Lah MakNgah paratikan tip Renni, lah diapa-apa dikana-kana tambah lo jo variasi Angku Jepe, indak digoreng tapi diapik-panggang.
Nan agak tabedo, nan iyobana hampia tacoroh lo iduang MakNgah mambaco nan sabarih ko: > Harum asoknyo yo luar biasa ndak rarak lai bulu iduang..jo iduang2 raso > katangga :-) Ibo awak kok iduang tangga tu jatuah ka sapik dendeng ... indak paralu diagiah garam lai doh karano ... lah asin salemo sajak samulo sabalun tangga ... dan tambah tip jan sampai ditokok pulo, lacaknyo biko ... Alaa iyo ado-ado se nan ka dipateaan MakNgah mah ... dendeng iduang ... :) Kan lai takana carito asli MakNgah sari. Gulai cancang di Lapau Randah nan satu kali tacampua jo jari takuduang kan? Indak ado urang nan tahu doh, kacuali kudian nan punyo jari takuduang tu mancaritoan parasaiannyo ka MakNgah. Salam, --MakNgah --- In [email protected], jupardi...@... wrote: > > Makasih Rin tipnyo > > Yo ampia samolah, tapi kalau dek Uda dendeng atau dagiang nan lah dibumbui > nan Reni lewakan ko, labiah harum di baka saruman awak mambaka ikan > > Diapik dagiang ko, sambia dibaka di lepoh-lepohkan minyak tanak..satangah > matang ditokok jo batu lado lalu diapik dan dibaka baliak sasuai salero > samisal agak anguih2 tangguang > > Harum asoknyo yo luar biasa ndak rarak lai bulu iduang..jo iduang2 raso > katangga :-) > > Memang banyak varian dendeng batokok ko, ado gai bumbu (saos) nan Reni > lewakan ko bapacikan pulo pati santan nan lah dimasak saketek > > Tapi manuruik uda nan dendeng batokok asli yo di baka bukan di goreng saruman > nan dicaritokan Andiko tu memang sajak dulu terkenal RM di Aia Sirah tu, kok > malongok awak ka dapuanyo dendeng nan lah babumbu ko tagantuang > basangai-sangai diateh tunggu/baro api tampek mamasak di dapuanyo > > Salam Kuliner > Jepe > > Sent from my BlackBerry® smartphone from Sinyal Bagus XL, Nyambung > Teruuusss...! > > -----Original Message----- > From: reni sisri yanti <resy_2...@...> > Date: Tue, 23 Mar 2010 00:06:29 > To: <[email protected]> > Subject: Re: Bls: [...@ntau-net] Seri Dendang Kuliner XII : Dendeng Batokok > RM > Mintuo > > da jepe > kalau dek reni, namonyo dendeng baracik, > dagiang dendeng ko di lumuri pakai merica bubuak, garam lalu diaman > sabanta, satalah itu gorieang tu dendeng, satalah dendeng salasai, > siapkan aie limau,minyak tanak,bawang merah yg diirih,lado mudo jo > merah yg diirih,jo tomat mudo yg diirih pulo,siram ka dendeng tu, siap > dimakan jo nasi angek, > > kalau ndak ado minyak tanak, bisa diganti jo minyak zaitun, cubolah > > renny.ancol > www.renisy.blogspot.com > > On 3/21/10, jupardi andi <jupardi...@...> wrote: > > Andiko, Mak Ngah dan dunsanak Palanta RN > > > > Di Pakan ko lai juo ado dendeng batokok urang lintau nan padiah > > juo, tokok2 sayang tu ratak-ratak raso ka putuih, anguih tangguang > > dibaka disinan raso bamain balepoh minyak tanak diirih lado ijau jo > > bawang (Bundo pernah batanyo ka ambo..lah lupo liau dima lapau ko, di > > Jl Jati-Harapan Raya dakek rumah ambo Bundo) nasi ramas bungkuih si > > daun...pisang nan mambuek harum > > > > langkok2 kawan sidendeng balado ko ado : > > samba > > lado tanak bakuah encer jo bada, > > gulai rabuang jo cubadak masakan cancang co dagiang galeme2 (tetelan), > > uok pucuak > > ubi jo patai, > > acar timun jo naneh, > > samba lado ijau diserakan karupuak > > baguak nan badarai... > > raso ndak sadang nasi dibungkuih , tibo dirumah > > disanduak juo nasi angek agak sasendok untuak panukuak makan baduo jo > > induak bareh taraso pas jo galimang samba nan ado diramas tu, makan > > sabungkuih baduo kanyangnyo sadang elok dek ambo, nan induak bareh > > makan saketek taraso pas dek inyo (keceknyo diet..tapi bajadi juo > > suoknyo dek ditingkah samba lado tanak, nan patai abuih 5 incek jaan > > digaduah jatah ambo bana mah :).. > > > > bilo ka Pakan kito pai makan ka > > sinanbia ndak di cubo lo kalapau nan bamerek "RM DENDENG BATOKOK' nan punyo > > Urang Lintau > > ahaa..hidup kuliner Urang Lintau > > > > Wass_Jepe > > ________________________________ > > Dari: sjamsir_sjarif <hamboc...@...> > > Kepada: [email protected] > > Terkirim: Sab, 20 Maret, 2010 22:43:40 > > Judul: Re: [...@ntau-net] Seri Dendang Kuliner XII : Dendeng Batokok RM > > Mintuo > > > > Sapanjang jalanSolok-Padang di AiaSirah tu, banyak tagantuang > > bagalentongan, buah markisa nan asam manih, banyak khasiat kasehatnyo > > untuak badan. Kok dibuek jus minuman tu sabana sajuak. Untuak kaganti > > kopi susu, jus markisa mungkin manambah lamak dendeng batokok. > > > > Sayangnyo, dikamopuang awak indak dibuek untuak jus. Kalau itu > > diproduksi untuak jus indak tabateh gunonyo di Aia Sirah sajo, dapek > > disebakan daerah-daerah, ka lua daerah, bahkan dapek untuak ekspsort > > pulo. Ado duo merek boto markisa nan sampai ka rantau ambo: Pohon > > Pinang dari Beras Tagi dan Sarang Tawon dari Malino Sulawesi. Kok > > Markisa solok diproduskis jadi jus pasti akan poluler tu. > > > > Satantangan "Bareh Solok" iyo tamusahua bareh rancak. "Bareh Ampek > > Angkek" pun bareh rancak. Hasil sumbangan jo paduan Bareh Solok jo > > Bareh Ampek Angkek ko melahirkan dan mengetengahkan seorang pemuda > > sehat dan pintar, tokoh diplomat ulung internasisonal termuda. Sabanta > > lai akan kito danga namonyo mamaciak tampuak Kedutaan Besar RI di > > Washington DC. Kito tunggu barito resminyo nanti. > > > > Salam, > > --MakNgah > > Sjamsir Sjarif > > > > --- In [email protected], andi ko <andi.ko.ko@> wrote: > >> > >> *Seri Dendang Kuliner XII : Dendeng Batokok RM Mintuo * > >> > >> Lubuak Salasiah di Ranah Solok > >> > >> Balam jambi baok ka Limau Lunggo > >> > >> Tarantuak kasiah di bao lalok > >> > >> Didalam mimpi kok lai basuo > >> > >> Sanak palanta, > >> > >> Di kelok lapeh lubuak salasih, baru salasai cevrolet lamo mandanguih, > > datang > >> manyambuik rimbo pinus, bajambatan ketek antaronyo. Pinus tagak semba > >> manyemba, bagulasau angin mamintehnyo. Dipiuah stiur ka kida, datang > > mabaleh > >> nan suok, di sinan tatagak cevrolet tuo, tagak tatumbuak dipintu lapau > > nasi. > >> Lapau banamu lapau mintuo. > >> > >> Kok lah sanak sempat singgah, singgah malakik rambang patang, dingin > > manjala > >> dari puncak pinus, manggulasau lapa ka lambuang tangah, barantilah > > sajuak > >> dilapau mintuo. Sungguahpun lapau banamo lapau mintuo, tasingguang > > jamba, > >> tabayia juo. Tapi bialah sanak, dek lamak gatok ubi dililih, balepoh > > pulo > >> lado salayang, bialah saku dikaruaknyo. > >> > >> Baru sajo sanak duduak, diadok meja tuo nan dimakan zaman, datang > > jamba nan > >> basususun, susun rancak ibaraik siriah di carano. Tapi ciek nan ka > > dibaco, > >> yo pokok galeh kapalo jamba, samba lamak banamo dendeng batokok, > > batokok > >> raso-roso ka bacarai, bacarai urek nan jo dagiang, raso ndak ka baelo > >> mamutuihnyo, cukuik untuak gaek indak bagigi. > >> > >> Dendeang yo sabana taba, ba habih minyak dagiang diabuih, lambuik > > manjalang > >> malakik gacah, disinan datang si batu lado. Tokok nan bantuak > > bangih-bangih > >> sayang, "gemes" cari jaonyo, tokok nan indak ma maramuakkan > > cukuik pauruik > >> badan nan leno. Nan dagiang dagiang santiang, kabau bujang nan > > barabahkan. > >> Kabau sati garih si binuang, sumpah nan ka ma maradeso si cucu adam. > >> > >> Dimalah harum indak ka manggilo, bagulimang bawang putiah malah > > salayang. > >> Bawang nan tibo manantang galombang, malinteh malaka nan ba parompak > > bugih. > >> Manyabuang nyao mualim kapa, asa lai sampai ka ranah bundo. Nan > > asamnyo, > >> batarak ka gunuang Pasaman, batapa ka gunuang Sago, asa lai rareh si > > limau > >> tujuah rupo, tumbuah sabatang di tapi jurang, bacakak jo sagalo dewo > > dewi, > >> disinan raso mangko ka sampai. Asam nan indak ka mamadiahkan, hinggo > > mambuek > >> lidah manari, janiah-janiah si ayia ludah. > >> > >> Alah langkok sagalo adaik dagiang, disinan lado mudo ratak mananti. > > Lado nan > >> bukan lado sumbarangan, lado santiang di sawah kagadangan. Asa lai > > raso ka > >> samparono, bialah badan di ambiak mudo, sungguhpun indak ka rela > > tampuak > >> malapeh, bialah tingga dahan tampek bagantuang. > >> > >> Disinan sampai pituah bareh solok, bareh nan lambuik padi kasayangan. > > Asok > >> manggulapua di ateh piriang, indak ka baku dek angin sanjo. Janlah > > lupo > >> manyemba sagalo uwok, batanam taruang jo pucuak parancih, parintang > > hari > >> disuduik pondok, malakik minum kawa siang hari. Yo bana santiang > > baunnyo, > >> mangguah iman bulan puaso, datang pulo sambalado, lado bapalik di > > ujuang > >> cipia. Ndak tatahan rentak si karupuak ubih, daruak bak cando si > > kacang > >> randang, dek angeknyo si kuali, lupolah badan nan jo kuliknyo. > >> > >> Nan pangabisan, kalau raso awih-awih tangguang, pasan pulo si kopi > > susu, > >> minuman kabasaran tokeh jawi, minuman juragan di paburuan. Sahiruik > > raso ka > >> sampai, iruik kaduo mato tapajam, baitu bana raso manikam, raso indak > > ka > >> baliak ka tanah ranatu. > >> > >> Jakarta, 20 Maret 2010 > >> > >> Andiko Sutan Mancayo -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe from this group, send email to rantaunet+unsubscribegooglegroups.com or reply to this email with the words "REMOVE ME" as the subject.
