Assalamuallaikum ww Kisanak Jepe, kalau ambo indak salah tangkok, ikan Kerong tu kito sabuik ikan karang cumo dengan pengaruh pengejaan ado nan mayabuik ikan kerong
Mungkin nan Jepe mukasuik ikan kerong ko ikan nan habitatnyo dilauik dalam nan ado karangnyo, ikan karang ko ikan nan bangun tubuahnyo laweh dan mamipih arah kaparuiknyo, kuliknyo sataba kulik ikan kurapu juo, ikan ko kiro2 ma-arah bantuak ikan kaluih/gurami, kok kito pernah macaliak ikan gurami/kaluih nan paliang gadang'e mako ikan kerong ko labiah gadang lo dari itu, warna pungguangnyo ke-biru2an, ikan ko tamasuak ikan langka dan maha bahkan labiah maha dari ikan kurapu Eh... tabasuik galak ambo dek tasabuik dek Jepe "ayam songgeng" ko, baa pulo bantuaknyo kok urang nan tasonggeang.....tasonggeang ko kok caro malayu'e "nungging" Ayam songgeang ko sabananyo "Singgang Ayam" nan biasonyo muncul dalam prosesi adat, sayang ambo indak tau bumbu dan caro masaknyo, ado adiak ambo nan lai pandai mambueknyo nan ambo tau wakatu ado dunsanak ambo nan lain baralek, inyo nan tangguang jawab mambuek ayam songgeang ko Tanyo ambo ciek ka Jepe, wakatu ambo ketek2 saisuak di Tanjuang Pinang ado ikan nan namonyo ikan 'Kitang2" bantuaknyo co ikan kaluih ukuran sedang warna hijau ado lurik2 kekuningan ditubuhnyo, ikan ko indak pernah basuo dek ambo dipasa ikan Pakanbaru maupun Padang dan Pariaman, tapi pernah ambo caliak dijua dipasar modren di Gading Tangerang, nan ambo tanyokan lai pernah sanak Jepe salamo ikuik nelayan di Padang saisuak basuo jo ikan kitang2 ko wasalam abp58 ________________________________ Dari: "[email protected]" <[email protected]> Kepada: [email protected] Terkirim: Jum, 8 Oktober, 2010 11:09:37 Judul: Re: Bls: [...@ntau-net] (Seni Kuliner Ranah Minang) Rendang Belut Mak Arman Bahar dan Dunsanak Palanta Tarimo kasih Mak, lah babagi carito dek ambo intinyo apo nan mamak caritokan mengisyaratkan betapa kayanya lagak, ragam dan jenis kuliner nagari kito baik masakan darek (dataran di sepanjang kaki gunung) maupun masakan pesisir (hamparan daratan disisi pantai) Ambo kalau carito masakan pasisia jo sagalo lauk nan mamak caritokan sabana malayang pangana ambo main jo nelayan sadoalahe lah ambo cubo, mamukek, manjariang, mamayang,m pai jo bagan, mamanciang di karang Lauak2 nan mamak caritokan tu lah ambo caliak jo mato kapalo ambo sorang dan alah ambo pacik Ondee Mak kok Situhuak nan di baco, takana ambo pai manciang jo kapa pompong rang painan nan marantau ka sipora manangkok ikan jo bakadai (dulu di palanta ko lah ambo caritokan) Naik Situhuak ko dek Da Das (baitu namo nan punyo kapa pompong ko) lapeh subuah, ikan jenis garapu ko sabana langka dapeknyo, agak "bodoh" ikan ko di karang dalam kok makan panciang awak dielo ndak ado bana perlawanan, bareknyo ado sekitar 8 kiloan Ado nan paliang ambo idam2kan bana ikan kini Lai tahu mamak KERONG BALI Iko sabana lauk Mak dipangakan sajo masak ala urang pasisia (piaman) sabana TOP rasonyo. Ambo kok ka pasa pagi yo baintai bana ikan ko walau maha sakilonyo, kok datang gak siang ndak ka ado lai Apolai ado rang cino Padang ndak baago bana dek we e do bara panggaleh mahadokan Setelah ambo tanyo ka cino padang ko Ternyato landuang protein asam amino omega 3 keronng bali ko mantab bana buek perkembangan utak balita keceknyo Dek urang Cino ko patang deknyo manggoreng, manggulai, mambaka kok dapek Kerong Bali. Tantunyo di steam nan indak banyak marubah kandungan vit dan omega 3 di ikan tu, lalu dibueknyo nasi tim untuak balitanyo Kalau dek ambo labiah manyipak rasonyo kerong bali ko di baka pacak santan ala ughang piaman Ahh ngiler ambo Mak..maingek kerong bali, satiok ka pasa pagi iko nan ambo intai dulu, prioritas ka duo bawal putiah, katigo kok lai ado juo maco Aji ka gulai masin ka ampek nah iko nyo nanindak pernah bosan2 ambo sajak ketek apolai kalau bukan Tongkol Sisiak nan sabana kamek dan padek dagiangnyo..kamari masuk di masak apopun Terakhir Mak Nampak2nyo yo paralu diiventaris masakan atau kuiner tradisi pesisir ranah awak ko..kayo raso dan jenis terutama masakan ikan lauiknyo Kalau untuak Ayam tantu ingek ambo Ayam Songgeang tu (ado nan tahu bumbu dan cara membuatnya serta disangkutkan dengan acara adat serta budaya urang piaman..plis lewakan..bakandak bana ambo sanakkk oiiiii) Salam kuliner "life on the plate" Wass-Jepe Sent from my AXIS Worry Free BlackBerry® smartphone ________________________________ From: Arman Bahar <[email protected]> Sender: [email protected] Date: Thu, 7 Oct 2010 19:50:08 -0700 (PDT) To: <[email protected]> ReplyTo: [email protected] Subject: Bls: [...@ntau-net] (Seni Kuliner Ranah Minang) Rendang Belut Assalamualaikum ww Ambo jadi iri soal randang baluik ko, alun pernah ambo mencicipi kuliner nan ciek ko kecuali baluik kariang goreng balado baiak bagoreng lado merah maupun ijau Suatu pagi ayah ambo nan urang Agam Tilatang Kamang ko mambaok baluik iduik untuak ka diolah menu hari tu, mancaliak baluik hiduik2 tu, induak ambo tampak gamang dan bacampua pucek namun di bagak2an juo ati dicubo2 pulolah mampasiang baluik2 ko, namun apo nan tajadi, induak ambo pakiak2i kutiko saikua baluik pertamo nan sadang ka dipasiang tu malilik langan kidonyo, walau ditangan suok ado pisau namun indak tantu a nan kadisabuik, hilang lapehlah baluik tu ciek, untuang ayah ambo alun pai baliak ka tokonyo lai, beliaulah nan melanjutkan mambarasiahkan baluik2 tu hinggo siap olah sajo lai Induak ambo sebagaimana urang2 Pariaman/Pasisia lain-nyo memang indak familiar jo randang ayam apolagi randang itiak talabiah lah randang baluik ko Kok ayam kan biasonyo digoreng, dipanggang, di-semur, di-sup, gulai putiah/opor atau digulai kalio, kok baluik nan kariang biasonyo goreng balado namun kok tasabuik itiak, nan ciek ko iyo sobana indak bana ko mah, bahkan kutiko ikan Padang sadang maha atau indak masuak, dari pado mambali ikan aia (gurami, rayo, ataupun lila dll) ataupun ikan sungai (bauang, toman, lompong, tapah, patin dll) beliau labiah suko mamiliah ikan kariang atau lauak masiak nan dari lauik seperti ikan bilalang nan lah langka bana kini Kuliner Piaman Pasisia memang hanya akrab dengan lauak ambu2/tongkol, tenggiri, kakap, kurapu, capa, sisiak/cakalang, gabua, situhuak, gambolo, sigarigak, pinang2, bawal, suaso dll yang biaso diolah jadi gulai sampadeh, gulai santan kuniang, panggang, goreng dll Mungkin dek ikan2 lauik ko tersedia melimpah di pasisia hinggo baluik disawah bebas merdeka tak ada yang berminat menangkapnya Wah kalau dari dulu2 sajak wakatu mudo2 perkasa dulu ambo tau banyak kuliner rang darek nan aduhai lezatnyo ko, mungkin namuah juo awak dulu kawin batambuah tarutamo jo cewek nan jagoan kuliner "Randang Baluik" ko, kini ka baa lai, mandaguik salero sajolah awak mambayangkan curito Jepe cs ko soal rendang belut ataupun kuliner2 khas "Rang Darek" ko wasalam abp58 ________________________________ Dari: "[email protected]" <[email protected]> Kepada: [email protected] Terkirim: Kam, 7 Oktober, 2010 14:47:04 Judul: Re: [...@ntau-net] (Seni Kuliner Ranah Minang) Rendang Belut Kembali ka Randang Baluik Yo mak batambah juo seluk beluk seputar) ko dari mamak, bisa jadi sagalo bahan jo baluik dapek di alam sekitar kamouang tantu taraso murahnyo Waktu ambo ketek2. Dikampuang kok baralek ko nan tukang masak lah manjdi "trade mark" pulo maminta samba nan lah salasai dimasak ko maunjuakan tampuruang barasiah untuak mambaok samba gak sakali makan ka rumah masiang2 sarupo randang baluik, randang dagiang atau gulai kambiang walau ado bagai piriang ..tapi sayak ko juo nan baunjuakan ka tukangsanduak sudah tu dibaok pulang sambia ditutuik jo daun pisang (itu kenangan maso ketek ambo kok liburan sakolah suko ka kampuang) Emang dahsyat rasonyo tu mah Mak jo nasi darai angek he he..cubo pulo jo samba lado dompak baminyak tanak Mak..onde asli bergaya art rock classic bana caro makan kito, diputa stek Mak lagu blues rock Led Zeppelin "since I have been loving you" antah lah Mak..samo sajo tunyo jo dendang rabab raun sabalik he he Nakan-Jepe Sent from my AXIS Worry Free BlackBerry® smartphone ________________________________ From: Bujang Pono <[email protected]> Sender: [email protected] Date: Thu, 7 Oct 2010 15:26:14 +0800 (SGT) To: <[email protected]> ReplyTo: [email protected] Subject: Re: [...@ntau-net] (Seni Kuliner Ranah Minang) Rendang Belut Sanak Jepe ko pandai bana maangkek carito nan katuju de ambo. Randang baluik ko salah satu makanan favorite ambo juo ko ma. kalo dsuguahkan randang dagiang jo randang baluik ,,, ambo pasti mimiliah randang baluik ko. Nan lamak bana randang baluik ko di makan ijaan dicampua jo nan lain, tambah pulo nasinyo agak badarai saketek,,,,ondeh maaak indak nampak mintuo lalu lai do. kalau dikampuang ambo dahulu kala randang baluik disuguahkan di wakatu baralek, iko diuntuakan kapado urang dapua yang mambantu memasak, makasuiknyo urang yang dibalakang. Randang daging untuak tamu dikatangahkan. bagi urang dulu iyolah diangap iko makanan rendahan, mungkin mengingat bahannya murah, dengan kata lain daging sangat mahal dan nilainya tinggi. Bahan bumbunya 1001 macam asam (katanya) yang bisa menghilangkan rasa anyir dari belut tsb. Kok iyo bantuak itu, tantu iyo lamak rasonyo. dahulu bahan bumbunya mudah didapat di hutan-hutan serta belut di luka saja (Luka salah satu penangkap belut) sehingga tdk memerlukan biaya besar. Lama kelamaan dengan rasanya yang enak dan disukai setiap orang yang sudah mencobanya pasti batambuah dan ingin mencoba lagi. Salam BP -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
