Mak Jepe,
Basuruah rina mambandiangan katumba ko yo? Kirimanlah kamari nan bakodak ditangan tu, bia rina cuboan hehe.. J Manuruik rina Mak, dimapun awak marantau, sagalo kuliner kampuang tu hanyo ado di angan-angan sajo Indak akan ado saromannyo jo nan dimasak di Rantau doh Lataklah sagalo macamnyo sasuai petunjuk bana Tapi dek suasananyo indak dapek, baa ka dapek lamak samba saroman di kampuang Tambah lai dari segi bumbu lah balain dari kampuang lo, kunyik di batam ko gadang2, sipadeh mode itu pulo, kecek mama rina sipadeh gajah komah Piak. Daun kunyik indak lo tangguang laweh-lawehnyo do, tapi nan baun no indak sasemlohai nan dikampuang. Kunun ka kunun lo pucuak-pucuak antah barantah nan Mamak sabuikkan tu, yo manyarah duluan rina nyo. Kok iyo bana nak ka manciboannyo, tapaso ikuik Reni ka kampuangnyo, sudah baraja bana jo Mamanyo hehe. Baru manakah, kok indak lah kecewa berat se biko. Kadang rina masak-masak saroman masakan nan pernah dimasak di kampuang. Sabana mahir sangkek dulu tu, dek sagalonyo pas ala Minang. Katiko disiko dicuboan baliak, baa dek balain? Ndak usah jauah-jauah, randang di Bukik lain khas rasonyo baitupun jo warnanyo. Tibo di Rantau rina ko, indak namuah mangariang mahitam cando di bukik doh, walaupun sagalonyo samo, baiak caro ataupun bumbu. Dima salahnyo tu? Yo lain padang lain balalang ko balaku juo di Seni Kuliner ko kironyo Mak. Salah salah malah anguih randang ko ee. Yayai..joh. J Tapi kok kuliner ala pulau, mode asam padeh kepala kakap, ketam renjong lada hitam atau saos pedas, steam baronang, BBQ, kerang tumis atau gonggong saos sambal, iyo sabana padek. Buliah di adu deh pokok ke.. Tapi yo itu tadi, samo jo sagalo nan bergerak capek kalo disiko, mamakannyopun harus dalam kondisi masih angek baru dimasak. Dingin indak salamak ukatu angek. Beda jauah jo masakan awak, nan samakin dingin trus diangek2kan baliak justru batambah lamak. Salam kuliner " Life on a plate" Wassalam Rina -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
