Sutan jo adidunsanak lapau, Ambo takana ukatu maisi acara tujuah baleh agustusan dulu waktu kami KKN di daerah Kotobaru daerah lingkuang tapi sungai Batanghari. Kami indak mambayangan apo nan ka tajadi di acara tu do, kami malah mambayangan acara tu mode pesta rakyat mode di nagari kami masiang-masiang nan panuah ceria. Acara waktu tu kami berpartisipasi mambukak acara jo tari indang. Kami ndak baitu mangarati jo suasana penonton nan makin rami di lapangan tu nan tanyato alah mencapai saribu urang labiah. Mereka datang dari hampia keseluruhan Sitiuang dan Kotobaru. Dan ampia buliah dikatoan sadonyo mabuak. Sahinggo kami nan mambukak acara jo bacaan alQur'an dan terakhir jo tari indang tu ampia cilako. Pas tangan kami manjulua ka kamuko manjatiakkan jari..ado nan maelo tangan kami dek urang2 nan lah bi mabuak tu. Sahinggo panitia nan masih sadar lakeh-lakeh mangungsikan kami saromboongan ka rumah panduduak. Dari carito mbah tampek kami tingga, acara mode tu alah sangaik biaso di daerah. Biasonyo sampai bacakak-cakak ayam sadang mabuak tu.
Nan mengerikan tu, ketua kami nan duduak samo di VIP jo perangkat desa malah dapek tawaran pulo untuak sato mabuak lo. Nan manawarkan ko kironyo mereka pun alah mabuak pulo. Mengerikan sungguah mengerikan ambo mancaliak pandangan samalam tu. Lautan manusia hondoh ka suok ka kida dek mabuak. Disisi positif ambo caliak mereka adalah pekerja-pekerja tangguh di bidang masiang-masiang, tapi di malam tu sepertinyo mereka nio malupokan sagalo panek karajo jo caro barami-rami mabuak. Tapi ruponyo memang itu alah jadi tradisi mereka di daerah campuran tu. Sepengetahuan ambo hanyo ciek-ciek urang awak yang berdomisili disitu sejak adonyo program trasmigrasi. Satiok ado keramaian yang ado pagelaran kesenianyo maka mereka akan datang baoto puso antah dari ma sajo. Panuah malimpah lapangan bola nan dipakai. Pernah kami adokan tabligh akbar di lapangan bola tu pulo, mereka maraso kanai kicuah. Mereka sangko acara tu sarupo pagelaran seni pulo, sahinggo datanglah barami-rami baoto puso antah dari maa datangnyo. Setelah duduak sabanta manyimak acara nan kami adokan tu, pado babaliak pulang urang-urang tu naiak bbrp buah puso tu baliak. Indak mungkin nak ka mabuak-mabuak lo di acara mode tu barangkali, bi pulang mereka. Ambo raso samo jo perkiraan bbrp dunsanak lapau, baso kalo mode urang kito indak akan mungkin barami-rami kasadoalahan urang tuo mudo akan mode itu. Setidaknya ado nan tuo nan ka mangingekkan nan mudo-mudo matah tu. Tradisi mode iko ambo jumpai pulo jo masyarakat nelayan di seputaran pulau-pulau ketek di salingkuang batam ko. Pitih nan di dapek sebagian dipagunokan untuak hal foya-foya mode tu, walaupun jariang-jariang ikan alah paralu lo diperbaharui. Mungkin iko nan mambuek nyali-nyali para pemabuk tu lakeh mandidiah darahnyo dek acoknyo mabuak-mabuak tu. Beda jo urang awak nan jarang sampai mode tu, paliang hanyo baganyi ndak basapoan sajo.... Wassalam Rina -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
