Wa'alaikum Salam, Mamak Iqbal dan dunsanak sadonyo...
Mungkin kebiasaan mamakai kaco mato lompong dalam adat tu hanyo di Koto Gadang atau di nagari Anam Koto (Koto Kaciak, Koto Gadang, Koto Malintang, dll) barangkali? Dan mungkin hanyo wakatu dulu? Kami di nagari Maninjau rasonyo indak pernah manampak marapulai jo anak daro di arak kuliliang kampuang pakai gagang kaco mato doh :) Manganai makan bajamba urang laki-laki, memang itulah kebiasaan di salingka danau Maninjau. Urang makan laki-laki dalam alek ba jamba hanyo sakadar sajo, buliah dikatokan indak ado urang laki-laki nan ka batambuah bagai tu doh. Kecuali nan si pangka bana, dan makan basamo si pangka tantu agak takudian, jadi tantu inak di tangah jamba. Tapi kalau acara makan bajambanyo ndak terlalu formal, misal urang mando'a ka pai ka Makah, urang mandoa sunat rasu, atau mandoa selamatan lain nan sifatnya syukuran, urang laki-laki lai makannyo agak banyak, paling indak piring makan tu lai agak barisi jo nasi, walaupun juo indak ka batambuah bana :) Jadi bagi urang laki-laki di Maninjau, pai baralek makan dalam adat tu jarang nan makan pueh sampai kanyangnyo, kalau ado si pangka nan alun kanyang samantaro karajo dalam baralek tu kan banyak, sasudah urang laki-laki nan banyak pulang, si pangka ko biasonyo makan baliak, tapi sifatnyo lah makan di rumah dunsanak, nan itu baru diampainyo sampai kanyang, :) Kalau ambo indak salah, kebiasaan makan urang laki-laki nan yo bana sekedar alias saketek sajo dalam alek urang di Maninjau itu untuak manunjuakkan bahaso urang laki-laki ko, di rumah tanggonyo sendiri, makannyo lah tajago dan cukuik lamak sahari-hari dimasakkan anak jo bini karano penghargaan mereka ka suami dan ayah yang begitu besar, sahinggo makanan nan lamak-lamak dalam alek tu dianggap nyo lah biaso sajo, karano anak jo istrinyo mamasakkan makannyo di rumah jauah labiah lamak :) Jadi sagan bana laki-laki di Maninjau tu, kalau inyo makan cepak cepong dalam alek, beko dikomentari urang, bahaso inyo jarang makan nan lamak di rumah sendiri, hehe... Lain padang lain belalang... Wassalam, Rita Lukman ----------------------------------------------------- Pada 4 September 2010 09.51, iqbal rahman <[email protected]> menulis: > Assalammualaikum Wr Wb. > > > > Dunsanak Kasadonyo > > > > Onde .. Onde tantang kaco mato di Maninjau ko , takana dek ambo kiro-kiro > tahun 1974 atau 1975 dulu di koto gadang maninjau , katiko kami > kiro-kiro 8 urang dari Padang dari bamacam suku ado urang jawa , kerinci > , riau dll di undang menghadiri alek perkawinan kakak laki2 kawan nan > samo kuliah. > Marapulai jo anak daro diarak sakulialiang kampuang pakai kaco mato dari > kawek bolong indak bakaco kami nan balapan urang ikuik jadi pangiriang , > bagi kami nan datang marupokan pengalaman nan baru dan baharago , baa > kini ko lai tatap bantuak itu pelaksanaannyo , mungkin uncu Piah takana tu > mah katiko jadi anak daro dulu pakai kaco mato bolong. > > Tambah carito pangalaman snek la i. > > Malamnyo , kiro -kiro jam 10 malam kami ikuik maanta marapulai ka rumah > anak daro , rombongan kami kiro-kiro 15 urang bacampuah jo kawan dunsanak > marapulai katiko ala sampai disuruh naik , rasonyo alun ado lai > panarangan PLN , nan ado hanyo lampu strong king atau petromax , diateh > rumah ala manunggu apak/mamak dan induak-induak di ateh rumah . > > Di Rumah ala ta hidang makan malam duduak barapak tapi untuak laki-laki > sajo. > > Katiko disuruah makan nan ambo iyo agak cangok stek langsuang se ambo > sendok nasi dari cambuang ka piriang ambo .. Induak-induak tagalak maliek > ambo manyendok nasi tu .. > > Ambo siku kawan , ambo bisiak an .. “ Baa kok digalak an awak dek urang > “ .. > > Jaan banyak bana diambiak nasinyo saincek duo incek se bantuak ambo ko ha’ > sambia manunjuak ka piriangnyo > > Ambo lengongkan mato ka piriang urang lain kiri nyo iyo isinyo iyo cuma > sabinjek nasi nyo di piriang urang lain. > > Ambo siku kawan ko baliak ... Baa kok indak diagiah tahu dulu tata > caronyo ..malu den mah ,... > > Iindak baa do buliah angku jadi hiburan dek induak-induak nan galak tadi > untuang-untuang angku diambiaknyo jadi minantu... jawek nyo sambia galak > gadang ...sabana kanai karajoan ambo rasonyo ... > > Ambo caliak urang indak makan do hanyo mamiciak-miciak nasi se sambia > bacarito . > > Sasudah makan sambia mamiciak-miciak kiro-kiro 3 incek nasi jo sakupia > lauak ... hidangan jo juadah dibawok dek induak-induak ka balakang , > katiko ala barasiah ... tibo-tibo lampu panarangan strong King/ Petromax > di baok dek urang mudo ka balakang , sahinggo ruang makan tadi jadi kalam > ... dalam kalam tu tadanga kawan tu mangecek mari awak turun dulu .. hati > yo jaan jatuh , kama awak pai ... pacik se tangan ambo katonyo ... , > kironyo rombongan kalua dari rumah taruih pai ka jalan agak jauh dari > rumah anak daro , kasadonyo pintu dan jandela rumah anak daro di tutuik - > sabana kalam. > kiro -kiro sa - jam dilua , tadanga pintu jo jendela rumah anak daro > dibukak , nampak dari cahayo manarangi malam . > Ala naiak awak liak ka rumah anak daro , tapi beko indak buliah lalok > do yo awak batanggang sampai urang azan subuah , kalau marapulai indak > kalua dari kamar anak daro awak jagokan untuak pulang , kalau kasiangan > malu awak beko.. > > Itulah pangalaman ambo nan indak parnah talupokan . baa kini lai bantuak > itu juo prosesi urang baralek di salingka Danau Maninjau atau hanyo > balaku di Koto Gadang sajo > > > > Salam > > > > Iqbal Rahman. > > 58 L . > > > --- On *Sat, 4/9/10, Rita Desfitri Lukman <[email protected]>*wrote: > > > -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
