Sanak Madahar, pertanyaan Sanak ko sangaik penting, karano itu ambo mancubo
manjawab sacaro agak langkok dalam dua aspek, umum dan khusus.
Sacaro umum, instrumen hukum internasional HAM memang mengakui hak tiok urang
utk baagamo dan beribadat manuruik agamo dan keyakinannyo itu. Hak iko tamasuak
hak mutlak nan indak bisa dikurangi atau dicabuik dek sia dan dalam keadaan
apopun, dalam damai maupun dalam perang. Istilah hukumnyo: 'non-derogable
rights'.
Sacaro khusus, mampropagandakan agamo atau kayakinan kito KAPADO URANG LAIN -
atau urang lain mampropagandakan agamo atau kayakinannyo KAPADO KITO, bisa
dilarang sacaro khusus karano mangganggu hak urang lain utk baagamo dan
baibadat manuruik agamo dan keyakinnyo surang. Contohnyo: UU ttg Penanggulangan
Bencana th 2007 malarang penyebaran agamo kpd penduduk di daerah bencana nan
sadang dalam keadaan lamah. Konkritnyo, usaho babarapo missi Kristen dari lua
Sumbar untuak manangguak di aia karuah dalam gampo gadang 30 September 2009
adolah marupokan pelanggaran hukum, bisa dilarang dan diusia kalua Sumatera
Barat.Iko alah dilakukan dek Pemda Sumbar.
Tapi baa caro kito malindungi hak kito utk baagamo Islam sacaro umum, talapeh
dari ado indaknyo gampo atau tsunami, misalnyo ?
Ado pulo caronyo, tapi khusus utk masyarakat hukum adat ('indigenous peoples'),
yaitu malalui perlindungan Ps 18 B ayat (2) dan Ps 28 I ayat (3) UUD 1945 dan
Ps 6 UU nomor 39/1999 tantang HAM, nan malindungi latar belakang budaya dan
identitas kultural masyarakat hukum adat nan bersangkutan. Misalnyo manyatokan
sacaro resmi agamo Islam adolah marupokan bagian dari latar belakang budaya dan
identitas kultural masyarakat hukum adat Minangkabau, misalnyo malalui
pangukuhan ABS SBK dalam KKM bulan September muko.
Kalau itu bisa, badagoklah posisi agamo Islam di Minangkabau. Kalau indak bisa,
misalnyo dek disabot LKAAM sarupo kini, mako baliaklah Minangkabau tu saroman
ijuak indak basaga.
Apo indak bisa agamo Islam dan ABS SBK dijamin dek LKAAM dan MUI Sumbar
misalnyo ?
Tantu sajo indak bisa, karano LKAAM dan MUI tu kan cupak buatan nan indak usali
dalam adat Minangkabau, walau tokoh LKAAM gigih bana manyatokan organisasinyo
baurek tunggang di nagari.
Itu kan kato baliau-baliau sajo, nampaknyo karano (mungkin) ado udang di
baliak batu, karano baru-baru ko Ketua Umum LKAAM nan baru - surang politikus
Sumbar nan bapangalaman- alah mulai mamintak supayo Tungku nan Tigo Sajarangan
-tantunyo tamasuak para pangulu nan ado di LKAAM - dimasuakkan dalam 'Muspida
Plus'. Naah.
Permintaan baliau ko aneh, karano baa juo LKAAM tu adolah ormas biaso, indak
labiah indak kurang.
Jadi baa rancaknyo?
Manuruik pengetahuan dan pengalaman ambo salamo 12 tahun di Komnas HAM, nan
paliang badagok dari segi hukum HAM adolah pabilo saluruah urang Minangkabau,
khususnyo nan pakai mandat mawakili nagari sabagai masyarakat-hukum adat
Minangkabau, sacaro resmi - misalnyo dalam KKM mandatang - manyatokan agamo
Islam adolah bagian dari ABS SBK, dan ABS SBK adolah bagian dari latar belakang
sejarah dan identitas kultural masyarakat hukum adat Minangkabau.
Tapi kan LKAAM dan kini Dewan Kesenian Sumatera Barat manulak KKM?
Manuruik pandangan ambo, sikap itu timbua dek indak mangarati sajo, karano
masalah hukum internasional HAM iko kan indak marupokan bidang keahlian
baliau-baliau.
NAN AMBO KHAWATIRKAN ADOLAH KALAU PANULAKAN LKAAM TARADOK KKM TU DIIKUTI PULO
DEK URANG BANYAK, MAKO ARTINYO SACARO INDAK LANGSUANG LKAAM INDAK SUKO AGAMO
ISLAM DAN ABS SBK DILINDUNGI SACARO HUKUM DI SUMATERA BARAT, MISALNYO TARADOK
AKSI KRISTENISASI.
ARTINYO LAI LKAAM SUMBAR SACARO HUKUM MAMBUKA PINTU GADANG-GADANG UNTUK
KRISTENISASI DI MINANGKABAU.
Apo lai sadar panguruih LKAAM nan baru, sarato panguruih DKSB, taradok akibat
aksi-aksi penggembosan KKM -nan sabana gencar baliau-baliau lakukan- taradok
lamahnyo Islam dan ABS SBK di maso datang ?
Ambo sabana indak yakin baitu duduaknyo. Niaik jo musakuik baliau-baliau pasti
elok, hanyo indak didukuang jo wawasan nan luas dan pangatahuan hukum nan
cukuik.
Syukurnyo, nan nampak dek ambo, samakin banyak sanak kito urang Minang, baiak
di Ranah maupun di Rantau, nan mulai sadar taradok pentingnyo Kesepakatan
Bersama ttg ABS SBK nan akan kito satujui dalam KKM bulan September muko tu.
Baa kalau LKAAM tatap juo bausaho manggarajaikan KKM ?
Kok kareh bana hati baliau-baliau tu, palapeh sajolah. Minangkabau kan punyo
kito basamo, bukan punyo LKAAM nan barstatus ormas itu. Sabagai sekretaris umum
LKAAM periode 1966-1972, ambo iyo agak sadiah mancaliak tindak tanduk panguruih
LKAAM kini, nan labiah asyik maurus kepentinganyo surang sacaro politik, dan
sacaro indak sadar malamahkan agamo Islam pado umumnyo dan ABS SBK pado
khususnyo taradok ancaman dari lua.
Mudah-mudahan katarangan ambo ko ado manfaatnyo untuak Sanak Madahar dan untuak
kito basamo, khususnyo dalam mahadoki bulan suci Ramadhan ko.
Salamaik bapuaso. Mohon maaf lahia bathin.
Wassalam,
Taqdir di tangan Allah, nasib di tangan kita.
-----Original Message-----
From: "Madahar (madahar)" <[email protected]>
Sender: [email protected]
Date: Tue, 10 Aug 2010 10:26:47
To: <[email protected]>
Reply-To: [email protected]
Subject: RE: [...@ntau-net] Mohon info mengenai ajaran 'KANDANG RASUL'
Wa'alaikum salam ww,
Pak Saaf, dek apak lai paranah manjadi urang gadang di masalah HAM ko,
baanyo kok apak agiah pulo kami pencerahan satantang kato dibawah :
"Ambo liek pihak penyebar ajaran ko bakilah memalui isu HAM. Keceknyo:
soal agamo adolah hak pribadi urang. Nah, kalau lah sampai ka soal iko,
tantu lah susah kito. Dek negara kito ko sadang gilo jo demokrasi kini."
Mananti malah kami sakutiko ateh pambari nan ka apak sampaian.
Tarimo kasi,
Wassalam
-----Original Message-----
From: [email protected] [mailto:[email protected]] On
Behalf Of Dr Saafroedin Bahar
Sent: Monday, August 09, 2010 4:55 AM
To: Rantau Net
Subject: Re: [...@ntau-net] Mohon info mengenai ajaran 'KANDANG RASUL'
Assalamualaikum w.w Ajo Suryadi dan para sanak sa palanta,
Kasus pindah agamonyo surang anak di Sungai Limau - dari Islam ka
Kristen - sasungguahnyo sangaik menarik jiko ditinjau dari suduik ABS
SBK sabagai 'jati diri urang Minang'.
Nan manarik perhatian adolah: 1) kristenisasi iko indak dek kegiatan
misionaris lua nagari, tapi dek kegiatan sasamo urang awak juo, nan
manjanjikan kredit rumah Rp 150 - 200 juta, nan indak jaleh dari ma asa
dananyo; 2) samo sakali indak ado reaksi dari Tungku nan Tigo Sajarangan
(?), baiak di nagari Sungai Limau maupun di tingkek kabupaten dan
provinsi; 3) sampai kini kegiatan 'Kandang Rasul' tu masih jalan taruih.
Apo iyo saroman tu nan kito inginkan bak kato salah satu pameo nan panah
ambo baco di RN, yaitu 'uruih sajolah nagari awak surang-surang'.
Artinyo iko kan masalah urang Sungai Limau, biakan sajolah urang Sungai
Limau nan manangani. Urang awak nan lain - sarupo dari Banuhampu, atau
Sulik Aia, atau Abai Siat - indak usah repot-repot. Intinyo : ' lu lu,
gue gue,' emangnye gue pikirin' dalam bahaso prokem anak mudo.
Nan nampak dek ambo dalam kenyataannyo memang sarupo itu. Minangkabau
kini iyo bana sarupo ijuak indak basaga, atau sarupo urang muno, apo
sajo bisa dilakukan urang, indak akan ado reaksi apopun dari 'Tungku nan
Tigo Sajarangan' baiak di Ranah maupun di Rantau.
Kan iyo baitu, pak Mochtar Naim, pak Rainal Rais, buya Masoed Abidin,
angku Azmi Dt Bagindo, angku Dt Endang, angku Dt Marwan, angku Sayuti Dt
Rajo Pangulu, pak Amir MS Dt Mangguang nan Sati, dan para sanak nan lain
nan indak ambo sabuik namo ?
Ambo yakin bahaso Bp- bp indak ka mampabiakan sajo kagiatan
'kristenisasi rasa rendang' iko akan balanjuik taruih, saolah-olah ABS
SBK tu indak ado aratinyo apo-apo.
Baa kok kito mulai mawujuikkan pasan pepatah ' kok tanah nan sabingkah
dan rumpuik nan sahalai alah bapunyo, hanyo malu nan alun babagi'.
Artinyo kito urang Minang - dari nagari manopun asa kito - supayo sahino
samalu, indak malapehkan diri surang-surang.
Sasuai jo galitiak Inyiak Sunguik dari Riak nan Badabua, masalah iko
supayo dimasuakkan dalam acara KKM nan akan datang. Alhamdulillah, walau
indak sacaro khusus untuak kasus Sungai Limau, salah satu tujuan KKM
memang utk mambentengi Minangkabau jo mampakuaik dan mangefektifkan
kepemimpinan Tungku nan Tigo Sajarangan nan berdasar ABS SBK. Silakan
diinok-inokkan sambilan dokumen KKM nan alah dilewakan malalui sagalo
caro.
Jan tajadi juo sarupo kasus Sungai Limau ko di maso datang. Baiyo
banalah kito sajak kini. Pabanyaklah kito bapikia 'baminang-minang'
sambia taruih 'banagari-nagari'.
Wassalam,
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
