On Mar 28, 6:37 pm, "sjamsir_sjarif" <[email protected]> wrote: Ambo alun panah lalu Jalan Baru Manggopoh ka Utara tu lai. Dima tibonyo? Di Talu? Apo bisa taruih ka Medan? Kammaheraknyo ka LubuakSikapaiang (jaan Lamo) atau ka Raao (Jalan Baru mamutuih?) Dan ke selatannyo apokoh itu marupokan bagian dari Jalan Baru tu juo sampai ka sungai Limau? Tahinda Tiku? Langang Tiku? Kalau dicaliak tujuan desainnyo ruponyo Jalan Baru ko memang dibuek untuak tujuan eksploitasi hasil perkebunan kelapa sawit, bukan untuak transportasi lintas Sumatera.
Mak Ngah nan ambo hormati, Assalamu'alaikumWrWb, Jalan baru Manggopoh ko dibangun sampai ka Simpang Ampek dengan tujuan mambukak isolasi daerah Pasaman Barat nan sabalun tahun 1970 cuman bisa didatangi malalui Lubuak Sikapiang. Sasudah jalan ko salasai dibuek, langsuang jalan ka Sasak, Aia Bangih, Panti dan sagalo feeder roadnyo dikamehi pemerintah daerah Sumbar (jalan lamo) dan perkebunan Ophir dibuka baru dengan sistem PIR (Nucleus Estate Smallholder). Jalan Simpang Ampek-Natal alah pernah disurvey, tapi alun sempat dikarajokan si Jerman lah mangaliahkan perhatiannyo dan pindah ka Nusa Tenggara. Sasudah Ophir dibuka, banyak kabun lain nan dibuka di Pasaman Barat, cando punyo Bakri, swasta lain, dan perkebunan rakyat nan jumlahnyo sangaik banyak. Hasil bumi Pasaman Barat kini lah indak terbatas sawit sajo. Sagalo truk kosong nan ka baliak ka Jawa biasonyo mangamehi sagalo hasil bumi kawasan subur ko cando jaguang (kini primadona pulo di situ), pisang, papaya, alpuket, pinang, rotan, dll isi parak dan isi rimbo urang sinan. Simpang Ampek alah manjadi kota Kabupaten nan hampia manyatu jo Simpang Tigo (Simpang Tigo ko malah kini lah jadi 'simpang ampek" pulo). Dulu malah alah sempat dibuek airstrip punyo PTP VI di jalan ka Sasak. Airstrip ko alah baaspal, dan di papan namonyo sacaro iseng ditulihkan "International Airport Simpang Ampek". Waktu jalan baru ko baru dibuek, satahu ambo harago tanah di tapi jalan ko ditawar-tawarkan Rp 50.000/Ha; kini manjalang Simpang Ampek harago tanah alah labiah dari Rp 500.000/m2 (!). Kalau mulo-mulo dulu kawan-kawan pendatang dari Mandailing manyerbu tanah-tanah di tapi jalan ko, kini kabanyo mereka lah mulai menempati daerah-daerah di tapi sejumlah sungai nan banyak ditemui di siko. Perkembangan pesat Pasaman Barat ko persis samo jo perkembangan kawasan Selatan Sumbar (Sijunjuang) sasudah jalan Trans Sumatera dibangun. Kalau Sungai Limau, Tiku, dll masih talatak di tapi jalan lamo. Perubahan baru sekadar bahu jalan nan cukuik leba ditambah drainase dan jembatan dengan konstruksi yang labiah memadai. Itu saketek nan ambo tau menjawab pertanyaan Mak Ngah. Maaf & wassalam, Epy Buchari L-66 plus Ciputat Timur -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe from this group, send email to rantaunet+unsubscribegooglegroups.com or reply to this email with the words "REMOVE ME" as the subject.
