Andiko Bia ambo lanjuik saketek Romantis maso bujang dulu mandaki Gunuang Singgalang
Sakiro ambo kelas 2 SMA tahun 1982, nan mandaki gunuang Singgalang yo sadang candu2 bana dek anak SMA jo Mahasiswa dulu Pasti sajo satiok akhir pakan anak2 mudo kota Padang maagenda akhir minggu pai mandaki gunuang Singgalan nan batalago dewi di puncaknyo Dek rumah ambo di aia tawa barat adolah kosentrasi mahasiswa kos2an dari daerah lain nan kuliah di UNAND dan IKIP jadi yo ambo nan masih duduak di SMA bagabuang jo anak2 mahasiswa pai mandaki gunuang Singgalang ko Baposko di rumah Da Mas mahasiswa Unand nan adiaknyo ambo pikia pasti kenal Pak Prof Ramdhanil awak nan samo2 kuliah di Biologi FIPIA Unand namo adiak Da Mas panggilan akrabnyo si Bot, tamasuak si Ujang Apek (kolega Pak Prof juo) Lah bakumpua kami barombongan di rumah Da Mas, adopun gaya dan stelan ambo dulu kan sadang mode2 bajaket tantara untuak manahan dingin jadi dek lai ado Uwan (kakak sepupu ambo jalan bako) nan tentara pangkek bintara, lai pulu ambo diagiah jaket tantara bekas tu (anak mudo jaman ambo manyabuik jaket tantara korea), tu ransel tantara bekas, kopel buruak jo tabuang aia tantara jo alumunium nan sarang tabuang aia ko bisa lo tampek mamasak aia angek untuak kopi sagaleh duo galeh nan bagantuangkan di kopel Sarawa jean bamerek lepis (mau palsu "kapiran" mau asli, mau tidak jelas asal usul sarawa jean ko nan pantiang mereknyo lepis..lah hebat rasonyo mamakai sarawa ko nan ambo dapek marengek2 dulu ka mande ambo untuak mambalikannyo pas dapek honor maja di SMA Adabiah he he) Sapatu ambo sapatu basket Shanghai Cino tu bakaos kaki bola, baju kaos panjang langan pokoknyo lai manakah lah gaya pai mandaki ko ndak pulo lupo sebo Mak Kusia Bendi tu dibaok Lah makan siang kami di Rumah Da Mas, hari Sabtu Malam Minggu sakiro jam 2 an kami bajalan lai kalua di Simpang Tunggua Hitam kami ambek oto ANS nan kabukik, oto yo sadang full bana kurisi, pokoknyo dima tibo sajo kami duduak, kurisi serap, tagak dulu yang pantiang sopir jo sitokar ko lai namuah mambaok rombongan kami nan ka mandaki gunuang Singgalang nan bajumlah 9 urang Urang yo rami ka bukik hari sabtu tu karano Minggunyo pas pulo ado Moto Cross di Bukik Ambacang Beko sambuang lai..maiisi los lambuang lu Wass-Jepe Sent from my BlackBerry® smartphone from Sinyal Bagus XL, Nyambung Teruuusss...! -----Original Message----- From: andi ko <[email protected]> Date: Wed, 14 Apr 2010 11:06:17 To: <[email protected]> Subject: [...@ntau-net] Romantisnyo mandaki gunuang Singgalang Sanak Palanta Takana ukatu mandaki Gunuang Singgalang kutiko maso sikola. Bus baranti di pasa Koto Baru, tampek urang banyak manggaleh sayua. Dingin mulai mandaki bairiang jo kabuik sanjo. Dimintaklah nasi jo gulai cancang di kadai nasi tuo tu. Yo sabana lamak suok naiak, sairiang badan mulai di palun dingin. Alah agak malam hari, diansua pulo jalan mandaki, etan ka suduik kampuang banamo Pandai Sikek. Alah talewati ladang tabu jo ladang sayua, baranti tantang kadai terakhir, di subalah kida jalan setapak ka puncak. Manunggu hari jam 1 malam, di puta kopi kental agak sagaleh. Dek dingin alang kupalang, 15 minik sajo kopi jadi dingin. Baitu pulo mie abuih nan dimintak, lado segar baracik di dalamnyo. Sabanta sajo angek jo padeh, mati dibunuah dingin udaro. Alah badantang jam 1, mulailah malangkah manuju puncak, mailia jalan setapak, nan badampiang jo jalan ayia. Tapik subuah mandakek, sampailah kaki di cadas, disinan dipandang matoari naiak. Alah abih rononyo fajar, dilanjuikkan langkah ka Talago Dewi, talago tanang di puncak Singgalang. Kok ado dunsanak panah marasokan romantisnyo mandaki Singgalang, silahkan sambuang curito ambo Andiko Sutan Mancayo -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject. -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
