Assalamualaikum w.w Ajo Suryadi dan para sanak sa palanta, Kasus pindah agamonyo surang anak di Sungai Limau - dari Islam ka Kristen - sasungguahnyo sangaik menarik jiko ditinjau dari suduik ABS SBK sabagai 'jati diri urang Minang'.
Nan manarik perhatian adolah: 1) kristenisasi iko indak dek kegiatan misionaris lua nagari, tapi dek kegiatan sasamo urang awak juo, nan manjanjikan kredit rumah Rp 150 - 200 juta, nan indak jaleh dari ma asa dananyo; 2) samo sakali indak ado reaksi dari Tungku nan Tigo Sajarangan (?), baiak di nagari Sungai Limau maupun di tingkek kabupaten dan provinsi; 3) sampai kini kegiatan 'Kandang Rasul' tu masih jalan taruih. Apo iyo saroman tu nan kito inginkan bak kato salah satu pameo nan panah ambo baco di RN, yaitu 'uruih sajolah nagari awak surang-surang'. Artinyo iko kan masalah urang Sungai Limau, biakan sajolah urang Sungai Limau nan manangani. Urang awak nan lain - sarupo dari Banuhampu, atau Sulik Aia, atau Abai Siat - indak usah repot-repot. Intinyo : ' lu lu, gue gue,' emangnye gue pikirin' dalam bahaso prokem anak mudo. Nan nampak dek ambo dalam kenyataannyo memang sarupo itu. Minangkabau kini iyo bana sarupo ijuak indak basaga, atau sarupo urang muno, apo sajo bisa dilakukan urang, indak akan ado reaksi apopun dari 'Tungku nan Tigo Sajarangan' baiak di Ranah maupun di Rantau. Kan iyo baitu, pak Mochtar Naim, pak Rainal Rais, buya Masoed Abidin, angku Azmi Dt Bagindo, angku Dt Endang, angku Dt Marwan, angku Sayuti Dt Rajo Pangulu, pak Amir MS Dt Mangguang nan Sati, dan para sanak nan lain nan indak ambo sabuik namo ? Ambo yakin bahaso Bp- bp indak ka mampabiakan sajo kagiatan 'kristenisasi rasa rendang' iko akan balanjuik taruih, saolah-olah ABS SBK tu indak ado aratinyo apo-apo. Baa kok kito mulai mawujuikkan pasan pepatah ' kok tanah nan sabingkah dan rumpuik nan sahalai alah bapunyo, hanyo malu nan alun babagi'. Artinyo kito urang Minang - dari nagari manopun asa kito - supayo sahino samalu, indak malapehkan diri surang-surang. Sasuai jo galitiak Inyiak Sunguik dari Riak nan Badabua, masalah iko supayo dimasuakkan dalam acara KKM nan akan datang. Alhamdulillah, walau indak sacaro khusus untuak kasus Sungai Limau, salah satu tujuan KKM memang utk mambentengi Minangkabau jo mampakuaik dan mangefektifkan kepemimpinan Tungku nan Tigo Sajarangan nan berdasar ABS SBK. Silakan diinok-inokkan sambilan dokumen KKM nan alah dilewakan malalui sagalo caro. Jan tajadi juo sarupo kasus Sungai Limau ko di maso datang. Baiyo banalah kito sajak kini. Pabanyaklah kito bapikia 'baminang-minang' sambia taruih 'banagari-nagari'. Wassalam, ------Original Message------ From: Beni Dianisyar Sender: Rantau Net To: Rantau Net ReplyTo: Rantau Net Subject: Re: [...@ntau-net] Mohon info mengenai ajaran 'KANDANG RASUL' Sent: Aug 7, 2010 17:28 Tarimokasi banyak informasinyo mak Suryaadi. Agak rusuah pulo mabo rasonyo mambaco barita ko... Sebab keluarga urang rumah indak jauh dari sungai limau tu do...Tapeknyo di Sungai Sirah.... Alah sampai ka sinan pulo ko ajaran nyo.. ??? Kondisi ko memang memprihatinkan. Dek ulah pitih agamo nan bagadaikan. Memang isunyo kini banyak gerakan2 di Sumbar kok setelah gampo gerakan2 Kritenisasi. Urang-urang misionaris banyak kabanyo masuak ka Sumbar. Hati-hati dana2 dari Gareja... Pastikan bana dana yang ditarimo tu, asa mu asanyo. Minimal nan salingka badan dulu yang dipakuaik. Yang labiah rancak lai, pamoko adaik, pamuko kampuang, pehak berwajib harus turun tangan untuak malibatkan diri untuak masalah ko. Iming2 pitih gadang, Akidah tagadai.... Beni Dianisyar Telp : 021 68730035 Hp. : 08159453307 / 081284903037 Email : [email protected] [email protected] Web : www.my-successathome.com / www.rejekiharian.com "MIND SET IS DO'A, PERJUANGAN adalah SENI" "GENGSI tidak membuat orang SUKSES, SUKSES membuat orang BERGENGSI" From: Lies Suryadi <[email protected]> To: [email protected] Sent: Sat, August 7, 2010 3:27:52 PM Subject: [...@ntau-net] Mohon info mengenai ajaran 'KANDANG RASUL' Dunsanak di lapau sekalian, Melalui email ko ambo mohon info lebih jauh mengenai ajaran yang menyebut dirinya KANDANG RASUL. Ambo agak prihatin dengan ajaran ko maliek kenyataan di ranah, khususnya Padang Pariaman, wakatu ambo manyilau kampuang duo minggu nan lalu. Lah banyak urang kampuang nan tatariak masuak, bantuak di Sungai Limau, di Kecamatan Nan Sabaris, dll. Tampaknyo ajaran ko bapotensi mambuek perpecahan dalam masyarakat desa dan ado tando2 usaha penyelewengan dari akidah Islam melalui ajaran ko. Ambo lah dapek beberapa dokumen yang terkait dengan ajaran Kandang Rasul ko. Ketua gadang ajaran ko di Padang Pariaman banamo Drs. Yuridis, asa Sungai Limau. Inyo lah punyo babarapo urang tangan kanan untuak mambantunyo merekrut penduduk di berbagai desa untuak ikuik dalam ajaran ko. Modus operandi ajaran ko co iko: Mereka merekrut ibu-ibu di desa-desa, ado juo laki2. Melalui ibu2 ini mereka mintak kartu keluarga, lengkap dengan cap ampu jari tando persetujuan. Ibu-ibu ko dijanjikan akan dapek bantuan dana renovasi rumah senilai 150 - 200 juta per orang, dan sasudah tu dijanjikan pulo akan diagiah modal usaho. Kecek Yuridis ko jo konco2nyo, pitih ko berasal dari harta karun Sukarno. Kudian tadanga pulo kaba lain bahaso pitih ko berasal dari Lembaga Roh Kudus. Di level akar rumpuik, tampaknyo lah banyak induak2 nan tapangaruah dek ajaran ko. Di Sunua, misalnyo, induak2 nan kanai pengaruh ajaran ko lah eboh maurus KK dan sagalo perlengkapannyo. Bilo ado pihak keluarganyo nan maingek'an supayo hati2, mereka manjawek: "awak siriak mah dek kami ka dapek pitih baratuih juta". Tarutamo induak2 ko talalai dek mambayangkan pitih 200 juta ka di tangan, acok bagaduah adu muluik jo anggota keluarganyo nan indak tapangaruah. Jadi, acok kalebuik antaro sasamo anggota keluarga. Di nagari Sunua, misalnyo, lah banyak lo nan menyetor KK (Kartu Keluarganyo) ka pimpinan ajaran ko. Mereka yg lah rapek secara periodik. Tapi di nagari ambo mereka di larang rapek. Akibatnyo mereka sembunyo2 rapek ka nagari lain, yaitu di Marabau, Pariaman Selatan. Pimpinan ajaran ko (Yuridis dkk) mintak iyuran ka anggota2 nan lah kanai pengaruh ko, antaro lain untuak membiayai perjalanannyo ka Jakarta untuak manjapuik pitih nan keceknyo bamiliar2. Sudah tu di Marabau mereka mengadakan pesta mambantai jawi. Tapi gulai jawi ko indak buliah dibao pulang, hanyo dimakan di tampek rapek sajo. Potensi penyelewengan akidah melalui ajaran ko antaro lain taindikasi memalui kasus satu keluarga di Sunua, yaitu keluarga Sadri di Koto Rajo. Dalam Kartu Keluarga (KK) Sadri ko nan dikaluakan dek Dinas Kependudukan dan Catatan Sipil Padang Pariaman Sadri, Istri dan tigo urang anaknyo tercatat BERAGAMA ISLAM. Dalam arsip pengurus Kandang Rasul ko ditemukan catatan dalam kopian KK Sadri, salah sorang anak laki2nyo lah batuka catatan agamonyo menjadi KRISTEN. Kini pihak famili Sadri ko berang2: "DALAM KELUARGA KAMI INDAK ADO NAN BAAGAMO KRISTEN DOH", kecek Nenek ibu Sadri, Yuliar. Ambo liek pihak penyebar ajaran ko bakilah memalui isu HAM. Keceknyo: soal agamo adolah hak pribadi urang. Nah, kalau lah sampai ka soal iko, tantu lah susah kito. Dek negara kito ko sadang gilo jo demokrasi kini. Baa tanggapan rang di lapau soal iko ko? Kok ado sanak di lapau nan tau info asa usua ajaran KANDANG RASUL ko, mohon babagi jo ambo. Wassalam, Suryaadi -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! L Sent from my BlackBerry® smartphone from Sinyal Bagus XL, Nyambung Teruuusss...! -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
