Mak Ngah,
Sabana seru perjalanan iduik Mak Ngah saisuak ko yiah. Sabana adventure bana, tantulah sabana seru jikok dinapak tilasi perjalanan tu Mak Ngah. Rina mambayangan misalkan Mak Ngah, Mak Dt Tan Kabasaran, Papa, atau kawan-kawan nan sapajalanan sisuak tu basobok trus malakukan napak tilas perjalanan PRRI saisuak tu. Keren abis kali yo Mak Ngah? Trus didokumentasikan elok-elok. Sato lo salah surang anak Pak Imam. Manuruik pandangan Rina dari carito2 Papa tentang Pak Imam ko, sabana maagiahkan kesan baso Pak Imam batua-batua tokoh teladan nan alun ado bandiang nan ditamui liau sacaro lansuang salamo iduik Liau. Kadang kalolah mati lampu Papa ko kadang galia, bia nak manggaretek katakutan kami nan kaciak2 tu, liau caritoan nan ngari2 nan ditamui Liau sangkek jadi kurir Pak Imam sisuak tun. Kalam yiah kecek Liau, bantuak iko Waden sisuak di rimbo bajalan baduo jo kawan di tangah Rimbo.' Kecek Liau mamuloi. Samo jo Mak Ngah carito Liau tu. Kok urang lain ndak ka basobok bagai tampek mandok kami tu doh dek sabana nan bakapentingan sajo nan buliah lalu kasinan. Mudah2an lakeh tasampaian yoh Mak Ngah nan dikaingini tu. Wassalam Rina -----Original Message----- From: [email protected] [mailto:[email protected]] On Behalf Of sjamsir_sjarif Sent: Thursday, November 25, 2010 4:17 PM To: [email protected] Subject: Re: [...@ntau-net] Harimau Sumatera Kelilingi Harimau Yang Terjerat Ondeh Rina, tanyo Rina manggesek per pangana MakNgah ka maso jauah satangah abad nan lalu. Labiah-labih hujan-hujan dingin di Rantau Jauah Santa Kuruih ko, maingekkan MakNgah ka Rimbo Gadang tampek Makngah bertapa salamo duo tahun, 1958-60. Baa ka indak, tanyo Rina kok lai basobok MakNgah jo Inyiak Balang tu. Jan maramang bulu kuduak Rina jo adidunsanak sadonyo, jawab singkek pendek tapek, lai ... Bukan sajo basobok, bahkan buliah dikatokan MakNgah memang tingga dan marupokan bagian dalam lingkungan daerahnyo dan bakawan jo mereka. Kalau malam-malam memang ado mereka nan lalu dan main-main di lua dangau MakNgah. Kalau hari sudah hujan, jalan tapak nan kami lalui basamo jo inyiak tu pagi-pagi lah panuah jo jajaknyo. Jalan tu satu satunyo jalan tapak kami kalua rimbo turun naiak kalau ka pai sumbayang Jumaat atau ado urusan paralu di kampuang di Tapi Rimbo Gadang tu. Inyiak Balang adolah Makhluk nan ramah, mind your own business dan harus saling respek jo kito. Jan takabua, jan digaduah-gaduah urusannyo jan dipanciang-panciang bangihnyo. Salamo duo tahun tu indak surang juo kawan kami nan tabawo rendong jo urusan inyiak ko. Kami salapan urang dalam duo dangau lai selamat ka sadonyo. Urang Kampuang indak tahu dimaa persis dangau kami karano memang indak buliah ditampuah urang nan indak bakapentingan. Komunikasi kami ka post penjaga terdepan pakai talipon ado sahari pajalanan. Jiko ado gerak-gerik nan mancurigakan kami lah tahu. Wakatu itu alun ado HP saroman kini. Jadi kabel talipon tu barantangkan di ateh dahan-dahan kayu sajauah tu. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
