Ondeh Rina, tanyo Rina manggesek per pangana MakNgah ka maso jauah satangah abad nan lalu. Labiah-labih hujan-hujan dingin di Rantau Jauah Santa Kuruih ko, maingekkan MakNgah ka Rimbo Gadang tampek Makngah bertapa salamo duo tahun, 1958-60.
Baa ka indak, tanyo Rina kok lai basobok MakNgah jo Inyiak Balang tu. Jan maramang bulu kuduak Rina jo adidunsanak sadonyo, jawab singkek pendek tapek, lai ... Bukan sajo basobok, bahkan buliah dikatokan MakNgah memang tingga dan marupokan bagian dalam lingkungan daerahnyo dan bakawan jo mereka. Kalau malam-malam memang ado mereka nan lalu dan main-main di lua dangau MakNgah. Kalau hari sudah hujan, jalan tapak nan kami lalui basamo jo inyiak tu pagi-pagi lah panuah jo jajaknyo. Jalan tu satu satunyo jalan tapak kami kalua rimbo turun naiak kalau ka pai sumbayang Jumaat atau ado urusan paralu di kampuang di Tapi Rimbo Gadang tu. Inyiak Balang adolah Makhluk nan ramah, mind your own business dan harus saling respek jo kito. Jan takabua, jan digaduah-gaduah urusannyo jan dipanciang-panciang bangihnyo. Salamo duo tahun tu indak surang juo kawan kami nan tabawo rendong jo urusan inyiak ko. Kami salapan urang dalam duo dangau lai selamat ka sadonyo. Urang Kampuang indak tahu dimaa persis dangau kami karano memang indak buliah ditampuah urang nan indak bakapentingan. Komunikasi kami ka post penjaga terdepan pakai talipon ado sahari pajalanan. Jiko ado gerak-gerik nan mancurigakan kami lah tahu. Wakatu itu alun ado HP saroman kini. Jadi kabel talipon tu barantangkan di ateh dahan-dahan kayu sajauah tu. Salain Inyiak, kawan-kawan MakNgah nan akrab elok-elok adolah Keluarga Kompi Karo. Tiok tangahhari mereka lah datang ka sekitar pondok kami main-main di ateh kayu gadang. Awak manonton iyo, inyo manonton awak. Nan pagarah, pagarah juo, inyo mancibia awak mancibia, antah sia nan dicibiakan, mungkin awak nan dicibiakannyo. Tapi mantikonyo, kalau kami tinggakan dangau, pai ka bawah ka kampuang, dapua kami pasti lah dikarubiaki mareka. mareka sanang maintip awak kalau-kalau bilo awak ka pai. Mereka datang ka sakitar dangau kami, tiok siang hari, karano Batang Aia gadang nan sangat janiah malalui duo pondok kami nan basubarangan di sungai tu. Mareka hauih pai manyasok. Indak ado urang nan mamakai aia tu dimudiak sabalun kami,barasiah janiah. badasia aianyo manuruni batu-batu gadang mambuek pangana manjadi sajuak mandamaikan hati. Dangau kami bukan sumbarang dangau. Dibangun khusus dari kayu dengan dindiang papan, kayu asli setemoat, batingkek duo. Duo dangau basubarangan batang aia tu, nan ciek agak ka mudiak tapi rancak untuak manyubarang bajalan saketek. Dangaua MakNgah dipakai sabagai kantua, dan tamoek lalok. Dangau di ateh studio dan dipaliharo para teknisian Phb. Kami pakai listerik dari turbin dari aia tajun di batang aia tu. Itu sababnyo nama samaran untuak dangau kami "Kincia". Dalam sajak Pak Natsir nan pernah MakNgah soroot saketek patang ko, "Sjair", dari baliau tulih "Kintjir". Kalau MakNgah sempat nanti, di musim hujan ko, ingin pai maulang jajak sambia mancaliak rimbo durian nan dianggap urang kampuang ditanam mungkin dek "Urang Bunyian". Yah "Urang Bunyian" tu kini lah jauah bana dari rimbonyo, sadang manulih ko di Rantau Jauah... Ula? Ula sagadang pangkalangan lah panah mamanjek dangau kami. Ikuanyo malepai-lepai muko kawan sadang lalok. Ruponyo ula tu sadang kalamakan makan talua ayan di dindiang sabalah kalua dangau kami. Sayangnyo dek takajuik dan bangih hati, kawan ko manggurap sabalah badan ula di dindiang dalam tu jo kayu sampai ula tu mati. Seharusnyo indak bulaih, namun apolah lah tajadi. MakNgah manyasa sampai kini mancaliak duo kawan kami marambahi ula tu. Alah, sakitulah dahulu, panjang amek pulo carito Makngah bikoh... Salam, --MakNgah Sjamsir Sjarif Di Tapi Riak nan Badabua Santa Cruz, California --- In [email protected], "rinapermadi" <rinaperm...@...> wrote: > > Untuak Tuo-Tuo Di RN, > > Dulu ambo pernah dapek carito dari nenek > Di daerah BUkik Barisan tapeknyo di Tilatang Kamang nenek barumah saisuak, > katiko masih mudo kato nenek pabilo hari lah malam. Acok tadanga mandanguih > ka suduik dapua di balakang rumah. Biaso no dek nenek bakaluakan nasi jo > samba dipiriang untuak Nyiak Balang. Manuruik nenek nan mandanguih kareh di > balakang rumah tu adolah Inyiak Balang nan jikok malam matonyo cando senter > tarang no. > > Samanjak nagari alah aman, alah jarang lo Inyiak Balang mandaguih ka suduik > dapua. > > Kiro-kiro apokoh pernah Mak Ngah basobok jo keluarga Inyiak Balang wakatu > manjalajah rimbo saisuak? > Kalo carito Papa Rina nan kalua masuak Rimbo lo dek jadi kurir Pak Imam. > Kalo lalok di tangah Rimbo biaso no baiduik an api untuak basangai dek > dingin no ari. Pabilo alah tarang ari nampaklah bakeh lalok Inyiak Balang di > bakeh abu api nan iduik malam no. Alun pernah basobok lansuang jo Inyiak > Balang tapi kok jo Karo gadang, kandiak, Ruso, Kijang, Ula gadang alah > pernah. > > Baa Mak Ngah? Caritoan lolah Mak Ngah, Pak Jacky atau Nyiak Lako? > > Wassalam > Rina > > Nan sanang jo carito Inyiak jo Neneknyo tantang nagari saisuak -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
