sambalado ka taruih ka Ateh, dan mudah-mudahan basuo pulo jo Murai di Kukuban...
Baliak ka Sambalado, takana di ambo tahun 2004 ambo dibawo sepupu ambo Hasnim Hasan ka satu Restoran nan lataknyo agak manyanngkan manyaajuakkan. Lapaunyo lapang,paaaaakai parking lot nan lapang pulo. Wakatu tu ambo ka barangkek ka Lipek Kain taruih manyusur Loge dan Muaralembu. [(Angku Elthaf jo Angku Taufiq kenal jo Hasnim Hasan dan anaknyo Basir pemilik Pustaka Bayu [?]). Susuanan hidangan lapau tu ado tigo macam. Ciek Palanta saroman di Lapau awak di Kampuang awak duduak baselo. Nan kaduo Palanta dengan menja-meja ketek randah ala Japang tampaknyo, awak dapek makan duduak baselo dengan meja satinggi dado tu. Nan katigo meja-meja hidangan biaso sroman kabanyakan di restoran-restoran. Makanannyo lamak-lamak, hidangannyo memuaskan, udaro sajuak manyamankan. Ambo lupo apo lah namo Lapau tu. Mungkin Angku Jepe jo Angku Elthaf tahu namo Lapau tu yo? Satantangan rekomendasi Angku Jepe "lapeh kuok dari pakan manjalang rantau barangin ado rumah makan urang kampar sabalah kida , pondoknyo agak tatinggi dari jalan"dan deskripsi makanannyo iyo manjejeh pulo aia liua MakNgah.Kok ado langkah disamopaikan Tuhan nanti ingin pulo awak singgah. Kok buliah ambo batanyo apo namonyo Kadai tu? Sakaitulah dahulu. Salamat manaruihkan jelajah Jo Duta baduo bakasiah sayang jo Rankayo, saroman Ayam Putiah tbang siang, kama tabang kama tampak. Mudah-mudahan awak dapek lo baliak basuo antah dima ... Salam, -- MakNgah Sjamsir Sjarif Di TapiRiak nan Badabua Santa Cruz, California --- In [email protected], jupardi...@... wrote: > > Mamanda Duta > > Ola la la..lah malapehkan salero jo samba_samba buruak mamanda Duta jo klga > dima tu..rumah makan rang piaman ko > > Tapi kok mamanda batanyo ka ambo dima makan siang nan lamak nan khas masakan > urang kampar jo iikan2 sungai nan segar apolai jo travel cateran nan bisa > awak atur > > Ambo merekomendasikan lapeh kuok dari pakan manjalang rantau barangin ado > rumah makan urang kampar sabalah kida , pondoknyo agak tatinggi dari jalan > > Disiko sambanyo baru2 dan ikan masih segar > > Ado asam padeh baung, udang sungai, ikan ketek2 nan mamanda kecek tu namonyo > pantau, sapiriang ketek ndak sadang di kudok doh, asam padeh talua ikan > bungkuih daun kunyik, ayam goreang kampuang babumbu, samba lado mantah > babawang jo perasan aia asam kapeh > > Lalu lalapan timun jo patai matah, ado karupuak jariang nan tipih berderuk > > Goreng balado ikan baungnyo sabana gurih dagiangnyo > > Baitu asam padeh khas urang kampar..kuah encer2 atau jalang sajo tapi segar > divariasikan makannyo jo samba lado giliang matah tadi > > Kok barasaki dapek kapalo baung nan gadang ndak lai mamanda, disigi , diisok2 > kapalo ko sampai tingga tangkurak baung ko sajo > > Tapi ndak baa do masih banyak mamanda jo klga ado kelapangan waktu di ranah > untuak menjelajahi kuliner pusako minang tanpa batas dan kaya variasi > > Mungkin mamanda lah sampai di ranah kini, salamaik basuo jo sanak sodara di > kampuang malapeh taragak > > Wass-Jepe > Sent from my BlackBerry® smartphone from Sinyal Bagus XL, Nyambung > Teruuusss...! > > -----Original Message----- > From: ajod...@... > Date: Thu, 25 Feb 2010 06:51:20 > To: Rantau<[email protected]> > Subject: [...@ntau-net] Sambalado > > Dalam perjalanan pulkam dari Pakan Baru, batanyo kami ka supir travel dimana > resto nan lamak. Dibaolah kami ka resto Sambalado ditapi kota. > > Walau waktu makan siang alun sampai, dek takuik indak dapek resto nan dihati > ditangah jalan, maka ditalakik-an juo manjajal resto serba ikan milik rang > Piaman tu. > > Ado duo versi makanan disiko yaitu nan dihidang jo nan dipesan. Ado berbagai > ikan nan bisa dipesan seperti Patin, Nila, Baung, Krapu. Pilihan jatuh ka > Baung digulai sampadeh dan Krapu di panggang. Samantaro nan dipesan dalam > proses nan dihidang alah mendarat dimeja. Nampak ikan ketek semacam bilih. > Pak supir bilang itu ikan Pantau. Digoreng garing iyo renyah. Ado pulo gulai > jariang dirancah jo ikan teri. Potato Chip dirancah ikan teri balado cukup > menarik pulo. Anyang iyo lansung diserbu nyonya. Samantaro pucuk prancis iyo > ditahan dulu dek masin pangetes asam urat menunjukkan angko 8+. Indak lamo > mananti kalua pesanan gulai sampadeh Bauang. Iyo manyuss gulai ikan sungai. > Dagingnyo mirip ikan lele tapi seratnyo labiah aluih. Indak lamo bana iyo > capek licin piriang nan tahidang, samantaro Krapu panggang alun jo kalua lai. > Akhirnyo memang ikan lauik tu cuma dikudok sajo. Namun instink Piaman > mengisyaratkan ikan Krapu itu kurang baru. Tapi dek bumbu nan lamak ditingkah > jo sambalado ijau tidak segar ikan itu iyo tatutuik. > > Salasai cepak cepong ditutuik jo cuci muluik papaya susu tabayia kami lk $25. > Tantu indak maha bana jo ukuran Amrik makan 4 urang. > > Dalam perjalanan si Apuak mananyokan apo alah cubo goreng naneh jo goreng > cubadak. > Serantak induak induak berteriak "Alun, mari kito bali". Iyo memang aneh > makan naneh jo cubadak goreng. > > (Tulisan wisata kuliner ko tantu indak sarancak kalau Jepe nan manulih) > > Ajoduta > (Diateh Innova carter perjalanan Pekan Baru - Padang) > Powered by Telkomsel BlackBerry® -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
