Assalammualaikum
Wr Wb.
Dunsanak Kasadonyo
Onde ..
Onde tantang kaco mato di Maninjau ko , takana dek ambo kiro-kiro
tahun 1974 atau 1975 dulu di koto gadang maninjau , katiko
kami kiro-kiro 8 urang dari Padang dari bamacam
suku ado urang jawa , kerinci , riau dll di undang menghadiri alek
perkawinan kakak laki2 kawan nan samo kuliah.
Marapulai jo anak daro diarak sakulialiang kampuang pakai kaco mato dari kawek
bolong indak bakaco kami
nan balapan urang ikuik jadi pangiriang , bagi kami nan datang
marupokan pengalaman nan baru dan baharago , baa kini ko lai tatap
bantuak itu pelaksanaannyo , mungkin uncu Piah takana tu mah katiko
jadi anak daro dulu pakai kaco mato bolong.
Tambah carito
pangalaman snek la i.
Malamnyo , kiro -kiro jam 10 malam kami ikuik maanta marapulai ka rumah anak
daro , rombongan kami kiro-kiro 15 urang bacampuah jo kawan dunsanak marapulai
katiko ala sampai disuruh naik , rasonyo alun ado lai panarangan PLN , nan
ado hanyo lampu strong king atau
petromax , diateh rumah ala manunggu apak/mamak dan induak-induak
di ateh rumah .
Di Rumah ala ta hidang
makan malam duduak barapak tapi untuak laki-laki sajo.
Katiko disuruah
makan nan ambo iyo agak cangok stek langsuang se ambo sendok nasi dari
cambuang ka piriang ambo .. Induak-induak tagalak maliek ambo manyendok
nasi tu ..
Ambo siku kawan ,
ambo bisiak an .. “ Baa kok digalak an awak dek urang “ ..
Jaan banyak bana
diambiak nasinyo saincek duo incek se bantuak ambo ko ha’ sambia
manunjuak ka piriangnyo
Ambo lengongkan
mato ka piriang urang lain kiri nyo iyo isinyo iyo cuma sabinjek nasi nyo
di piriang urang lain.
Ambo siku
kawan ko baliak ... Baa kok indak diagiah tahu dulu tata caronyo ..malu
den mah ,...
Iindak baa
do buliah angku jadi hiburan dek induak-induak nan galak tadi
untuang-untuang angku diambiaknyo jadi minantu... jawek nyo sambia galak gadang
...sabana kanai karajoan ambo rasonyo ...
Ambo caliak urang
indak makan do hanyo mamiciak-miciak nasi se sambia bacarito .
Sasudah
makan sambia mamiciak-miciak kiro-kiro 3 incek nasi jo sakupia lauak ...
hidangan jo juadah dibawok dek
induak-induak ka balakang , katiko ala barasiah ... tibo-tibo lampu
panarangan strong King/ Petromax di baok dek urang mudo ka balakang
, sahinggo ruang makan tadi jadi kalam ... dalam kalam tu tadanga kawan tu
mangecek mari awak turun dulu .. hati yo jaan jatuh , kama awak pai
... pacik se tangan ambo katonyo ... , kironyo rombongan
kalua dari rumah taruih pai ka jalan agak jauh dari rumah
anak daro , kasadonyo pintu dan jandela rumah anak daro di
tutuik - sabana kalam.
kiro -kiro sa - jam dilua , tadanga pintu jo jendela rumah anak
daro dibukak , nampak dari cahayo manarangi malam .
Ala naiak awak liak ka rumah anak daro , tapi beko indak buliah lalok do yo
awak batanggang sampai urang azan subuah , kalau marapulai indak kalua
dari kamar anak daro awak jagokan untuak pulang , kalau
kasiangan malu awak beko..
Itulah pangalaman
ambo nan indak parnah talupokan . baa kini lai bantuak itu juo prosesi urang
baralek di salingka Danau Maninjau atau hanyo balaku di Koto
Gadang sajo
Salam
Iqbal Rahman.
58 L .
--- On Sat, 4/9/10, Rita Desfitri Lukman <[email protected]> wrote:
From: Rita Desfitri Lukman <[email protected]>
Subject: [...@ntau-net] KACO MATO
To: [email protected]
Date: Saturday, 4 September, 2010, 5:40 AM
KACO MATO
"Oi... Piak, tolong antakan ambo ka Bukik Tenggi bisuak lah. Mato ko
lah baraie tiok di pakai maliek, bia maliek dakek atau maliek jauah".
Uncu Piah tibo-tibo mancogok di pintu dapua rumah upiak Banun. Upiak
Banun nan baru salasai sumbahyang Asya, kudian sibuk mambuek pabukoan
maangguak patuah. "Jadih, Uncu. Bisuak ambo antakan Uncu ka Bukik
Tenggi pareso mato", jawek upiak Banun jo galak manih. "Tapi pitih
uncu kini sadang sayuik, Bisuak kok pitih Uncu kurang, Upiak bisuak
manambah untuak pambali kaco mato uncu yo?". Upiak Banun tambah
galak-galak jo kurenah uncunyo. "Jadih Uncu, nan jaleh bisuak awak
paresokan mato Uncu tu". Mandanga tu Uncu Piah jo gadang hati pulang
baliak ka rumahnyo.
Pagi-pagi sudah sumbahyang Subuah, Uncu Piah lah tibo baliak di rumah
upiak Banun. Barangkeklah upiak Banun mangawankan Uncu Piah ka Bukik
Tenggi naiak oto Harmonis. Sapanjang jalan dari Maninjau, diajaknyo di
upiak Banun ko Uncu Piah maota lamak, untuang-untuang Uncu lupo jo
paruiknyo nan acok maloyo kalau malewati kelok 44 tu. Tibo di rumah
sakik Akhmad Mukhtar, lah sato malah upiak Banun jo Uncu Piah antri
manunggu doto mato untuak di pareso jo minta resep kaco mato.
Basobok jo doto mato, Uncu Piah langsung bacarito: "Cubo lah di angku
Doto, kok ado nan ambo liek, bia liek jauah atau lek dakek, mato ko
baraie, kapalo sakik, apo ka dipiiciangkan se mato ko taruih-taruih?
Cubo lah liek di doto ko ha, kaco mato ambo ko ndak cocok lai ndak.
Tangkai kaco mato ko lah ndak cocok pulo lai doh. Apo paralu Angku
Doto mambuekkan resep kaco mato sakaligus jo tangkainyo?"
Pak Dokter mato agak galak tatahan, kudian madok ka upiak Banun,
maliek upiak Banun maangguak-angguak, Pak dokter capek-capek maiyokan
Uncu Piah. "Iyo Uncu, gagang kaco mato Uncu beko bia diganti pulo".
Uncu Piah langsung galak sanang, "Kan iyo tu mah Piak, kecek pak Doto
tangkai nyo pun lah paralu di ganti pulo".
Sasudah dapek resep kaco mato nan baru, bajalanlah upiak Banun jo Uncu
Piah arah ka Kampuang Cino, pai ka optik langganan upiak Banun. Tibo
di sinan Uncu Piah langsung sibuk bacarito ka urang toko kaco mato
baraso kacomato nyo lah paralu di ganti. Sasudah sibuk mancari-cari
tangkai kaco mato nan ka di piliah, akhirnyo basuo juo model nan
katuju. Diambiak lah dek urang toko diagiahkannyo ka uncu. Uncu Piah
langsung mamakainyo. "Ha... iko iyo rancak mah Piak. Di ambo iko
kacomato nyo nyoh. Kan lai indak maha bana doh kan?"
Upiak Banun sambia galak bakulum manjawab, "Indak, indak maha doh
Uncu. Kalau di uncu iko nan katuju, nan iko malah nan awak bali".
Urang toko nan indak tahu jo kurenah Uncu Piah masih maajak uncu juo
maliek tangkai-tangkai kacomato model lain, dijojokannyo juo babagai
macam tangkai kacomato ka Uncu.
Tapi nan pilihan gagang kaco mato ndak barubah. Sakali bapiliah, tatap
itu nan dipiliahnyo. Baitu dicubokan ka muko Uncu Piah, beliau
langsung bajalan ka trotoar di muko toko sambia malagak, "Lieklah di
kalian, yobana iko kacomato nan sasuai di ambo mah, tu lah jaleh
nampak urang bajalan dari jauah bagai kalau mamakai kaco ko", kato
Uncu sambia manunjuak urang nan bajalan di bawah jambatan Limpapeh nan
manghubungkan Benteng Fort de Kock jo Kabun Binatang tu. Uncu Piah
sibuk mamparagokan baraso panglihatannyo kini yobana lah batambah
tarang. Panek bajalan hilie mudiak bagaya jo kacomato baru tu, Uncu
maimbau upiak Banun, "Piak, bayie lah kacomato ko, pulang awak lai".
Akhirnyo karano lah tacapai kesepakatan dan lah sasuai pembayaran,
urang toko kacomato maminta gagang kacomato nan dipakai Uncu tu
baliak. Antah dek panek antah dek muak, Uncu Piah agak kurang saba
nyo. Mangecek uncu Piah satangah mahariak, "Indaaak, di ambo nan iko
nyoh. Lieklah sabana tarang mato den mamakai kacomato ko. Lah nampak
di den urang bajalan di nan jauah tu ha...". Urang toko bingung jo
agak takuik maliek Uncu Piah nan agak berang.
Maliek kondisi tu, dibujuak lah dek upiak Banun si Uncu Piah ko
lambek-lambek, "Uncu..., iyo kacomato tu nan awak bali nyoh, indak nan
lain bagai doh. Kini tolong agiahkan baliak kacomato tu ka urang toko
dulu yo..., bia di pasangkannyo bana dulu elok-elok kaconyo, tigo hari
lai awak kamari baliak manjapuik kacomato tu...". :)
Salamaik manjalankan ibadah puaso...
Salam,
RD Lukman
NB.
Tantu sajo upiak Banun ndak sampai hati mangecekkan taruih tarang ka
Uncunyo bahaso nan dipakai Uncu Piah tadi cuma gagang nan lompong alun
bakaco... Namun moral story nan ambo patiak dari peristiwa ko
adolah... :
Lamo iduik banyak dirasai, parabot badan makin dipakai makin ilat.
Kito pun nantik antah baa kalau alah tuo, semoga ambo juo mampu
belajar sabar menghadapi kurenah orang-urang tuo. Semoga hidup kita
dapat bermanfaat kepada orang-orang di sekeliling kita, dan diberkati
Allah.
Wallahu alam...
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
